Sariya 6:5 - ALA KA KUMA

⁵ Aw ka Masaba aw ka Ala kanu n'aw dusu bɛɛ ye, n'aw kɔnɔ bɛɛ ye, n'aw fanga bɛɛ ye.

Jula NT of Côte d’Ivoire

⁵ I ka kan ka Matigi Ala, i ta Ala kanu ni i jusukun bɛɛ ye, ani i nin bɛɛ, ani i baraka bɛɛ.

Sariya 6:5 Iomraidhean Croise

Mas fɔlɔ 3:3

Masaba koo tun ka di Solomani ye. O la, a tun be tugu a faa Dawuda ka fɔtaw kɔ k'o kɛ. Nga a tun be to ka sarakaw bɔ ka wusulan jɛni sɔnnikɛyɔrɔw la.

Mas 2nan 23:25

Masacɛ si ma sɔrɔ Zoziyasi ɲa, min tun sɔnna Masaba ta ma n'a dusu bɛɛ ye i n'a fɔ ale Zoziyasi, k'a yɛrɛ bɛɛ di, ka kɛɲɛ ni Musa ka sariya kɔnɔnakuma bɛɛ ye. Ale Zoziyasi tɛmɛnin kɔ fana, a ɲɔgɔn ma sɔrɔ tugu.

Lok 2nan 15:12

U ye layidu ta ko u bena Masaba u faaw ka Ala ɲini n'u kɔnɔ bɛɛ, an'u dusu bɛɛ ye.

Lok 2nan 34:31

Masacɛ lɔr'a ka tutunan gɛrɛfɛ min be Masaba ka soo daa la ka layidu ta Masaba ɲakɔrɔ, ko ale bena tugu Masaba kɔ, k'a ka fɔta, n'a ka sariya, n'a ka koo latigɛninw bato n'a dusu bɛɛ ye, ani ka sɛbɛ nin kɔnɔnakuma bato.

Zaburu 119:2

Mɔgɔ minw be Masaba ka kolatigɛninw kɛ, ani k'a ɲini n'u dusu bɛɛ ye, olu dagamunin lo.

Zaburu 31:24

Aw minw sɔnna Masaba ta ma, aw k'a koo diya aw yɛrɛ ye. Mɔgɔ minw lar'a la, a b'o tigiw mara. A bi yɛrɛboɲabagaw ɲaa gwan kosɔbɛ.

Matiyu 10:37

«Ni mɔgɔ min b'a facɛ, walima a bamuso kanu ka tɛmɛ ne kan, o tigi te se ka kɛ ne ka kalanden ye. Mɔgɔ min b'a dencɛ, walima a denmuso kanu ka tɛmɛ ne kan, o tigi te se ka kɛ ne ka kalanden ye.

Matiyu 22:37

Yezu y'a jaabi ko: « ‹I ka Matigi i ka Ala kanu n'i dusu bɛɛ ye, an'i kɔnɔ bɛɛ ye, n'i hakili bɛɛ ye.›

Marika 12:30

I ka Matigi i ka Ala kanu n'i dusu bɛɛ ye, an'i kɔnɔ bɛɛ ye, n'i hakili bɛɛ ye, an'i barika bɛɛ ye.›

Marika 12:33

Ka Ala kanu i dusu la, i hakili la n'i barika bɛɛ ye, ani k'i mɔgɔɲɔgɔn kanu i n'a fɔ i b'i yɛrɛ kanu cogo min na, o ka fisa ni saraka sifa bɛɛ ye, saraka jɛnitaw fara jɛnibaliw kan.»

Luka 10:27

A y'a jaabi ko: «I ka Matigi i ka Ala kanu n'i dusu bɛɛ ye, an'i kɔnɔ bɛɛ ye, n'i fanga bɛɛ ye, an'i hakili bɛɛ ye. I k'i mɔgɔɲɔgɔn kanu i n'a fɔ i yɛrɛ.»

Sariya 10:12

«Isirayɛlidenw, sisan Masaba aw ka Ala be mun kɔnɔna aw fɛ, n'a ma kɛ ko aw ka siran a ɲa, k'a ka siraw bɛɛ taama, ani k'a koo diya aw ye, ka baara kɛ a ye sɔbɛ la n'aw dusu bɛɛ ye?

Sariya 11:1

«Masaba aw ka Ala koo ka diya aw ye. A be min ɲini aw fɛ, aw k'o kɛ, k'a ka sariyaw, n'a ka landaw n'a ka ciiw bato loon bɛɛ.

Sariya 11:13

Ne be kuma min fɔra aw ye bii, n'aw y'u bato tiɲɛ na, ka Masaba aw ka Ala kanu k'a bato sɔbɛ la n'aw dusu bɛɛ ye,

Sariya 13:3

n'o taamasiɲɛ, walima n'o kabako kɛra ten tiɲɛ na, n'o tigi y'a ɲini aw fɛ ko aw ka taga fɛɛn wɛrɛw bato aw te minw lɔn,

Sariya 13:4

aw kana mɛnni kɛ a fɛ. Bari Masaba aw ka Ala le b'aw kɔrɔbɔra janko k'a lɔn ni ale koo ka di aw ye sɔbɛ la n'a ka koo be aw dusu la kosɔbɛ.

Sariya 19:9

bari ne ye kuma minw fɔ aw ye bii, aw bena o bɛɛ bato, fɔɔ Masaba aw ka Ala koo bena diya aw ye, k'a ka siraw taama, n'o kɛra, aw ka dugu saba dɔwɛrɛ fara o kan.

Sariya 30:10

ni aw sɔnna ka kɔsegi a ma n'aw dusu, n'aw yɛrɛ bɛɛ ye, k'a sago kɛ k'a ka kumaw n'a ka fɔtaw bato, minw bɛɛ koo fɔra sariyasɛbɛ nin kɔnɔ.

Sariya 30:16

N b'a ɲini aw fɛ bii, ko Masaba aw ka Ala koo ka diya aw ye, aw ka taama a ka siraw kan, k'a ka kumaw bato, ani a ka sariyaw n'a ka landaw, janko aw ka sii sɔrɔ ani ka caya. Aw bena don jamana min kɔnɔ k'a kɛ aw ta ye, Masaba aw ka Ala bena hɛrɛ kɛ aw ye o yɔrɔ la.

Sariya 30:20

aw ka Masaba aw ka Ala koo diya aw ye, ani k'a ka fɔta mɛn, aw nɔrɔnin ka to a la. O la, Masaba ye layidu ta aw bɛma Ibrayima, ni Isiyaka, ani Yakuba ye, ko a bena jamana min d'u ma, aw bena to sii la, ka saan caaman kɛ o kɔnɔ.»

Sariya 30:6

«Masaba aw ka Ala yɛrɛ bena aw dusu saniya, n'aw kɔmɔgɔw taw, janko a koo ka diya aw ye tigitigi, o la, aw bena se ka balo.

Sariya 4:29

«O yɔrɔ la le, aw bena Masaba aw ka Ala yɔrɔ ɲini. Aw ben'a ye, n'aw y'a ɲini sɛbɛ la n'aw dusu bɛɛ ye.

Yosuwe 22:5

Masaba ka baarakɛla Musa ye sariya ni kuma minw fɔ aw ye, aw ka olu bato ka ɲa, aw ka Masaba aw ka Ala koo diya aw yɛrɛ ye, k'a ka kuma bato ka taama ka kɛɲɛ n'a sago bɛɛ ye. Aw ye nɔrɔ ale la, ka baara kɛ ale ye n'aw dusu bɛɛ ye.»

Zan fɔlɔ 5:3

K'a fɔ ko Ala koo ka d'i ye, o be bɔ a ka ciiw batocogo la. A ka ciiw batoli fana man gwɛlɛ,