Sariya 7:10 - ALA KA KUMA

¹⁰ Nga a b'a kɔniyabagaw sara yɔrɔnin kelen k'u tunu ka bɔ yen. A tena u to yen ka mɛn, a b'u sara yɔrɔnin kelen.

Jula NT of Côte d’Ivoire

¹⁰ Nka minw b’a kɔninya, a bɛ o hakɛ bɔ olugu ra, ka o halaki; minw b’a kɔninya kɔni, a tɛna sumaya ni olugu ta sara ye, a bɛ o hakɛ bɔ o ra o yɔrɔnin bɛɛ le ra.

Sariya 7:10 Iomraidhean Croise

Bɔri 20:5

Aw kana aw kunbiri gwan o kɔrɔ, aw kana u bato, bari ne Masaba aw ka Ala, keliya be ne la. Ne be faaw ka tilenbaliyako hakɛ bɔ u deenw na fɔɔ ka ta'a bila ne kɔniyabagaw mamadenw n'u ka tulomasamaw na.

Bɔri 34:7

A b'a ka ɲumanya yira adamadenw kɔmɔgɔw la fɔɔ *filankuru caaman. A be tilenbaliyako, ni murutili, ani hakɛ yafa. Nga a te tiɲɛ di mɔgɔ ma, ni tiɲɛ t'a fɛ. A be faaw ka tilenbaliya juru sara u deenw n'u mamadenw ani u tulomasamaw na.»

Zanaw 11:31

Mɔgɔtilennin b'a ka nafa sɔrɔ dugukolo kan. Mun le bena fɔ mɔgɔjugu ni hakɛkɛlaw ka koo la?

Ezayi 59:18

A be mɔgɔw sara ka kɛɲɛ n'u ka kɛwaliw ye. A ben'a juguw bɛɛ ɲaa gwan kosɔbɛ. Mɔgɔ minw be jii cɛma dugukolow kan, a bena olu ɲaa gwan.

Yeremi 32:18

I be makari mɔgɔ caaman la. Nga i be faaw ka kojugu juru sara u deenw na fana. Ala, i ka bon, fanga b'i la, e tɔgɔ le ko Masaba, Setigi.

Nahɔmu 1:2

Masaba ye Ala ye keliya be min na. A be mɔnɛ bɔ. A diminin ma ɲi! Masaba b'a mɔnɛ bɔ a juguw la, a t'a kɔniyabagaw to gwansan.

Jateri 10:35

Ni kɛsu nin tun kɔrɔtara ka taga tuma o tuma, Musa tun be to k'a fɔ ko: «Masaba, wili! I juguw ka jɛnsɛn, i kɔniyabagaw ka boli i ɲa.»

Jateri 14:18

‹Masaba te dimi joona, a ka makari ka bon. A be mɔgɔw ka tilenbaliya n'u ka murutili yafa, nga a te kojugukɛla to yen. A be faaw ka tilenbaliya juru sara u deenw na fɔɔ ka se u mamadenw n'u tulomasamaw ma.›

Rɔmukaw 12:19

Ne teriw, aw kana aw mɔnɛ bɔ, aw k'o to Ala ma, bari a fɔra Ala ka kuma na ko: «Mɔnɛbɔko ye ne ta ye, ne le be juru sara.» Matigi ko ten.

Sariya 32:25

Murujan bena u deenw faga sira kan, soo kɔnɔna be kɛ siranyayɔrɔba ye. Kanbelenw ni sunguruw bena sa, mɔgɔkɔrɔbaw ni denmisɛnw tena kisi.

Sariya 32:35

N'u benlon nana se, ne le ka kan ka mɔnɛ bɔ, ne bena u sara. U ka lonjugu sera. Min labɛnna u kama, o tena mɛn n'o ma kɛ.»

Sariya 32:41

ni ne ye n ka murujan manamananin daa diya, ni ne ye ɲagwanko daminɛ, ne bena n mɔnɛ bɔ n juguw la, ne bena ka juru sara n kɔniyabagaw la.

Sariya 5:9

Aw kana aw kunbiri gwan o joow ɲafɛ, walima k'u sɔn, bari ne Masaba aw ka Ala, keliya be ne la. Ni mɔgɔ dɔ ye ne kɔniya, n b'o tigi tɔɔrɔ, n'a deenw, n'a mamadenw, n'a tulomasamaw.

Sariya 7:11

«O la, ne be sariya, ni ciiw, ani landa minw fɔra aw ye bii, aw ka banba k'olu bato.

Sariya 7:9

«Aw ka l'a la ko Masaba aw ka Ala le ye Ala yɛrɛ yɛrɛ ye. A koo ka di mɔgɔ minw ye n'u b'a ka kuma bato, a tilennin lo, a b'a ka layidu dafa olu faan fɛ, ani ka ɲumanya kɛ u ye, n'u kɔmɔgɔw *filankuru waa caaman ye.