Sariya 7:2 - ALA KA KUMA

² Ni Masaba aw ka Ala y'u don aw bolo tuma min na, n'aw sera u kɔrɔ, aw bena u halaki pewu k'u kɛ a ta ye. Aw kana bɛn n'u ye, aw kana makari u la.

Jula NT of Côte d’Ivoire

² Ni Matigi Ala, aw ta Ala nana o siyaw don aw boro, ni aw ka se sɔrɔ o kan, aw ye o bɛɛ halaki ka ban pewu. Aw kana jɛnɲɔgɔnya si don ni o ye, aw fana kana makari o ra.

Sariya 7:2 Iomraidhean Croise

Damina 14:20

Fɛɛn bɛɛ kuntigi Ala ka tanu, ale min y'i juguw don i bolo.» Abramu tun ye fɛɛn minw bɛɛ sɔrɔ kɛlɛ yɔrɔ la, a y'o bɛɛ jaka d'a ma.

Sam 2nan 21:2

O la, masacɛ ye Gabaŋɔnkaw wele ka kuma u fɛ. Gabaŋɔnkaw tun te Isirayɛlidenw dɔ ye, amoriw tɔɔ tun lo. Isirayɛlidenw tun kalila k'u tena u faga. O n'a ta bɛɛ, Sayuli tun b'a fɛ ka baara ɲanaman kɛ Zuda kɔmɔgɔw ni Isirayɛliden tɔw ye minkɛ, o la, a tun b'a fɛ k'u sii tunu.

Mas fɔlɔ 20:34

Bɛnadadi y'a fɔ Akabu ye ko ale facɛ tun ye dugu minw minɛ a facɛ fɛ, ko ale b'u kɔsegi k'o d'a ma. Ko a fana ben'a to a be lɔgɔw sigi Damasi dugu kɔnɔ i n'a fɔ ale facɛ tun y'a kɛ cogo min na Samari dugu kɔnɔ. Akabu y'a fɔ a ye ko u bena bɛɛn, o kɔ, ale ben'a to a be taga. U bɛnna. O kɔ, a y'a to a tagara.

Ɛsidarasi 10:3

Sisan an ka layidu ta an ka Ala ye k'a fɔ ko an bena muso nunu bɛɛ n'o deenw gwɛn, ka kɛɲɛ n'i ka ladili ye, ani mɔgɔ wɛrɛw ta, minw bɛɛ be siran an ka Ala ka sariya ɲa. O ka kɛ ka kɛɲɛ ni sariya ye.

Zaburu 106:34

Masaba tun ko u ka siya minw halaki, u ma sɔn k'olu halaki.

Bɔri 22:20

«Aw man kan ka lonan tɔɲɔ, aw kan'a tɔɔrɔ fana. Bari aw tun ye lonanw ye Ezipiti jamana na.

Jateri 21:2

Isirayɛlidenw ye dajuru ta Masaba ye ko n'a ye mɔgɔ nunu don u bolo, k'u bena u ka duguw halaki pewu.

Jateri 31:17

Ayiwa, sisan aw ye dencɛw bɛɛ faga, ani cɛɛ lara ni muso minw bɛɛ ye ka tɛmɛ.

Jateri 33:52

ko u ka jamana mɔgɔ nunu bɛɛ gwɛn ka bɔ yen. Ko u k'u ka joo kabakurulamanw bɛɛ ci, k'u ka joow bɛɛ cɛn, minw dilanna ni nigɛ yelennin ye, n'u ka sɔnnikɛyɔrɔw bɛɛ.

Sariya 13:8

minw ye aw lamini siyaw ka batofɛnw ye, minw yɔrɔ ka surun, walima minw yɔrɔ ka jan aw la, fɔɔ jamana daan na,

Sariya 13:9

i kana sɔn a ta ma, kana mɛnni kɛ a fɛ. Kana makari a la, kana hinɛ a la, walima k'a sutara.

Sariya 19:13

Aw man kan ka makari a la. Aw ka kan ka mɔgɔ jalakibali fagako kunko bɔ aw kunna Isirayɛli kɔnɔ, o la, aw bena hɛrɛ sɔrɔ.

Sariya 2:33

Masaba an ka Ala y'a don an bolo, an ser'a kɔrɔ, n'a deenw, n'a ka jama bɛɛ.

Sariya 2:34

O tuma na, an y'a ka duguw bɛɛ minɛ k'o kɔnɔfɛnw halaki pewu k'u kɛ Masaba ta ye, muso fara cɛɛw ni denmisɛnw kan, hali mɔgɔ kelen ma to.

Sariya 23:14

Aw bena to ka bɔ ni minan dɔ ye aw bolo, ni mɔgɔ dɔ ko a be taga banakɔtaga kɛ, o tigi ka dingɛ sogi, n'a tilara tuma min na, a k'a datugu.

Sariya 25:12

aw k'o muso nin bolo tigɛ, aw man kan ka hinɛ a la.

Sariya 3:3

O la, Masaba an ka Ala ye Ɔgi n'a ka jama bɛɛ fana don an bolo. An y'u faga, an ma mɔgɔ si to yen.

Sariya 31:5

A bena u di aw ma, aw bena u kɛ i ko a y'a fɔ aw ye cogo min na.

Sariya 33:27

Kabini fɔlɔfɔlɔ, Ala kɛra i dogoyɔrɔ ye, kabini fɔlɔfɔlɔ, i maranin be a ka sebagaya barika la. Ale lo b'i juguw gwɛn ka bɔ i ɲafɛ, a b'a fɔ ko u k'u faga.

Sariya 7:16

Masaba aw ka Ala bena siya minw bɛɛ don aw bolo, aw k'u bɛɛ faga, aw kana makari u la. Aw kana u ka joow sɔn, n'o tɛ, o bena kɛ jaan ye aw ɲa.

Sariya 9:3

Aw k'a lɔn bii ko Masaba aw ka Ala be taamana aw ɲa i n'a fɔ tasuma min be cɛnni kɛ. A bena u halaki, k'u majigi aw ɲa. Aw bena u gwɛn, k'u halaki yɔrɔnin kelen i n'a fɔ Masaba tun y'a daa di aw ma cogo min na.

Yosuwe 10:28

O loon kelen na, Zozuwe ye Makeda dugu minɛ, k'a halaki pewu ni murujan ye. A ye dugu masacɛ halaki, ni dugu mɔgɔw bɛɛ, a ma mɔgɔ si to nii la. A ye Zeriko masacɛ kɛ cogo min na, a ye Makeda masacɛ kɛ ten fana.

Yosuwe 10:30

Masaba ye dugu nin don Isirayɛlidenw bolo, n'a ka masacɛ. U ye dugu nin halaki ni murujan ye, dugu nin n'a kɔnɔ mɔgɔw bɛɛ, u yɛrɛ ma mɔgɔ si to nii la. Zozuwe tun ye Zeriko masacɛ kɛ cogo min na, a ye Libina masacɛ fana kɛ ten.

Yosuwe 10:32

Masaba ye Lakisi don Isirayɛlidenw bolo, u sera u kɔrɔ a tile filanan loon. U y'a halaki ni murujan ye ani a kɔnɔ mɔgɔw i n'a fɔ u tun ye Libina kɛ cogo min na.

Yosuwe 10:40

Zozuwe ye kuluyɔrɔ duguw kɛlɛ k'u bɛɛ minɛ, ani worodugu ɲafan fɛ taw, ni kulujukɔrɔ mara taw, ani yɔrɔjigijigininw taw, n'u masacɛw bɛɛ, k'u faga, a ma foyi to nii la. Fɛɛn minw bɛɛ be ninakili, a ye olu bɛɛ halaki pewu, ka kɛɲɛ ni Masaba ka fɔta ye, Isirayɛli ka Ala.

Yosuwe 10:42

Zozuwe y'o masacɛ nunu, n'u ka maraw bɛɛ minɛ waati kelen bari, Masaba, Isirayɛli ka Ala tun b'a dɛmɛna kɛlɛ la.

Yosuwe 11:8

Masaba y'u don Isirayɛlidenw bolo, olu sera u kɔrɔ, k'u gwɛn fɔɔ ka taga se Sidɔn gɛrɛfɛ, min ye dugubaba ye, ani Misirefɔti Mayimu, fɔɔ ka taga se Misipe mara kɔkɛnɛ la, min be kɔrɔn faan fɛ. U y'u halaki, u ma foyi to nii la.

Yosuwe 2:14

Mɔgɔ nunu y'a fɔ a ye ko: «An kɔni labɛnnin be hali ka sa ele n'i ka somɔgɔw kosɔn. N'i sɔnna k'an sutara, ni Masaba nana jamana nin di an ma tuma min na, an bena koɲuman kɛ i ye fana ka kɛ kantigiw ye.»

Yosuwe 21:44

Masaba ye hɛrɛ kɛ u ye u faan bɛɛ la, i n'a fɔ a tun y'a daa di cogo min na u faaw ma. U jugu si ma se ka lɔ u ɲafɛ, Masaba y'u juguw bɛɛ don u bolo.

Yosuwe 8:24

Ayika minw tun tugura Isirayɛlidenw kɔ kongokolon kɔnɔ, u ye olu bɛɛ faga ka ban pewu tuma min na ni murujan ye, u bɛɛ lajɛnnin kɔsegira ka na Ayi dugu halaki ni murujan ye.

Yosuwe 9:24

U ye Zozuwe jaabi ko: «Masaba e ka Ala tun ye kuma min fɔ a ka baarakɛla Musa ye, ko a bena jamana nin bɛɛ don aw bolo, ani k'a kɔnɔ mɔgɔw bɛɛ halaki, i ka baaradenw y'o mɛn, aw fana ye an jaa tigɛ ka siranya bila an na, o le y'a to an y'a kɛ ten.

Yosuwe 9:7

Isirayɛlidenw y'a fɔ ivi nunu ye ko: «N'a sɔrɔ aw yɛrɛ siginin be anw cɛma. An be se ka bɛn n'aw ye cogo di?»

Kititigɛbagaw 1:24

Kɔlɔsilikɛbaga nunu ye mɔgɔ dɔ ye n'a be bɔra dugu nin kɔnɔ. U y'a fɔ a ye ko a ka donyɔrɔ yira olu la, k'o la, olu fana bena koɲuman kɛ a ye.

Kititigɛbagaw 1:4

Zuda kɔmɔgɔw tagara Kanaan nunu kɛlɛ. Masaba y'u don u bolo, ni periziw fana, Zuda kɔmɔgɔw ye mɔgɔ waa tan (10 000) faga Bɛzɛki.

Kititigɛbagaw 2:2

Ko aw man kan ka bɛɛn ni jamana nin kɔnɔ mɔgɔw ye, ko aw ka kan k'u ka sɔnnikɛyɔrɔw cɛn. Nga aw ma sɔn ka mɛnni kɛ ne fɛ. Mun na aw y'a kɛ ten?