Sariya 4:4 - ALA KA KUMA

⁴ Aw minw tilennin tora Masaba aw ka Ala ɲakɔrɔ, aw bɛɛ be nii na halibi.

Jula NT of Côte d’Ivoire

⁴ Nka aw minw tora Matigi Ala, aw ta Ala ta sira kan, aw bɛɛ ɲanaman lo bi.

Sariya 4:4 Iomraidhean Croise

Zaburu 63:8

Ele lo ye ne dɛmɛbaga ye. Ka ne to e gaman kɔrɔ i ko sisɛ n'a deenw, ne be nisɔndiyapɛrɛnkan bɔ.

Ezayi 26:20

Ne ka jama, aw ka don aw ka soow kɔnɔ, ka daaw tugu. Aw ka dogo waati kunkurunnin kɔnɔ, fɔɔ Masaba ka dimi waati ka tɛmɛ.

Ezekiyɛli 9:4

k'a fɔ a ye ko: «Taga Zeruzalɛmu dugu yaala. Mɔgɔ minw dusu kasinin lo, n'u be kasira kokolonw bɛɛ kosɔn minw be kɛra dugu kɔnɔ, i ka taamasiɲɛ la olu teen na.»

Kɛwalew 11:23

Ala y'a ka ɲumanya yira mɔgɔ nunu la cogo min na, Barinabasi sera yen k'o ye, a nisɔn diyara. A y'u jaa gwɛlɛya k'u ka banba ka nɔrɔ Matigi kelen na.

Rɔmukaw 12:9

Kanuyasɔbɛ ka sɔrɔ aw dusu la. Aw ka kojugu dabila, ka koɲuman kɛ kosɔbɛ.

Sariya 10:20

«Aw ka siran Masaba aw ka Ala ɲa, k'a bato. Aw nɔrɔnin ka to ale kelen na. N'aw be kali, aw k'o kɛ ale tɔgɔ la.

Sariya 13:4

aw kana mɛnni kɛ a fɛ. Bari Masaba aw ka Ala le b'aw kɔrɔbɔra janko k'a lɔn ni ale koo ka di aw ye sɔbɛ la n'a ka koo be aw dusu la kosɔbɛ.

Sariya 30:20

aw ka Masaba aw ka Ala koo diya aw ye, ani k'a ka fɔta mɛn, aw nɔrɔnin ka to a la. O la, Masaba ye layidu ta aw bɛma Ibrayima, ni Isiyaka, ani Yakuba ye, ko a bena jamana min d'u ma, aw bena to sii la, ka saan caaman kɛ o kɔnɔ.»

Sariya 4:3

«Masaba ye min kɛ Baalipewɔri, aw yɛrɛ y'o ye. Minw bɛɛ tun ye *Baali sɔn yen, Masaba aw ka Ala y'u bɛɛ faga ka bɔ aw cɛma.

Sariya 4:5

«Masaba ne ka Ala y'a ɲini ne fɛ cogo min na, ne y'aw kalan sariya, ni landaw koo la ten, aw y'o ye, janko n'aw donna jamana nin kɔnɔ k'a kɛ aw ta ye, aw ka se k'o koow bato o yɔrɔ la.

Yosuwe 22:5

Masaba ka baarakɛla Musa ye sariya ni kuma minw fɔ aw ye, aw ka olu bato ka ɲa, aw ka Masaba aw ka Ala koo diya aw yɛrɛ ye, k'a ka kuma bato ka taama ka kɛɲɛ n'a sago bɛɛ ye. Aw ye nɔrɔ ale la, ka baara kɛ ale ye n'aw dusu bɛɛ ye.»

Yosuwe 23:8

Aw ka nɔrɔ Masaba aw ka Ala la, i n'a fɔ aw tun nɔrɔl'a la cogo min na fɔɔ ka na se bii ma.

Yirari 14:4

O mɔgɔ nunu tun ma sɔn k'u yɛrɛ nɔgɔ ni musoko ye. Olu kɔni, hakɛ t'u kan. Ni Sagaden tagara yɔrɔ o yɔrɔ, u be tugu a kɔ. Olu kisira ka kɛ saraka fɔlɔw ye adamadenw cɛma ka kɛ Ala ni Sagaden ta ye.

Yirari 20:4

O kɔ, ne ye masasigilanw ye. Mɔgɔ minw nana sigi u kan, see dira olu ma ka kiti tigɛ. Mɔgɔ minw tun fagara Yezu ni Ala ka kuma kosɔn, ani minw tun banna ka Sogo nin taamasiɲɛ bila u teen, walima u bolo kan, k'a jaa bato, ne ye olu bɛɛ fana kununnin ye, u sigira ni Krista ye masaya la saan waa kelen.