Sariya 7:17 - ALA KA KUMA

¹⁷ «N'a b'aw kɔnɔ ko siya nunu ka ca n'aw ye, ko aw bena kɛ cogo di k'u gwɛn,

Jula NT of Côte d’Ivoire

¹⁷ Aw bɛ se k’a miiri aw yɛrɛ kɔnɔ k’a fɔ ko: «Nin siyaw ka ca ka tɛmɛ anw kan; anw bɛna se ka o gbɛn cogo di?»

Sariya 7:17 Iomraidhean Croise

Ezayi 14:13

Ele min tun b'a fɔ ko: «Ne bena yɛlɛ ka taga sankolo la ka n ka masasigilan bila Ala ka lolow sanfɛ. Ne bena taga sigi kɔgɔdugu ɲafan kulu kan, sankololafɛnw b'u ka ɲɔgɔnye kɛ min kan.

Ezayi 47:8

O la sa, dugu tilenbali, i tulo malɔ. E min sigicogo ka ɲi, e min tun b'a fɔra i yɛrɛ kɔnɔ ko: ‹Foyi te se ka suma ni ne ye! Ne cɛɛ tena sa, n deenw fana tena sa.›

Ezayi 49:21

I ben'a fɔ i yɛrɛ kɔnɔ ko: ‹Jɔn le ye nunu wolo ne ye sa? Deen tun te ne fɛ, mɔgɔ tun te ne kɔrɔ. U tun y'u minɛ ka taga ka ne to yen. Jɔn le do nana ni nunu ye? Ne tun tora lakolon tuma min na, nunu tun be min?› »

Yeremi 13:22

I bena i yɛrɛ ɲininga ko: «Mun na nin be kɛra ne la?» I ka kojugu caaman kosɔn lo, o b'i ka tafe sama ka yɛlɛ sanfɛ ka fanga la i kan.

Jateri 13:32

U tun tagara jamana min yaala, u ye kibarujugu fɔ Isirayɛlidenw ye o koo la ko: «An ye jamana min yaala, o ye jamanajugu ye, a b'a kɔnɔ mɔgɔw dumu. An ye mɔgɔ minw ye o yɔrɔ la, u bɛɛ ye mɔgɔjanjanw ye.

Jateri 21:34

Masaba y'a fɔ Musa ye ko: «Kana siran a ɲa, ne ye ale n'a ka mara, n'a ka kɛlɛdenw bɛɛ don i bolo. I ye min kɛ amoriw ka masacɛ Siŋɔn na, ale min tun siginin be Ɛsibɔn, i k'o ɲɔgɔn kɛ nin na fana.»

Jateri 33:53

Ko u ka jamana nin minɛ ka sigi a kɔnɔ, bari ne y'a di u ma ka kɛ u ta ye.

Luka 9:47

Yezu y'u ka miiriya lɔn minkɛ, a ye denmisɛn dɔ ta k'a lɔ a gɛrɛfɛ,

Sariya 1:28

Anw bena taga min? An balimaw y'an fari faga, u ko: ‹Mɔgɔ nunu barika ka bon n'an ta ye, u ka janjan n'an ye, u ka duguw ka bonbon, u laminikogow ka janjan kosɔbɛ. An yɛrɛ ye anaki dɔw ye yen.› »

Sariya 15:9

Aw kana miiriyajugu ta k'a fɔ ko juru yafasan sera ka ban, min ye saan wolonwulanan ye, o kama, aw b'aw dusu gwɛlɛya aw balima fantanw faan fɛ ka ban k'a d'u ma. N'o kɛra, u bena aw jalaki Masaba ɲakɔrɔ, a bena kɛ hakɛ ye aw fɛ.

Sariya 18:21

«N'a sɔrɔ aw b'aw yɛrɛ ɲiningana ko: ‹Mɔgɔ be se ka kɛ cogo di k'a lɔn ko Masaba ka kuma tɛ?›

Sariya 8:17

Aw kana miiri ko aw ye nafolo sɔrɔ aw yɛrɛ ka fanga barika la dɛ.

Yosuwe 23:3

Masaba aw ka Ala ye fɛɛn minw bɛɛ kɛ siya nunu bɛɛ la aw kosɔn, aw yɛrɛw y'o ye! Masaba aw ka Ala le tun be to k'aw dɛmɛ kɛlɛ la.