Sariya 5:29 - ALA KA KUMA

²⁹ N'o dusu ɲɔgɔn tun b'u fɛ, ka siran ne ɲa, ani ka n ka kuma bɛɛ bato tuma bɛɛ, waasa olu n'u deenw ka to hɛrɛ la tuma bɛɛ!

Jula NT of Côte d’Ivoire

²⁹ E! Ni a kɛra ko o miiriya kelen le tun bɛ o jusu ra tuma bɛɛ, ni o tun bɛ siran ne ɲa, ka ne ta ciw bɛɛ sira tagama, o tuma o ni o denw tun bɛna to hɛra le ra wagati bɛɛ.

Sariya 5:29 Iomraidhean Croise

Lok fɔlɔ 29:18

Masaba, an faaw Ibrayima ni Isiyaka ani Isirayɛli ka Ala, a to miiriɲuman ka sɔrɔ i ka jama kɔnɔ tuma bɛɛ. A to i ka koo ka sabati u kɔnɔ.

Zaburu 106:3

Mɔgɔ minw b'a ka sariyaw mara ka tilenninyako kɛ, o tigi dangamunin lo.

Zaburu 19:11

U ka ɲi ka tɛmɛ sanu kan, hali ka tɛmɛ sanu yɛrɛyɛrɛ caaman kan. U ka di ka tɛmɛ lii kan, hali ka tɛmɛ lii diman yɛrɛ kan.

Zaburu 19:12

Masaba, o y'i ka baarakɛla lalɔnniya, nafaba b'o batoli la.

Zaburu 78:7

N'o kɛra, o deen nunu bena u jigi la Ala kan, u tena ɲinɛ Ala ka kɛtaw kɔ. U ben'a ka fɔtaw bato.

Zaburu 81:16

Masaba kɔniyabagaw bɛɛ bena biri a ɲafɛ. O le bena kɛ u ka latigɛ ye tuma bɛɛ.

Ezayi 3:10

Aw k'a fɔ ko mɔgɔtilennin dagamunin lo, bari a bena nisɔndiya a ka kɛwaliw tɔnɔ kɔnɔ.

Ezayi 48:18

Hun! N'aw tun ye mɛnni kɛ n ka ladiliw la, aw ka hɛrɛ tun bena kɛ i ko baji, aw ka tilenninya tun bena kɛ i ko kɔgɔji.

Yeremi 42:6

A ka nɔgɔ, walima a ka gwɛlɛ wa, an bena Masaba an ka Ala ka fɔta le kɛ, an ko i ka ale min ɲininga. O la, an bena hɛrɛ sɔrɔ bari an ye mɛnni kɛ a fɛ.»

Yeremi 44:4

Ne tora ka n ka baarakɛlaw bɛɛ, kiraw ci aw ma k'a fɔ aw ye ko aw kana kojuguba nin kɛ min man di ne ye fewu.

Matiyu 23:37

Yezu y'a fɔ ko: «Zeruzalɛmukaw, Zeruzalɛmukaw, aw minw be kiraw faga, ka Ala ka cidenw bon ni kabakuru ye k'u faga, siɲɛ joli ne tun b'a fɛ k'aw lajɛn n kɔrɔ, i n'a fɔ sisɛ b'a deenw lajɛn a gaman kɔrɔ cogo min na, aw ma sɔn.

Luka 11:28

Nga Yezu y'a jaabi ko: «Mɔgɔ min be Ala ka kuma lamɛn, k'a bato, o le dagamunin lo.»

Luka 19:42

A y'a fɔ ko: «Zeruzalɛmukaw, koo min be se ka hɛrɛ d'aw ma, n'aw tun b'o lɔn bii yɛrɛ, o tun bena ɲa. Nga, aw te foyi lɔnna o la.

Yuhana 15:14

Aw ye ne teriw ye ni aw be sɔn ka ne ka cii bato.

Kor 2nan 5:20

An kɛra Krista ka lasigidenw ye aw cɛma, a kɛra i n'a fɔ Ala yɛrɛ le b'aw wele an barika la. An b'aw daali Krista tɔgɔ kosɔn, ko aw ka sɔn ka bɛn ni Ala ye.

Kor 2nan 6:1

An be baara kɛra ni Ala ye, o le kosɔn an b'aw daali ko Ala ye nɛɛma min kɛ aw ye, aw kan'a to o be kɛ gwansan ye,

Ɛfɛsikaw 6:3

«janko i ka se ka hɛrɛ ni sijan sɔrɔ dugukolo kan.»

Sariya 10:12

«Isirayɛlidenw, sisan Masaba aw ka Ala be mun kɔnɔna aw fɛ, n'a ma kɛ ko aw ka siran a ɲa, k'a ka siraw bɛɛ taama, ani k'a koo diya aw ye, ka baara kɛ a ye sɔbɛ la n'aw dusu bɛɛ ye?

Sariya 10:20

«Aw ka siran Masaba aw ka Ala ɲa, k'a bato. Aw nɔrɔnin ka to ale kelen na. N'aw be kali, aw k'o kɛ ale tɔgɔ la.

Sariya 11:1

«Masaba aw ka Ala koo ka diya aw ye. A be min ɲini aw fɛ, aw k'o kɛ, k'a ka sariyaw, n'a ka landaw n'a ka ciiw bato loon bɛɛ.

Sariya 12:25

Aw kan'a dumu, o la, aw n'aw kɔmɔgɔw bena hɛrɛ sɔrɔ, bari aw ye koɲuman kɛ Masaba ɲakɔrɔ.

Sariya 12:28

«Aw ka ne ka kuma nunu bɛɛ mɛn, ne be minw fɔra aw ye k'u bato. O la, aw n'aw kɔmɔgɔw bena hɛrɛ sɔrɔ tuma bɛɛ, bari aw ye kotilennin ni koɲuman kɛ Masaba aw ka Ala ɲakɔrɔ.

Sariya 19:13

Aw man kan ka makari a la. Aw ka kan ka mɔgɔ jalakibali fagako kunko bɔ aw kunna Isirayɛli kɔnɔ, o la, aw bena hɛrɛ sɔrɔ.

Sariya 22:7

I ka bamusoman to ale be taga, i k'a deenw dɔrɔn minɛ. O la, i bena hɛrɛ ni sijan sɔrɔ.

Sariya 4:10

«Loon min na aw lɔra Masaba aw ka Ala ɲakɔrɔ *Orɛbu kulu kan, aw k'aw hakili to a la. A y'a fɔ ne ye ko ne ka jama lajɛn ale ɲakɔrɔ, ko ale bena kuma u fɛ janko u k'ale boɲako dege, u sii tile bɛɛ la dugukolo kan, ani k'u deenw dege o la.

Sariya 4:2

Ne be kuma min fɔra aw ye, aw kana dɔ fara o kan, aw fana kana foyi bɔ o la. Nga ne be Masaba aw ka Ala ka sariya minw fɔra aw ye, aw k'o bato.

Sariya 4:40

Aw k'a ka sariyaw n'a tanafɛnw bato, ne be minw fɔra aw ye bii, janko aw, n'aw kɔmɔgɔw ka hɛrɛ ni sijan sɔrɔ jamana nin kɔnɔ, Masaba aw ka Ala be min dira aw ma aw ka to n'a ye.»

Sariya 5:16

Aw k'aw faa n'aw baa boɲa i ko ne Masaba aw ka Ala y'a fɔ aw ye cogo min na, janko ne be jamana min dira aw ma, aw ka se ka sijan ni hɛrɛ sɔrɔ a kɔnɔ.

Sariya 5:30

O kɔ, a ko n ka ta'a fɔ aw ye k'aw ka segi ka taga aw ka fanibuguw kɔnɔ.

Sariya 5:33

Masaba aw ka Ala ye sira min yira aw la, aw k'o ta sɛbɛ la janko aw ka to nii na ka hɛrɛ ni sijan sɔrɔ, jamana nin kɔnɔ aw bena min minɛ.

Sariya 6:17

«Aw ka Masaba aw ka Ala ka cii, n'a ka sariya ani a ka fɔtaw bato ka ɲa.

Sariya 6:18

Aw ka koɲuman ni tilenninyakow kɛ Masaba ɲakɔrɔ janko aw ka hɛrɛ sɔrɔ, ani Masaba ye jamanaɲuman min layidu ta aw bɛmaw ye, aw ka se ka don o kɔnɔ k'a minɛ,

Sariya 6:3

Isirayɛlidenw, aw ka mɛnni kɛ, ani ka banba k'o bato. O la, aw bena hɛrɛ sɔrɔ, ani ka caya kosɔbɛ o jamana diman nin kɔnɔ, nɔnɔ ni lii ka ca kosɔbɛ yɔrɔ min na, i n'a fɔ Masaba, aw bɛmaw ka Ala y'a daa di aw ma cogo min na.

Sariya 8:6

«Aw ka Masaba aw ka Ala ka fɔtaw bato k'a ka sira taama ani ka siran a ɲa.

Heburuw 12:25

Min be kumana aw fɛ, aw ye jija, aw kana ban a ka kuma na. Bari fɔlɔ mɔgɔw banna Ala ka kuma fɔbaga ma, min tun b'u cɛma dugukolo kan. O la, u ma kisi ɲagwan ma. Min be to arijana na ka kuma an fɛ, n'an banna ale la, an ka ɲagwan tena tɛmɛ fɔlɔ mɔgɔw ta kan wa?

Yakuba 1:25

Nga, mɔgɔ min be sariya sɔbɛsɔbɛ kɔnɔnakuma lamɛn, ka ɲa k'a janto a la, n'a te ɲinɛ a kɔ, ani ka to k'a bato, o tigi kɔni bena hɛrɛ sɔrɔ a ka kɛwaliw la. O kuma nin le be mɔgɔ kɛ hɔrɔnw ye.

Yirari 22:14

Mɔgɔ minw b'u ka faniw ko, janko u ka don dugu nin kɔnɔ n'a dondaw ye, ka niyɔrɔ sɔrɔ yiri la, min be nii di mɔgɔ ma, olu bena dagamu.

Ruti 3:1

Loon dɔ, Nawomi y'a fɔ a biranmuso ye ko: «Ne denmuso, ne man kan ka sigiyɔrɔɲuman ɲini i ye wa, janko i ka nisɔndiya?