Sariya 5:22 - ALA KA KUMA

²² «Masaba y'a kaan kɔrɔta ka kuma minw fɔ aw bɛɛ lajɛnnin ye kulu kan k'a to tasuma ni sankaba cɛma, ani dibi kɔnɔ, olu lo. A ma fɛɛn wɛrɛ fara o kan. O kɔ, a y'u sɛbɛn walaka kabakurulaman fila kan k'u di ne ma.

Jula NT of Côte d’Ivoire

²² Matigi Ala ka o ciw le fɔ ni kanba ye kuru kan, tasuma cɛ ma, sankabaw ni dibiba cɛ ma; a ka o fɔ aw ta jama bɛɛ lajɛnnin ye, a ma foyi wɛrɛ fara o kan. A ka o sɛbɛ kabakuru walaka fla kan k’a di ne ma.

Sariya 5:22 Iomraidhean Croise

Mas 2nan 17:37

Aw ka banba ka n ka sariyaw ni n ka landaw bato, tuma bɛɛ, ne tun ye minw sɛbɛn ka di aw ma. Aw kana fɛɛn wɛrɛw bato.

Bɔri 20:21

Ayiwa, jama tora yɔrɔjan. Ala tun be sankaba finman min kɔnɔ, Musa gwɛrɛla o la.

Bɔri 24:12

Masaba y'a fɔ Musa ye ko: «Yɛlɛ ka na ne fɛ kulu kan, ka to yan. Ne bena walaka kabakurulamanw d'i ma, ne ye n ka sariya ni ladiliw sɛbɛn minw kan, janko ka jama kalan.»

Bɔri 31:18

Masaba tilara kuma na ni Musa ye Sinayi kulu kan tuma min na, a ye walaka fila di Musa ma, a ka sariya tan sɛbɛnnin be minw kan. Ala yɛrɛ le tun ye sɛbɛnni nin kɛ walaka kabakurulaman nunu kan.

Sariya 4:33

Siya wɛrɛ dɔ be yen, min ye Ala kaan mɛn ka bɔ tasuma cɛma i n'a fɔ aw, n'a tora nii na wa?

Sariya 4:36

K'a to sankolo la, a kumana aw fɛ, janko ka se k'aw ladi, k'a ka tasumaba yira aw la dugukolo kan fana, ani aw y'a kumakan mɛn ka bɔ o tasuma nin cɛma.

Sariya 5:23

«Aw ye kumakan mɛn tuma min na, ka bɔ dibi kɔnɔ kulu kan, tasuma tun be min kan, aw ka ɲamɔgɔw bɛɛ n'aw ka cɛkɔrɔbaw gwɛrɛla ne la.

Sariya 5:4

Masaba kumana aw fɛ daa ni daa kulu kan tasuma cɛma.

Heburuw 12:18

Fɔlɔfɔlɔ mɔgɔw gwɛrɛla Ala ka kulu la cogo min na, mɔgɔ be se ka maga min na, aw ma gwɛrɛ a la ten. Olu ye tasuma ye, ni kabafin, ni dibiba, ni sanfɔɲɔjugu,