Sariya 4:39 - ALA KA KUMA

³⁹ «Aw k'a lɔn, ani ka miiri a la bii, ko Masaba ye Ala ye sankolo la ani dugukolo kan. Dɔ wɛrɛ te yen ale kɔ.

Jula NT of Côte d’Ivoire

³⁹ O ra, aw ka kan k’a lɔn bi, ka aw hakiri to a ra ko Matigi Ala kelenpe le ye Ala ye, sankolo kɔnɔ, ani dugukolo kan, ko dɔ wɛrɛ tɛ yi ale kɔ.

Sariya 4:39 Iomraidhean Croise

Sam 2nan 7:22

«Matigi, Masaba, i ka bon, i ɲɔgɔn te yen! Ka kɛɲɛ n'an ka mɛnta ye, Ala wɛrɛ te yen ni ele tɛ.

Lok fɔlɔ 17:20

Masaba, e ɲɔgɔn te yen! Ka kɛɲɛ n'an ka mɛnta ye, Ala wɛrɛ te yen ni ele tɛ.

Lok fɔlɔ 28:9

«Ayiwa, ne deen Solomani, ele kɔni, i ka banba k'i faa ka Ala lɔn, ani ka baara kɛ a ye ni kɔnɔgwɛ ye, k'i yɛrɛ bɛɛ d'a ma, bari Masaba be adamadenw bɛɛ kɔnɔnako sɛgɛsɛgɛ ani k'u ka miiriya bɛɛ lɔn. N'i y'a ɲini, a ben'a yɛrɛ yira i la, nga n'i bann'a la, a fana bena ban i la pewu.

Lok fɔlɔ 29:11

Boɲa y'i ta ye, Masaba, see b'i ye, kunkɔrɔta ni nɔɔrɔ b'i kan. Bari sankolofɛnw ni dugukolo taw bɛɛ ye i ta ye. Masaba, kuntigiya y'e ta ye, i be fɛɛn bɛɛ sanfɛ.

Lok 2nan 20:6

k'a fɔ ko: «Masaba an faaw ka Ala, ele le te sankolo kɔnɔ Ala ye wa? Ele le be siyaw ka jamanaw bɛɛ kunna. Setigiya ni fanga b'i bolo, mɔgɔ si te se ka lɔ i ɲa.

Zaburu 100:3

Aw k'a lɔn ko Masaba le ye Ala ye. Ale lo ye an dan, an y'a ta ye. An be i ko sagakulu, a be min mara.

Zaburu 115:3

An ka Ala be sankolo la. Min y'a diya, a be o le kɛ.

Zaburu 135:6

Masaba be fɛɛn min fɛ, a b'o le kɛ. A b'o le kɛ sankolo la ani dugukolo kan. A b'o le kɛ kɔgɔji kɔnɔ ani dingɛbabaw bɛɛ la.

Bɔri 8:10

Mɔgɔw y'u cɛ k'u tonton. Jamana kasa goyara kosɔbɛ.

Ezayi 1:3

Misi b'a tigi lɔn, fali b'a ka kolokolo bilayɔrɔ lɔn. Nga Isirayɛlidenw te ne lɔn, ne ka jama te foyi faamu.»

Ezayi 43:10

Masaba ko: «Ne seere ye aw le ye. Ne ka baarakɛlaw ye aw le ye, ne y'aw minw woloma, janko aw ka faamuli kɛ, ka la ne la, ani ne ye min ye, aw k'o lɔn. Batofɛn si tun te ne ɲa, foyi tena sɔrɔ ne kɔ fana.

Ezayi 44:8

Aw kana siran, aw jaa kana tigɛ. Aw m'a mɛn ne fɛ wa? Ne m'a fɔ aw ye kabini tumajan wa? Aw te ne seerew ye wa? Ala dɔ wɛrɛ be yen ne kɔ wa? Siga t'a la, tangabaga wɛrɛ te yen ne kɔ, ne be min lɔn.»

Ezayi 5:12

U b'u ka dɔrɔtɔya kɛ ni gɔniw, ani kolonjow ni dundunw ani filew le ye. Masaba be min kɛ, u t'o filɛ yɛrɛ. Masaba bolo ye koo minw kɛ, u t'o yera.

Oze ta kitabu 7:2

U t'a miiri ko u ka kojuguw bɛɛ maranin be ne fɛ. Sisan, u ka kojuguw le kɛnin be k'u siri, ne ɲaa b'o la.

Kor fɔlɔ 8:4

Min ye josɔnsogo ɲimiko ye, an y'a lɔn ko joo te foyi ye diɲɛ na, an y'a lɔn fana ko Ala ye kelen ye.

Kor fɔlɔ 8:6

an kɔni fɛ, Ala kelen le be yen. Ale lo y'an Faa ye, koo bɛɛ be bɔ ale fɛ, an fana be taga ale fɛ, ani Matigi kelenpe le be yen, o ye Yezu Krista ye, ale min barika la fɛɛn bɛɛ be yen, anw fana be yen ale barika la.

Sariya 32:12

Masaba kelen y'a ka jama bila sira, batofɛn wɛrɛ ka dɛmɛ tun t'a la.

Sariya 32:29

Ni hakilitigiw tun lo, u tun bena faamuyali kɛ, u tun ben'a ye koo nin be tagara n'u ye yɔrɔ min na!

Sariya 4:35

«O koo nunu kɛra ka yira aw la waasa aw k'a lɔn ko Masaba kelen le ye Ala ye, ko dɔ wɛrɛ te yen n'ale kelen tɛ.

Sariya 6:4

«Isirayɛlidenw, aw k'aw tulo malɔ! Masaba an ka Ala ye Ala kelenpe ye.

Sariya 7:9

«Aw ka l'a la ko Masaba aw ka Ala le ye Ala yɛrɛ yɛrɛ ye. A koo ka di mɔgɔ minw ye n'u b'a ka kuma bato, a tilennin lo, a b'a ka layidu dafa olu faan fɛ, ani ka ɲumanya kɛ u ye, n'u kɔmɔgɔw *filankuru waa caaman ye.

Yosuwe 2:11

An y'o mɛn tuma min na, o ye an jaa tigɛ, fɔɔ an hakili bɛɛ cɛnna aw ka koo la, bari Masaba aw ka Ala ye Ala ye sankolo la ani dugukolo kan.

Sam fɔlɔ 2:2

Masaba ɲɔgɔn tɛ, dɔwɛrɛ te yen e kɔ. Dogoyɔrɔ wɛrɛ te yen ni e tɛ, an ka Ala.