Sariya 6:12 - ALA KA KUMA

¹² aw k'aw yɛrɛ kɔlɔsi. Aw kana ɲina Masaba kɔ ale min y'aw bɔ Ezipiti, aw tun ye jɔɔnw ye yɔrɔ min na.

Jula NT of Côte d’Ivoire

¹² O kosɔn, ni aw nana domuni kɛ ka fa tuma min na, aw kana a to aw ye ɲina Matigi Ala kɔ, ale min ka aw labɔ Misiran jamana ra, jɔnyaso ra.

Sariya 6:12 Iomraidhean Croise

Mas 2nan 17:36

Ne Masaba min y'aw bɔ Ezipiti jamana na ni fangaba ye, ni ne bolo barikaman ye, aw ka kan ka siran ne le ɲa, ani k'aw kunbiri gwan ne ɲakɔrɔ ka saraka bɔ ne ye.

Mas 2nan 17:38

Aw kana ɲinɛ n'an ka bɛɛn ye, aw kana fɛɛn wɛrɛw bato.

Ayuba 8:13

Mɔgɔ min be ɲinɛ Ala kɔ, ale laban be ten le, mɔgɔjugu jigi be kɛ fuu ye ten le.

Zaburu 103:2

Ne be barika la Masaba ye. Ne man kan ka ɲinɛ a ka koɲuman si kɔ.

Zaburu 44:17

Tuma min na ne ye n tɔɔrɔbagaw ni n tɔgɔ cɛnbagaw kaan mɛn. U b'an darabɔ k'i nɛni.

Zaburu 59:11

Ne ka Ala ka ɲi. A bena na ne gɛrɛfɛ. A bena ne juguw halaki n ɲana.

Zaburu 78:7

N'o kɛra, o deen nunu bena u jigi la Ala kan, u tena ɲinɛ Ala ka kɛtaw kɔ. U ben'a ka fɔtaw bato.

Bɔri 13:14

Sini ma sini ma, n'aw deenw y'aw ɲininga ko: ‹Nin kɛkun ye mun ye?›, aw k'a fɔ u ye ko: ‹Masaba ye an bɔ Ezipiti jɔnya la ni barika ye.

Bɔri 13:3

Musa y'a fɔ jama ye ko: «Aw bɔra jɔnya la loon min na Ezipiti, aw k'aw hakili to o loon na, saan o saan, ka ɲanagwɛ kɛ o loon na, bari Masaba ye aw bɔ yen ni barika ye. Aw man kan ka buru dumu, fununan be min na.

Bɔri 6:6

O la, i k'a fɔ Isirayɛlidenw ye ko ne le ye Masaba ye. Ne bena aw bɔ Ezipitikaw ka fanga kɔrɔ, ne bena aw bɔsi ka bɔ u ka jɔnya la. Ne bena u ɲaa gwan kosɔbɛ k'aw kisi ni sebagaya ye.

Zanaw 30:9

Nafolocaya kan'a kɛ ne be tigɛ i la k'a fɔ ko: «Masaba ye jɔn ye?» Walima dɛsɛ kana ne bila soɲani na, min bena ele, ne ka Ala tɔgɔ cɛn.

Ezayi 17:10

Aw ɲinɛna aw Kisibaga Ala kɔ, aw m'aw hakili jigi aw tangabaga barikaman la. Aw ye nankɔw labɛn joow ye, ka sɛnɛfɛnw dan yen siya wɛrɛw ka joow sɔnni kosɔn.

Ezayi 51:13

Aw ɲinɛna ne Masaba aw Danbaga kɔ cogo di? Ne min ye sankolo fɛnsɛn ka dugukolo dan. Aw be to ka yɛrɛyɛrɛ tile kuturu kɔnɔ aw tɔɔrɔbagaw ka fariya kosɔn, min labɛnnin lo cɛnni kama. Aw tɔɔrɔbagaw ka fariya be min?

Yeremi 34:13

«Ne Masaba, Isirayɛli ka Ala ko: Ne y'aw faaw bɔ loon min na Ezipiti jamana ka jɔnya la, ne n'aw faaw tun bɛnna nin na ko:

Oze ta kitabu 2:13

Ne ben'a to a ka nisɔndiyakow bɛɛ be dabila: ɲanagwɛw te kɛ, kalokura ta tena kɛ, lafiɲɛlon ta fana tena kɛ, n'o ɲɔgɔnna wɛrɛw.

Jateri 15:39

N'u y'o masirifɛn nunu ye tuma o tuma, u hakili be jigi ne Masaba ka fɔta bɛɛ la, k'u bato. O la, u tena sɔn ka kakalaya kɛ, u ɲadenw ka miɲɛtɔya tena u bila tilenbaliya la.

Sariya 32:18

Aw y'aw Tangabaga to yen, min y'aw bila diɲɛ kɔnɔ. Ala min ye nii di aw ma, aw ɲinɛna ale kɔ.

Sariya 4:23

Aw k'aw yɛrɛ minɛ kosɔbɛ, Masaba aw ka Ala ye bɛɛn min kɛ n'aw ye, aw kana ɲinɛ o kɔ. Aw kana joo dilan fɛɛn si jaa la, Masaba y'aw bali min na.

Sariya 4:9

Nga aw k'aw yɛrɛ kɔlɔsi, ka banba, janko aw ye koo minw ye n'aw ɲaa ye, aw kana ɲinɛ o kɔ. O kana bɔ aw hakili la aw sii tile bɛɛ la. Aw k'o koo fɔ aw deenw, n'aw mamadenw ye.

Sariya 8:10

N'aw ye dumuni kɛ ka fa tuma min na, aw ka Masaba aw ka Ala fo yɔrɔɲuman nin kosɔn, a ye min di aw ma.

Kɔlɔsikaw 2:8

Aw k'aw yɛrɛ kɔlɔsi mɔgɔ si kana aw kunna cɛn n'a ka lɔnniyafu ye u be min sɔrɔ adamaden ka landa la, ani diɲɛ setigiw ta, o lɔnniya nin te Krista ta ye.

Kititigɛbagaw 2:12

U ye Masaba, u faaw ka Ala bila, ale min tun y'u bɔ Ezipiti jamana na. Siya minw sigira k'u lamini, u tora ka olu ka joo dɔw sɔn, ka to k'u kunbiri gwan o ɲakɔrɔ. U y'a kɛ ten fɔɔ Masaba dimina u kɔrɔ.