Sariya 6:11 - ALA KA KUMA

¹¹ ani boon minw fanin be fɛnɲuman sifa bɛɛ la aw ma minw ɲini, ni kɔlɔnw be yen, aw ma minw sogi, ani *ɛrɛzɛnforow ni olivuyiriw aw ma minw tutu, n'aw ye dumuni kɛ ka fa tuma min na,

Jula NT of Côte d’Ivoire

¹¹ ka bonw sɔrɔ, bon minw fara fɛnɲuman suguya bɛɛ ra, k’a sɔrɔ aw le ma o fɛnw bla o kɔnɔ; aw bɛna kɔlɔnw sɔrɔ, aw ma kɔlɔn minw sogi; aw bɛna rɛzɛnforow ni oliviyesunw sɔrɔ, aw ma minw sɛnɛ.

Sariya 6:11 Iomraidhean Croise

Nehemi 9:25

U sera ka dugu farimanw minɛ ani dugukoloɲumanw, ka soow minɛ, minw fanin be minan sifa bɛɛ la, ani kɔlɔnw, ni *ɛrɛzɛnforow, ani olivuforow ni yiri minw be deen caaman. U ye dumuni kɛ ka fa, ka boɲa. U tora ɲasuma na i ka ɲumanya kosɔn.

Zaburu 105:44

A ye siya wɛrɛw ka dugukolo le d'u ma. A ye jamana wɛrɛ mɔgɔw ka baara tɔnɔ d'u ma.

Sariya 11:15

A ben'a kɛ biin fana be falen kongo kɔnɔ aw ka begɛnw ye. Aw bena dumuni kɛ ka fa.

Sariya 14:29

janko Levi kɔmɔgɔw, minw te ni dugukolo ye aw cɛma, ka se ka na, olu ni lonanw, ani falatɔw, ni firiyamuso minw be aw ka duguw kɔnɔ. U bena dumuni kɛ ka fa. O la, Masaba aw ka Ala bena aw dɛmɛ aw ka kokɛtaw bɛɛ la.

Sariya 19:1

«Masaba aw ka Ala be siya minw ka jamana d'aw ma, n'aw ye olu halaki ka ban tuma min na ka sigi u ka duguw n'u ka soow kɔnɔ,

Sariya 32:15

Yesurun tulɔra ka boɲa, ka sɔrɔ ka muruti. A fara, a tulɔra ka waga. A y'a Danbaga Ala bila, a y'a Kisibaga n'a Tangakabakuru bila.

Yosuwe 24:13

Ne ye jamana d'aw ma, aw ma min sɛnɛ, ka duguw di aw ma aw ma minw sigi, aw fana be sigira u kɔnɔ, ne ye *ɛrɛzɛnsunw ni olivuyiriw d'aw ma fana, o ka kɛ aw ka dumuni ye, aw m'o min tutu.› »

Kititigɛbagaw 3:7

Isirayɛlidenw ye kojugu kɛ Masaba ɲakɔrɔ. U tun ɲinɛna ni Masaba u ka Ala ka koo ye, ka taga *Baali ni *Asitarite sɔn yɔrɔ caaman na.