Sariya 7:24 - ALA KA KUMA

²⁴ A bena u ka masacɛw don aw bolo, aw bena u tɔgɔ tunu ka bɔ dugukolo kan. U si tena se ka lɔ aw ɲakɔrɔ. Aw bena u halaki pewu.

Jula NT of Côte d’Ivoire

²⁴ A bɛna o ta masacɛw don aw boro; aw bɛna o bɛɛ faga fɔ ka o tɔgɔ tunu ka bɔ dugukolo kan. O si kelen tɛna se ka lɔ ka aw kɔnɔ; aw bɛna o bɛɛ halaki.

Sariya 7:24 Iomraidhean Croise

Zaburu 9:5

Bari e lɔra ni ne ka koo ye k'o ɲanabɔ. K'i to i ka masasigilan kan, e be kiti tilennin tigɛ.

Bɔri 17:14

O kɔ, Masaba y'a fɔ Musa ye ko: «I ka o koo nin sɛbɛn kitabu kɔnɔ janko mɔgɔw kana ɲinɛ a kɔ. A fɔ Zozuwe ye fana ko ne bena Amalɛki tɔgɔ tunu ka bɔ dugukolo kan.»

Zanaw 10:7

Mɔgɔtilennin ka koo be to mɔgɔw hakili la. Nga mɔgɔjugu kɔni tɔgɔ be tunu bugubugu.

Ezayi 54:17

Kɛlɛkɛminan fɛɛn o fɛɛn dilanna i kama, o si tena foyi ɲa. Daa o daa man'a fɔ ko a b'i jalaki kititigɛyɔrɔ la, i ben'a ka kuma kɔɔ kari. O le bena kɛ ne Masaba ka baarakɛlaw niyɔrɔ ye. Ne bena u kɛ sesɔrɔbagaw ye.» Masaba le ko ten!

Yeremi 10:11

«Aw ben'a fɔ u ye ko: Batofɛn minw ma sankolo ni dugukolo dan, olu bɛɛ bena tunu ka bɔ diɲɛ na.»

Sofoni 1:4

«Ne bena wili Zuda mara kama, ani Zeruzalɛmukaw bɛɛ kama. N bena *Baali sɔnko ban ka bɔ yen, k'a ka murutigiw tɔgɔ tunu,

Rɔmukaw 8:37

Nga o bɛɛ n'a ta, an kɛra sesɔrɔlaw ye kosɔbɛ, Krista barika la, ale min y'an kanu.

Kor fɔlɔ 15:57

An ka barika la Ala ye, ale min be kɛ an be see sɔrɔ an Matigi Yezu Krista barika la.

Sariya 11:25

Mɔgɔ si tena se ka lɔ aw ɲa. Aw bena taga yɔrɔ o yɔrɔ, Masaba ben'a kɛ o yɔrɔ mɔgɔw be siran ani ka yɛrɛyɛrɛ aw ɲa i n'a fɔ a y'a daa di aw ma cogo min na.

Sariya 25:19

Masaba aw ka Ala be jamana min dira aw ma k'a kɛ aw ta ye, n'a ye aw tanga juguw bɛɛ ma tuma min na, minw be aw lamini na, n'a ye sigiyɔrɔ d'aw ma, aw kana ɲinɛ, aw ka amalɛkiw bɛɛ halaki pewu dugukolo kan, waasa mɔgɔ si hakili kana jigi u koo la.

Sariya 29:20

Masaba ben'a bɔ Isirayɛli deenw burujuw cɛma ka kojugu lase a ma ka kɛɲɛ ni bɛɛn danga ye minw bɛɛ koo fɔra sariyasɛbɛ nin kɔnɔ.

Sariya 9:14

A to, ne b'u faga k'u tɔgɔ tunu ka bɔ dugukolo kan pewu! Ne ben'a kɛ siya dɔ wɛrɛ be wili ele kɔ tugu min barika bena boɲa n'u ta ye, a bena caya n'u ye.›

Sariya 9:3

Aw k'a lɔn bii ko Masaba aw ka Ala be taamana aw ɲa i n'a fɔ tasuma min be cɛnni kɛ. A bena u halaki, k'u majigi aw ɲa. Aw bena u gwɛn, k'u halaki yɔrɔnin kelen i n'a fɔ Masaba tun y'a daa di aw ma cogo min na.

Yosuwe 1:5

Ka i to sii la, mɔgɔ si tena se ka lɔ i ɲafɛ. Ne bena to i fɛ i n'a fɔ ne tora Musa fɛ cogo min na, ne tena i bila abada, ne fana tena i to i kelen na fewu.

Yosuwe 10:23

U y'a kɛ ten, u ye masacɛ duuru nunu bɔ kuluwo kɔnɔ, ka na n'u ye a fɛ, o tun ye Zeruzalɛmu masacɛ ye, ni Eburɔn masacɛ, ani Yarimuti masacɛ, ni Lakisi masacɛ, ani Egilɔn masacɛ ye.

Yosuwe 10:40

Zozuwe ye kuluyɔrɔ duguw kɛlɛ k'u bɛɛ minɛ, ani worodugu ɲafan fɛ taw, ni kulujukɔrɔ mara taw, ani yɔrɔjigijigininw taw, n'u masacɛw bɛɛ, k'u faga, a ma foyi to nii la. Fɛɛn minw bɛɛ be ninakili, a ye olu bɛɛ halaki pewu, ka kɛɲɛ ni Masaba ka fɔta ye, Isirayɛli ka Ala.

Yosuwe 10:42

Zozuwe y'o masacɛ nunu, n'u ka maraw bɛɛ minɛ waati kelen bari, Masaba, Isirayɛli ka Ala tun b'a dɛmɛna kɛlɛ la.

Yosuwe 10:8

Masaba y'a fɔ Zozuwe ye ko: «Kana siran u ɲa fewu, bari ne y'u don i bolo, u si tena se ka lɔ i ɲafɛ.»

Yosuwe 11:17

K'a ta Alaki kulu kan, min be *Seyiri mara faan fɛ, fɔɔ ka taga se Baaligadi mara la, Liban kɔkɛnɛ la, Ɛrɛmɔn kulu jukɔrɔ, a y'o yɔrɔ masacɛw bɛɛ minɛ k'u faga.

Yosuwe 12:24

Tirisa masacɛ. Masacɛ nunu lajɛnnin kɛra mɔgɔ bi saba ni kelen ye.

Yosuwe 21:44

Masaba ye hɛrɛ kɛ u ye u faan bɛɛ la, i n'a fɔ a tun y'a daa di cogo min na u faaw ma. U jugu si ma se ka lɔ u ɲafɛ, Masaba y'u juguw bɛɛ don u bolo.

Yosuwe 23:3

Masaba aw ka Ala ye fɛɛn minw bɛɛ kɛ siya nunu bɛɛ la aw kosɔn, aw yɛrɛw y'o ye! Masaba aw ka Ala le tun be to k'aw dɛmɛ kɛlɛ la.

Yosuwe 23:9

Masaba ye siyababaw gwɛn aw ɲafɛ, fanga be minw na, mɔgɔ si ma se ka lɔ aw ɲafɛ fɔɔ ka na se bii ma.

Yosuwe 6:2

Masaba y'a fɔ Zozuwe ye ko: «Ayiwa, ne ye Zeriko don i bolo n'a ka masacɛ, ani a ka kɛlɛdenw.