Sariya 5:32 - ALA KA KUMA

³² «Masaba aw ka Ala ye koo minw fɔ aw ye, aw ka jija k'olu bato, aw kana olu dabila fewu.

Jula NT of Côte d’Ivoire

³² A laban Musa ko: «Matigi Ala, aw ta Ala ka ko minw fɔ aw ye, aw ye o bɛɛ kɛ ka ɲa a cogo ra. Aw kana jɛngɛ ka bɔ o sira kan ka taga aw kininboro fɛ walama ka taga aw numanboro fɛ.

Sariya 5:32 Iomraidhean Croise

Mas 2nan 17:37

Aw ka banba ka n ka sariyaw ni n ka landaw bato, tuma bɛɛ, ne tun ye minw sɛbɛn ka di aw ma. Aw kana fɛɛn wɛrɛw bato.

Mas 2nan 21:8

Ko ni Isirayɛlidenw banbana k'ale ka fɔta bɛɛ bato ni sariya kɔnɔnakuma bɛɛ, ale ka baarakɛla Musa tun ye min di u ma, ko ale ten'a kɛ u be bɔ jamana nin kɔnɔ tugu, ale tun ye min di u faaw ma.

Mas 2nan 22:2

A ye koɲuman kɛ Masaba ɲakɔrɔ. A bɛma Dawuda tun ye sira min ta, a fana y'o sira kelen le ta tigitigi. A ma jɛngɛ kinibolo fɛ, walima numanbolo fɛ.

Zaburu 125:5

Nga mɔgɔ minw be sirajugu taama, ani minw be tilenbaliyakow kɛ, i k'u furan ka bɔ yen. Hɛrɛ ka kɛ Isirayɛlidenw ye.

Zaburu 19:12

Masaba, o y'i ka baarakɛla lalɔnniya, nafaba b'o batoli la.

Zaburu 80:19

An tena an kɔɔ sin i ma tugu. An to nii na, an bena i tanu.

Zanaw 3:2

Bari, u bena dɔ fara e sii kan, i bena hɛrɛ ni sijan sɔrɔ.

Zanaw 4:27

I kan'a bila ka taga faan si la. Kana i seen don kojugusira kan.

Ezayi 30:21

N'aw ka kan ka taga kinibolo, walima numanbolo fɛ tuma min na, aw bena mɛnni kɛ aw kɔfɛ ko: «Sira ye nin ye, aw k'a minɛ.»

Ezekiyɛli 20:19

Ne ye Masaba ye, aw ka Ala. Aw ka ne ka kolatigɛninw kɛ ka ne ka fɔtaw bato ka ɲa.

Ezekiyɛli 37:24

Ne ka baarakɛla Dawuda bena sigi u kunna. Marabaga kelen bena kɛ u fɛ. U bena ne ka fɔtaw bato ka ne ka kolatigɛninw kɛ ka ɲa.

Sariya 11:32

Ne ye sariyaw ni landa minw bɛɛ fɔ aw ye bii, aw ka jija k'u bato.

Sariya 17:11

U bena min latigɛ k'a fɔ aw ye, aw kana jɛngɛ cogo si la ka bɔ o kan.

Sariya 17:20

O la, a ten'a yɛrɛ boɲa n'a balimaw ye, ka ban ka sariya bato cogo si la. O la, a n'a kɔmɔgɔw bena mɛn Isirayɛli kunna.

Sariya 24:8

«Aw k'aw yɛrɛ kɔlɔsi farisogobana koo la: ne ye kuma minw fɔ sarakalasebagaw ye, minw ye Levi kɔmɔgɔw ye, ni u bena o fɔ aw ye, aw k'o bɛɛ bato.

Sariya 28:14

Ne be min fɔra aw ye bii, aw kana jɛngɛ fewu ka bɔ o kan ka fɛɛn wɛrɛw bato.

Sariya 29:8

«Aw ka banba ka bɛɛn kuma nunu mara janko aw ka kokɛtaw bɛɛ ka ɲa.

Sariya 6:17

«Aw ka Masaba aw ka Ala ka cii, n'a ka sariya ani a ka fɔtaw bato ka ɲa.

Sariya 6:25

N'an be banba k'o cii nunu bɛɛ bato Masaba an ka Ala ɲakɔrɔ, i n'a fɔ a y'a ɲini an fɛ cogo min na, an bena kɛ mɔgɔtilenninw ye.›

Sariya 6:3

Isirayɛlidenw, aw ka mɛnni kɛ, ani ka banba k'o bato. O la, aw bena hɛrɛ sɔrɔ, ani ka caya kosɔbɛ o jamana diman nin kɔnɔ, nɔnɔ ni lii ka ca kosɔbɛ yɔrɔ min na, i n'a fɔ Masaba, aw bɛmaw ka Ala y'a daa di aw ma cogo min na.

Sariya 8:1

«Ne be koo minw fɔra aw ye bii, aw ka jija k'o bɛɛ kɛ, janko aw ka to nii na, ka caya, ani ka se ka don jamana nin kɔnɔ k'a minɛ. Masaba ye min layidu ta aw bɛmaw ye.

Yosuwe 1:7

I ka barika don i yɛrɛ la k'i jaa gwɛlɛya kosɔbɛ. Ne ka baarakɛla Musa tun ye sariya min bɛɛ d'i ma, e k'i ka koow kɛ ka kɛɲɛ ni o ye. I kana jɛngɛ ka taga kinibolo walima numanbolo fɛ, janko i ka koo kɛtaw ka se ka ɲa i bolo i taayɔrɔw bɛɛ la.

Yosuwe 23:6

Aw ka banba, fɛɛn min fɔra Musa ka sariyasɛbɛ kɔnɔ, aw k'o bato kosɔbɛ, aw kana jɛngɛ ka taga kinibolo la, walima numanbolo la.

Piy 2nan 2:21

N'u tun ma tilenninya sira lɔn, o bele tun ka fisa u ma n'u banko ye Ala ka sariya nin na, min koo tun fɔra u ye.