Sariya 6:18 - ALA KA KUMA

¹⁸ Aw ka koɲuman ni tilenninyakow kɛ Masaba ɲakɔrɔ janko aw ka hɛrɛ sɔrɔ, ani Masaba ye jamanaɲuman min layidu ta aw bɛmaw ye, aw ka se ka don o kɔnɔ k'a minɛ,

Jula NT of Côte d’Ivoire

¹⁸ Ko minw terennin lo, ani minw ka ɲi Matigi Ala ɲa kɔrɔ, aw ye o le kɛ, janko aw ye hɛra sɔrɔ, ani janko Matigi Ala karira aw bɛmaw ye ko a bɛna jamanaɲuman min di aw ma, aw ye don o jamana ra, k’a kɛ aw ta ye.

Sariya 6:18 Iomraidhean Croise

Zaburu 19:11

U ka ɲi ka tɛmɛ sanu kan, hali ka tɛmɛ sanu yɛrɛyɛrɛ caaman kan. U ka di ka tɛmɛ lii kan, hali ka tɛmɛ lii diman yɛrɛ kan.

Bɔri 15:26

A ko: «Ni aw be mɛnni kɛ ne, Masaba aw ka Ala fɛ, n'aw be kotilennin kɛ ne ɲakɔrɔ, k'aw tulo malɔ ne ka kuma na, ka ne ka sariyaw bɛɛ bato, ne tun ye Ezipitikaw tɔɔrɔ ni bana minw ye, ne tena o si la aw kan, bari ne ye Masaba ye, min b'aw kɛnɛya.»

Ezayi 3:10

Aw k'a fɔ ko mɔgɔtilennin dagamunin lo, bari a bena nisɔndiya a ka kɛwaliw tɔnɔ kɔnɔ.

Ezayi 38:3

«Masaba, e k'i hakili to a la ko ne taamana i ɲakɔrɔ kantigiya la ni kɔnɔgwɛ ye, ka koɲuman kɛ i ɲakɔrɔ.» A kasira kosɔbɛ.

Ezekiyɛli 18:19

«Aw b'a fɔra ko: ‹Mun na faa ka jalaki man kan ka ben a deen kan?› Deen nin ye tilenninyakow kɛ, ka ne ka kolatigɛninw bɛɛ kɛ ka ɲa minkɛ, o la, a bena to nii na, siga t'a la.

Ezekiyɛli 18:21

«Ni mɔgɔjugu yɛlɛmana k'a ka kojugu bɛɛ dabila, ka ne ka fɔtaw bato, ka tilenninyakow kɛ, siga t'a la, a bena to nii na, a tena sa.

Ezekiyɛli 18:27

Ni mɔgɔjugu yɛlɛmana k'a ka kojugu dabila, ka tilenninyakow kɛ, a ben'a nii kisi.

Ezekiyɛli 18:5

An ka miiri mɔgɔtilennin koo la, a be tilenninyakow kɛ.

Ezekiyɛli 33:14

«Ni ne y'a fɔ mɔgɔjugu ye ko siga t'a la, a bena sa, n'a yɛlɛmana k'a ka kojugu dabila, ka kotilennin, ni kobɛnnin kɛ,

Ezekiyɛli 33:16

A tun ye kojugu minw kɛ ka kɔrɔ, ne bena yafa a ma. A bena kisi bari a ye kotilenninw, ni kobɛnninw kɛ.

Ezekiyɛli 33:19

Ni mɔgɔjugu yɛlɛmana k'a ka kojugu dabila, ka kotilenninw, ni kobɛnninw kɛ, a bena kisi o sababu la.

Oze ta kitabu 14:9

Efarayimu kɔmɔgɔw, ne bena mun kɛ ni joow ye tugu? Ne le b'aw jaabi, ne le b'aw kɔlɔsi. Ne be i ko sipɛrɛyiri, min nɛrɛnin lo tuma bɛɛ. Aw ka nafa be bɔ ne le fɛ.»

Yuhana 8:29

Ne cibaga be ni ne ye. A ma ne to n kelen, bari min ka d'a ye, ne be o le kɛ tuma bɛɛ.»

Rɔmukaw 12:2

Aw kana aw yɛrɛ kɛɲɛ ni bii diɲɛ ye, nga aw ye hakilikura min sɔrɔ, aw jogo ka yɛlɛma ka kɛɲɛ n'o ye, janko aw ka se ka Ala sago lɔn, o min ye koɲuman ye, min ka di Ala ye, n'a dafanin be.

Sariya 12:25

Aw kan'a dumu, o la, aw n'aw kɔmɔgɔw bena hɛrɛ sɔrɔ, bari aw ye koɲuman kɛ Masaba ɲakɔrɔ.

Sariya 12:28

«Aw ka ne ka kuma nunu bɛɛ mɛn, ne be minw fɔra aw ye k'u bato. O la, aw n'aw kɔmɔgɔw bena hɛrɛ sɔrɔ tuma bɛɛ, bari aw ye kotilennin ni koɲuman kɛ Masaba aw ka Ala ɲakɔrɔ.

Sariya 13:18

Fɛɛn minw ka kan ka halaki ka kɛ Masaba ta ye, aw man kan ka maga olu si la janko Masaba ka dimi fariman ka ban. A ben'a ka ɲumanya yira aw la, ka makari aw la, k'aw caya, i n'a fɔ a y'a layidu ta aw bɛmaw ye cogo min na.

Sariya 4:40

Aw k'a ka sariyaw n'a tanafɛnw bato, ne be minw fɔra aw ye bii, janko aw, n'aw kɔmɔgɔw ka hɛrɛ ni sijan sɔrɔ jamana nin kɔnɔ, Masaba aw ka Ala be min dira aw ma aw ka to n'a ye.»

Sariya 5:29

N'o dusu ɲɔgɔn tun b'u fɛ, ka siran ne ɲa, ani ka n ka kuma bɛɛ bato tuma bɛɛ, waasa olu n'u deenw ka to hɛrɛ la tuma bɛɛ!

Sariya 5:33

Masaba aw ka Ala ye sira min yira aw la, aw k'o ta sɛbɛ la janko aw ka to nii na ka hɛrɛ ni sijan sɔrɔ, jamana nin kɔnɔ aw bena min minɛ.

Sariya 6:10

«Masaba aw ka Ala tun ye jamana min layidu ta aw bɛma Ibrayima ni Isiyaka ani Yakuba ye, n'a y'a kɛ aw donna o kɔnɔ tuma min na, dugubaba ɲumamanw be min kɔnɔ aw ma minw lɔ,

Sariya 6:19

ani k'aw juguw gwɛn aw ɲa, i ko Masaba y'a fɔ cogo min na.

Sariya 8:11

«Aw k'aw yɛrɛ kɔlɔsi, aw kana ɲinɛ Masaba aw ka Ala kɔ k'aw mako bɔ a ka ciiw n'a ka landaw n'a ka sariyaw la ne be minw fɔ aw ye bii.