Sariya 7:13 - ALA KA KUMA

¹³ Aw koo bena diy'a ye, a bena aw ta ɲa, ka deen caaman di aw ma, k'aw ka forow ɲa, ka suman caaman, ni duvɛnkɛnɛ caaman, ani tulu caaman di aw ma. A bena aw ka misiw caya, n'aw ka begɛnmisɛnw, jamana nin kɔnɔ. A tun ye min layidu ta aw bɛmaw ye ko a ben'a di aw ma.

Jula NT of Côte d’Ivoire

¹³ A bɛna aw kanu, ka baraka don aw ra, ka aw caya. A bɛna baraka don aw denw na, ka baraka don aw ta dugukolo ra, ka aw ta simanw ɲa, ka rɛzɛnji ni turu di aw ma caman, ka baraka don aw ta misiw, ani aw ta bɛgan tɔw bɛɛ ra aw ta jamana kɔnɔ, a tun karira aw bɛmaw ye ko a bɛna o jamana min di aw ma.

Sariya 7:13 Iomraidhean Croise

Nehemi 9:32

«O la sisan, an ka Ala, e min ka bon, see fana b'i ye ani mɔgɔ ka kan ka siran i ɲa, e min be to i ka layidu kan kantigiya la, an n'an ka masacɛw, n'an kuntigiw, n'an ka sarakalasebagaw, n'an ka kiraw, n'an faaw, n'i ka jama bɛɛ ye tɔɔrɔ minw sɔrɔ Asirikaw ka masacɛw ka tile la fɔɔ ka na se bii ma, i kana u filɛ kofitini ye.

Ayuba 1:10

E m'a lamini i ko kogo k'a tanga, n'a ka somɔgɔw an'a bololafɛnw bɛɛ ye wa? E y'a dɛmɛ a ka baara la, a ka begɛnw be jamana yɔrɔ bɛɛ.

Ayuba 42:12

Saan minw tugura o kɔ, Masaba ye Zɔbu ta ɲa kosɔbɛ ka tɛmɛ fɔlɔ kan. A ye saga waa tan ni naani (14 000) d'a ma, ni ɲɔgɔmɛ waa wɔɔrɔ (6 000), ani sɛnɛkɛmisi waa fila (2 000), ni fali waa kelen (1 000).

Zaburu 1:3

A tigi be i ko yiri min tutunin be kɔda la, a be den a dentuma na, a furaburu fana te fɔnsɔnfɔnsɔn. A be koo o koo kɛ, o be ɲa.

Zaburu 107:38

Masaba y'u ta ɲa, u cayara kosɔbɛ. Foyi te bɔ u ka begɛn na fana.

Zaburu 11:7

Bari Masaba tilennin lo, kotilennin lo ka d'a ye. Mɔgɔtilennin le ben'a ye fana.

Zaburu 127:3

Deenw ye Masaba ka difɛn ye, denbaya y'a ka mɔgɔ sarafɛn ye.

Zaburu 146:8

Masaba be fiɲɛntɔw ɲaa yɛlɛ. A be mɔgɔ barika banninw dɛmɛ. Mɔgɔtilenninw koo ka d'a ye.

Bɔri 23:25

Aw ka baara kɛ ne Masaba aw ka Ala ye. N'aw y'o kɛ, ne bena aw ka dumuniko, n'aw ka jiko nɔgɔya, ani k'aw kisi bana ma.

Zanaw 10:22

Masaba ka dɛmɛ be mɔgɔ kɛ fɛntigi ye. Yɛrɛsigɛn te foyi fara sɔrɔta kan.

Zanaw 15:9

Mɔgɔjugu taamacogo ka go Masaba ye. Nga mɔgɔ minw be tilenninya kɛ, olu koo ka d'a ye.

Sarakalasebagaw 26:9

Ne bena n janto aw la k'aw jiidi, k'aw caya ka ne ka layidu dafa aw ye.

Matiyu 6:33

Aw ka Ala ka masaya n'a ka tilenninya ɲini fɔlɔ, n'o kɛra, Ala bena fɛɛn tɔw bɛɛ d'aw ma.

Yuhana 14:21

Mɔgɔ min ye ne ka kuma mɛn k'a bato, o tigi le be ne kanu. Mɔgɔ min be ne kanu, n Faa fana bena o tigi kanu, ne fana bena o tigi kanu ka ne yɛrɛ yira a la.»

Yuhana 15:10

N'aw be ne ka ciiw bato, aw fana be to ne ka kanuya la, i n'a fɔ ne be n Faa ka ciiw bato cogo min na ka to a ka kanuya la.

Yuhana 16:27

N Faa yɛrɛ fana b'aw kanu, bari aw ye ne kanu, ka l'a la ko ne bɔra Ala fɛ.

Sariya 1:8

Aw k'a filɛ, ne Masaba tun ye n daa di jamana min koo la, ko n ben'a di aw bɛma Ibrayima ni Isiyaka ani Yakuba, n'u kɔmɔgɔw ma, ne y'o d'aw ma. Aw ka don a kɔnɔ, k'a minɛ k'a kɛ aw ta ye.»

Sariya 13:17

Aw k'o dugu nafolo bɛɛ cɛ k'o kɛ ɲɔgɔn kan forobayɔrɔ la k'a jɛni pepewu, ka dugu nin fana jɛni Masaba aw ka Ala ye. O yɔrɔ bena kɛ tomo ye, dugu nin tena sigi tugu abada.

Sariya 28:1

«N'aw be sɔn Masaba aw ka Ala ka fɔta ma sɔbɛ la, k'a ka kuma bɛɛ mara ka ɲa, ne be minw fɔra aw ye bii, Masaba aw ka Ala bena ɲafɛla di aw ma dugukolo kan siyaw bɛɛ kunna.

Sariya 28:11

Masaba ye jamana min layidu ta aw bɛmaw ye ko a ben'a di aw ma, a bena hɛrɛ kɛ aw ye o yɔrɔ la, ka deen caaman di aw ma, k'aw ka begɛnw, n'aw ka sumanw caya.

Sariya 30:5

ka segi n'aw ye aw bɛmaw ka jamana na. Aw bena o kɛ aw ta ye, ani Masaba bena aw ta ɲa ka tɛmɛ aw bɛmaw ta kan, k'aw caya ka tɛmɛ u kan fana.

Sariya 7:7

«Ni Masaba nɔrɔla aw la ani k'aw woloma, o t'a yira ko aw ka ca ni siya tɔw bɛɛ ye dɛ! Aw ka dɔgɔ n'u bɛɛ ye.