Sariya 4:7 - ALA KA KUMA

⁷ Tiɲɛ na, siya jumɛn le be yen min barika ka bon, ni batofɛnw b'u fɛ min yɔrɔ ka surun u la i n'a fɔ Masaba an ka Ala, a be an fɛ tuma bɛɛ, n'an y'a wele k'an dɛmɛ wa?

Jula NT of Côte d’Ivoire

⁷ Can ra, siyaba juman wɛrɛ le bɛ yi, ko o ta ala bɛ o kɔrɔ, i n’a fɔ Matigi Ala, anw ta Ala bɛ an kɔrɔ cogo min na, ani tuma o tuma ni an b’a daari a bɛ an lamɛn?

Sariya 4:7 Iomraidhean Croise

Sam 2nan 7:23

Siya wɛrɛ be yen dugukolo kan tugu min be i n'a fɔ i ka jama Isirayɛli wa? Ele Ala ye minw kunmabɔ, k'u kɛ e yɛrɛ taw ye, janko u tɔgɔ ka se ka bɔ. O la, e ye kabakobabaw kɛ u ka jamana ye. Siya wɛrɛ be yen tugu min be i ka siya nin bɔ wa? I ye min bɔ Ezipiti jamana na, o yɔrɔ siya n'u ka batofɛnw bolo.

Zaburu 145:18

Masaba b'a daalibagaw gɛrɛfɛ, minw b'a daali ni tiɲɛ ye.

Zaburu 147:20

A ma o ɲɔgɔn kɛ siya wɛrɛw si ye, olu si t'a ka fɔtaw lɔn. Aw ka Masaba tanu.

Zaburu 148:14

A ye barika don a ka jama na. O ye kunkɔrɔta ye a ɲasiranbagaw bɛɛ fɛ, a ka jama Isirayɛli fɛ, min koo ka gwɛlɛ a ma. Aw ka Masaba tanu.

Zaburu 34:17

A be wili kojugukɛlaw kama. A t'a fɛ u koo ka mɛn dugukolo kan tugu.

Zaburu 34:18

A daan ye mɔgɔtilenninw ka kasi dɔrɔn, Masaba b'u kaan mɛn. A b'u kisi ka bɔ u ka dusukasi bɛɛ la.

Zaburu 46:1

Dɔnkililabagaw kuntigi ka dɔnkili. Kore kɔmɔgɔw ka dɔnkili dɔ. A be la ni muso kaan ye.

Zaburu 73:28

Ne ka to ele Ala fɛ, o ye ne ka dagamu ye. Ne ye n jigi la ele Matigi, Masaba le kan janko ka se k'i ka kɛtaw bɛɛ lakali.

Zaburu 85:9

Masa Ala be min fɔ, ne b'o lamɛn. A be hɛrɛkuma fɔr'a ka jama n'a ɲasiranbagaw ye, janko u kana kɛ nalomanw ye tugu.

Ezayi 43:4

Aw koo ka gwɛlɛ ne ma, aw ye fɛnba ye ne fɛ, aw koo ka di n ye fana. O la, ne be adamadenw di aw nɔɔ na, ne be mɔgɔw di, waasa k'aw kisi.

Ezayi 55:6

Aw ka Masaba yɔrɔ ɲini a sɔrɔtuma na. Aw k'a wele k'a to a yɔrɔ man jan.

Jateri 23:21

A ma tilenbaliyako ye Yakuba kɔmɔgɔw la, a ma kojugu ye Isirayɛlidenw fɛ. Masaba u ka Ala tora u fɛ, Masaba ka folikan be bɔra u fɛ.

Jateri 23:9

Ka ne to farakuruw kunna, ne ɲaa b'u la. Ka ne to kulujanw kan, ne b'u filɛra. Ne y'a ye ko siya lo minw siginin be u danna, Siya min ka koo ni tɔw ta te kelen ye.

Kɛwalew 17:27

A y'o kɛ, waasa u ka se ka ale Ala yɔrɔ ɲini cogo bɛɛ la, n'u be se k'a ye. Ala do yɔrɔ man jan an si la.

Sariya 26:19

a ye siya minw dan, a bena ɲafɛla di aw ma olu bɛɛ kunna, boɲa ni nɔɔrɔ kɔnɔ, k'aw tɔgɔ bɔ ka tɛmɛ olu kan, ko aw ka kɛ jama saniyanin ye Masaba aw ka Ala ɲakɔrɔ ka kɛɲɛ n'a ka layidu ye.»

Sariya 33:29

Isirayɛlidenw, aw dagamuna dɛ! Jɔn be i ko aw? Masaba y'aw le kisi. Masaba y'aw tangabaga n'aw dɛmɛbaga ye, murujan lo, min be see di aw ma. Aw juguw bena u yɛrɛ majigi aw kɔrɔ, aw bena u ka yɔrɔbabaw cɛn.»

Sariya 4:32

«Waati minw tɛmɛna fɔlɔfɔlɔ, kabini Ala ye adamaden dan dugukolo kan, loon minw tɛmɛna, aw ka miiri olu la. Aw ka sɛgɛsɛgɛli kɛ diɲɛ faan bɛɛ la. Koba min kɛra, o ɲɔgɔn delila ka kɛ wa? Walima nin kuma nin ɲɔgɔn mɛnna ka ye wa?

Sariya 5:26

Mɔgɔ jumɛn be yen n'a ye Ala kaan mɛn ka bɔ tasuma cɛma i n'a fɔ anw, n'o tigi ɲanaman tora?

Yakuba 4:8

Aw ye gwɛrɛ Ala la, ale fana bena gwɛrɛ aw la. Hakɛkɛla nunu! Aw y'aw bolo n'aw dusu saniya. Kɔnɔ fila tigi nunu!