Sariya 7:12 - ALA KA KUMA

¹² N'aw ye aw tulo malɔ landa nunu na, k'o bato ka ɲa, Masaba aw ka Ala ben'a ka layidu dafa, a ye min ta aw bɛmaw ye ani ka ɲumanya kɛ aw ye.

Jula NT of Côte d’Ivoire

¹² Ni aw ka nin sariya ta kumaw lamɛn, ni aw k’a sira tagama k’a kɛ a kɛcogo ra, o tuma Matigi Ala, aw ta Ala bɛna to a ta jɛnɲɔgɔnya ra ni aw ye, ka koɲuman kɛ aw ye, i n’a fɔ a tun karira aw bɛmaw ye cogo min na.

Sariya 7:12 Iomraidhean Croise

Mas fɔlɔ 8:23

«Masaba, Isirayɛli ka Ala, batofɛn wɛrɛ si te yen min b'i bɔ. A te sankolo la, a te dugukolo kan. I b'i ka layidu dafa, ka ɲumanya kɛ i ka baarakɛlaw ye, minw b'i sago kɛ.

Nehemi 1:5

«Masa Ala, e min ye Sankolotigi ye, e ka bon, mɔgɔ ka kan ka siran e ɲa, i koo ka di mɔgɔ minw ye n'u b'i ka sariya bato, i be koɲuman kɛ olu ye k'i ka layidu dafa.

Nehemi 9:32

«O la sisan, an ka Ala, e min ka bon, see fana b'i ye ani mɔgɔ ka kan ka siran i ɲa, e min be to i ka layidu kan kantigiya la, an n'an ka masacɛw, n'an kuntigiw, n'an ka sarakalasebagaw, n'an ka kiraw, n'an faaw, n'i ka jama bɛɛ ye tɔɔrɔ minw sɔrɔ Asirikaw ka masacɛw ka tile la fɔɔ ka na se bii ma, i kana u filɛ kofitini ye.

Zaburu 103:18

A b'u kɛ a ka layidu batobagaw ye, ani minw b'u hakili to a ka fɔtaw la k'u bato.

Zaburu 149:9

Ɲagwan min koo fɔra Ala fɛ, min koo sɛbɛnna, aw ka kan k'o kɛ u la. O ye boɲaba ye Ala ka mɔgɔw bɛɛ fɛ. Aw ka Masaba tanu.

Bɔri 15:26

A ko: «Ni aw be mɛnni kɛ ne, Masaba aw ka Ala fɛ, n'aw be kotilennin kɛ ne ɲakɔrɔ, k'aw tulo malɔ ne ka kuma na, ka ne ka sariyaw bɛɛ bato, ne tun ye Ezipitikaw tɔɔrɔ ni bana minw ye, ne tena o si la aw kan, bari ne ye Masaba ye, min b'aw kɛnɛya.»

Yeremi 11:5

O la, ne bena ne ka layidu dafa, n tun ye min ta u faaw ye ko ne bena jamana diman d'u ma, nɔnɔ ni lii ka ca min la kosɔbɛ, min kɛra u ta ye bii.» Ne y'a jaabi ko: «Amiina, Masaba!»

Daniyɛli 9:4

Ne ye Masaba n ka Ala daali, ka lɔ n ka hakɛw la ko: «Ee! Matigi Ala, e min ka bon, e min ye siranyafɛn ye, mɔgɔ minw b'i kanu, k'i ka sariya bato, i bɛnnin be to ni olu ye kanuya la.

Mise 7:20

I bena i ka kantigiya yira Yakuba kɔmɔgɔw la, i bena i ka ɲumanya kɛ Ibrayima kɔmɔgɔw ye, i ko e tun y'i daa di an faaw ma cogo min na kabini fɔlɔfɔlɔ.

Luka 1:55

k'a hakili to a ka ɲumanya la Ibrayima n'a kɔmɔgɔw faan fɛ, i ko a tun y'a daa di an faaw ma cogo min na.»

Sariya 1:8

Aw k'a filɛ, ne Masaba tun ye n daa di jamana min koo la, ko n ben'a di aw bɛma Ibrayima ni Isiyaka ani Yakuba, n'u kɔmɔgɔw ma, ne y'o d'aw ma. Aw ka don a kɔnɔ, k'a minɛ k'a kɛ aw ta ye.»

Sariya 11:13

Ne be kuma min fɔra aw ye bii, n'aw y'u bato tiɲɛ na, ka Masaba aw ka Ala kanu k'a bato sɔbɛ la n'aw dusu bɛɛ ye,

Sariya 5:10

Ne koo ka di minw ye, n'u be ne ka kumaw bato, n bena ɲumanya kɛ olu kɔmɔgɔw ye fɔɔ u *filankuru waa caaman.

Sariya 7:11

«O la, ne be sariya, ni ciiw, ani landa minw fɔra aw ye bii, aw ka banba k'olu bato.

Sariya 7:9

«Aw ka l'a la ko Masaba aw ka Ala le ye Ala yɛrɛ yɛrɛ ye. A koo ka di mɔgɔ minw ye n'u b'a ka kuma bato, a tilennin lo, a b'a ka layidu dafa olu faan fɛ, ani ka ɲumanya kɛ u ye, n'u kɔmɔgɔw *filankuru waa caaman ye.