Sariya 4:6 - ALA KA KUMA

⁶ Aw k'a bato ka ɲa, bari siya wɛrɛ minw bena sariya nunu koo mɛn, olu ben'a lɔn o la ko aw ye lɔnnikɛlaw ni hakilitigiw ye. U ben'a fɔ ko: ‹Lɔnniya be siya barikaman nin fɛ, hakilitigiw lo.›

Jula NT of Côte d’Ivoire

⁶ Aw ye o sariyaw sira tagama ka ɲa kosɛbɛ; o le bɛna aw kɛ hakiritigiw ani kolɔnbagaw ye siya tɔw ɲa kɔrɔ. Ni olugu nana o sariyaw bɛɛ ko mɛn, o bɛna a fɔ ko: «Nin siyaba ye hakiritigibaw, ani kolɔnbagabaw yɛrɛ le ye.»

Sariya 4:6 Iomraidhean Croise

Ayuba 28:28

O la, a y'a fɔ adamaden ye ko: ‹Ka siran ne Matigi ɲa, o le ye lɔnniya ye. Ka kojugu dabila, o ye hakilitigiya ye.› »

Zaburu 111:10

Lɔnniya daminɛyɔrɔ ye Matigi ɲasiran ye. Mɔgɔ minw y'a sɔrɔ, olu be koo faamu ka ɲa. Masaba tanuko ye waati bɛɛ koo ye.

Zaburu 19:7

A be bɔ diɲɛ daan kelen na, ka taga a faan dɔ la, fɛɛn si te yen min be kisi a ka funteni ma.

Zaburu 19:8

Masaba ka sariya tilennin lo, a be barika don mɔgɔ la. Masaba ka fɔta ye tiɲɛ ye, a be lɔnniya di kolɔnbali ma.

Zanaw 1:4

O be yɛrɛminɛcogo di kolɔnbali ma ka lɔnniya ni miiriyaɲuman di kanbelenw ma.

Zanaw 1:5

Lɔnnikɛlaw bena u tulo malɔ u fɛ, ka dɔ fara u ka lɔnniya kan. Hakilitigiw ben'a lamɛn ka yɛrɛminɛcogokura sɔrɔ.

Zanaw 1:7

Masaba ɲasiran ye lɔnniya daminɛyɔrɔ ye. Nalomanw dama le be ban lɔnniya ni ladili ma.

Zanaw 14:34

Tilenninya be kunkɔrɔta di jamana ma, kojugu ye siya maloyafɛn ye.

Zanaw 14:8

Yɛrɛkɔlɔsibaga ka lɔnniya, o ye k'a ka kɛta gwɛya. Nga naloman ka fatɔya b'a yɛrɛ fili.

Ezayi 42:21

Masaba ka tilenninya kosɔn, a diyar'a ye k'a yira ko barika b'ale ka sariya la, ko a ka ɲi kosɔbɛ.

Yeremi 8:9

Lɔnnikɛlaw maloyara, u sirannin lo, u minɛna. U te Masaba ka kuma jati. U ka lɔnniya be min sa?

Ezekiyɛli 5:5

«Ne Matigi, Masaba ko: Zeruzalɛmu filɛ. Ne tun y'a sigi siyaw cɛma, ka jamanaw kɛ k'a lamini.

Daniyɛli 1:20

Masacɛ tun y'u ɲininga koo o koo la, lɔnniya, ni faamuli faan fɛ, a y'a ye k'u tɛmɛn'a ka jamana kɔnɔ jotigiw ni lagwɛlikɛlaw bɛɛ kan siɲɛ tan.

Daniyɛli 4:9

A furaburu tun ka ɲi, a deen ka ca fana. Bɛɛ ka dumuni tun be bɔ a la. Kongosogow tun be l'a kɔrɔ. Kɔnɔw tun be l'a kan. Danfɛnw bɛɛ ka balo tun be bɔ ale la.

Oze ta kitabu 8:12

Hali ne mana n ka sariyaw sɛbɛn k'o caya k'a di u ma, u b'o filɛ i ko lonan dɔ ka koo lo.

Malaki 3:12

Siyaw bɛɛ ben'a fɔ ko aw dagamuna. Bari aw ka yɔrɔ bena kɛ hɛrɛyɔrɔ ye.» Masaba, Setigi ko ten.

Sariya 29:9

«Aw bɛɛ lɔnin filɛ nin ye ɲɔgɔn fɛ bii Masaba aw ka Ala ɲakɔrɔ: aw kuntigiw, aw ɲamɔgɔw, aw ka cɛkɔrɔbaw, ani aw ka kɛlɛdenw ɲamɔgɔw, ni Isirayɛli cɛɛ tɔw bɛɛ,

Sariya 32:46

a y'a fɔ u ye ko: «Ne ye kuma minw bɛɛ fɔ aw ye bii, aw k'u minɛ ni sɔbɛ ye. Aw k'u fɔ aw deenw ye, waasa u ka se ka Ala ka sariya kɔnɔnakuma bɛɛ mara.

Sariya 32:47

Kuma nunu te kuma gwansanw ye, aw nii kisifɛn lo. O ben'a to aw be sijan sɔrɔ jamana nin kɔnɔ aw bena min ta Zurudɛn baji kɔfɛ.»

Tim 2nan 3:15

Kabini i denmisɛn tuma, i ye Ala ka kuma lɔn, min be se ka hakilitigiya d'i ma, min barika la mɔgɔ b'a jigi la Yezu Krista kan ka kisi.

Yakuba 3:13

Jɔn ye hakilitigi ye aw cɛma? O tigi k'a yira a ka kɛwaliɲumanw fɛ a be minw kɛ ni yɛrɛmajigi ani hakilitigiya ye.