Sariya 6:21 - ALA KA KUMA

²¹ aw k'u jaabi ko: ‹Anw tun ye Ezipiti masacɛ ka jɔɔnw ye Ezipiti. Nga Masaba y'an bɔ jamana nin kɔnɔ a ka sebagaya barika la.

Jula NT of Côte d’Ivoire

²¹ Aw y’a fɔ aw dencɛw ye ko: «An tun bɛ jɔnya ra Farawona fɛ Misiran jamana ra; nka Matigi Ala ka an labɔ Misiran a ta sebagaya baraka ra.

Sariya 6:21 Iomraidhean Croise

Damina 19:16

Lɔti tun te teliyara minkɛ, cɛɛ nunu y'a bolo minɛ, a n'a muso, n'a denmuso fila, ka bɔ n'u ye dugu kɔnɔ, bari Masaba tun makarila u la.

Zaburu 78:7

N'o kɛra, o deen nunu bena u jigi la Ala kan, u tena ɲinɛ Ala ka kɛtaw kɔ. U ben'a ka fɔtaw bato.

Bɔri 13:14

Sini ma sini ma, n'aw deenw y'aw ɲininga ko: ‹Nin kɛkun ye mun ye?›, aw k'a fɔ u ye ko: ‹Masaba ye an bɔ Ezipiti jɔnya la ni barika ye.

Bɔri 13:16

Ayiwa, a bena kɛ taamasiɲɛ ye aw fɛ, i n'a fɔ bolo kan taamasiɲɛ ni teen na ta. Bari Masaba y'an bɔ Ezipiti jamana kɔnɔ n'a yɛrɛ ka sebagaya ye.»

Bɔri 13:3

Musa y'a fɔ jama ye ko: «Aw bɔra jɔnya la loon min na Ezipiti, aw k'aw hakili to o loon na, saan o saan, ka ɲanagwɛ kɛ o loon na, bari Masaba ye aw bɔ yen ni barika ye. Aw man kan ka buru dumu, fununan be min na.

Bɔri 13:9

O bena kɛ aw fɛ i n'a fɔ taamasiɲɛ aw bolo kan, n'aw teen na, k'aw hakili jigi o la ko Masaba ka sariya kuma ka kan ka to aw daa la tuma bɛɛ, bari a y'aw bɔ Ezipiti jamana kɔnɔ a ka sebagaya barika la.

Bɔri 20:2

«Ne ye Masaba ye, aw ka Ala, min y'aw bɔ Ezipiti jamana na, k'aw bɔ jɔnya la.

Bɔri 3:19

Ne y'a lɔn ko a tena sɔn aw ka taga, fɔɔ a ka kɛ wajibiko ye a ma.

Ezayi 51:1

Masaba ko: «Aw minw b'a fɛ ka kisi, aw minw be ne Masaba ɲinina, aw ka mɛnni kɛ ne fɛ. Aw bɔra fara min na, aw k'o jati. Aw bɔra yɔrɔ min na, aw k'o jati.

Sariya 15:15

Aw hakili ka to a la ko aw tun ye jɔɔnw ye Ezipiti, ani ko Masaba aw ka Ala y'aw hɔrɔnya. O kosɔn, ne be nin fɔ aw ye bii.

Sariya 4:34

Masaba aw ka Ala ye koo min bɛɛ kɛ aw ye Ezipiti jamana na, aw y'o ye. Batofɛn wɛrɛ be yen min y'o ɲɔgɔn kɛ wa? Ka siya dɔ ta ka bɔ ni sebagaya ye siya wɛrɛ cɛma ni taamasiɲɛw ani kabakow ye, ani ka kɛlɛ kɛ, ka siranyakow kɛ.

Sariya 5:15

Aw kana ɲinɛ ko aw tun ye jɔɔnw ye Ezipiti, ani ko ne Masaba aw ka Ala y'aw bɔ n ka sebagaya barika la. O kosɔn, n y'a ɲini aw fɛ ko aw ka lafiɲɛlon bato.

Sariya 5:6

‹Ne ye Masaba aw ka Ala ye min y'aw bɔ Ezipiti jɔnya la.

Sariya 6:20

«Sini, n'aw dencɛw y'aw ɲininga ko: ‹Mun na Masaba an ka Ala ye cii, ni sariya, ni landa nunu sigi aw ye?›,

Sariya 6:22

Masaba ye taamasiɲɛw ni kabakobabaw kɛ an ɲana, ka Ezipitikaw n'u ka masacɛ n'a ka somɔgɔw bɛɛ tɔɔrɔ.