Sariya 4:36 - ALA KA KUMA

³⁶ K'a to sankolo la, a kumana aw fɛ, janko ka se k'aw ladi, k'a ka tasumaba yira aw la dugukolo kan fana, ani aw y'a kumakan mɛn ka bɔ o tasuma nin cɛma.

Jula NT of Côte d’Ivoire

³⁶ A k’a kan bɔ sankolo ra ka kuma aw fɛ, janko ka aw karan a ta sira ra. A k’a ta tasumaba lajigi k’a yira aw ra; aw k’a ta kuma mɛn ka bɔ tasuma cɛ ra.

Sariya 4:36 Iomraidhean Croise

Nehemi 9:13

E tun jigira Sinayi kulu kan, k'i to sankolo la i tun kumana u fɛ, ka siraɲuman yira u la, ka tiɲɛ sariya sigi u ye ka tana ni landaw sigi u ye minw ka ɲi.

Bɔri 19:18

Sinayi kulu faan bɛɛ kɛra sisi ye, bari Masaba jigira a kan tasuma kɔnɔ. Sisi nin tun be wilila i n'a fɔ dibi ta. Kulu bɛɛ yɛrɛyɛrɛla kosɔbɛ.

Bɔri 19:19

Buru fiyɛkan tun be boɲana dɔrɔn. Musa tun be kuma, Ala b'a jaabi ni kumakanba ye i n'a fɔ sanpɛrɛn.

Bɔri 19:9

Masaba y'a fɔ Musa ye ko: «Ne bena gwɛrɛ i la sankabafin kɔnɔ, janko jama ka ne kumakan mɛn ne kumatɔ i fɛ, u ka se ka la i la tuma bɛɛ.» O kɔ, Musa ye jama ka kuma lase Masaba ma.

Bɔri 24:16

Masaba nɔɔrɔ tun be Sinayi kulu kan. Sankaba y'a datugu tile wɔɔrɔ kɔnɔ. Tile wolonwulanan loon, Masaba ye Musa wele sankaba kɔnɔ.

Sariya 4:12

O kɔ, Masaba kumana aw fɛ k'a to tasuma cɛma. Aw ye kumakan mɛn, nga aw m'a tigi ye. Aw ye kumakan dɔrɔn le mɛn.

Sariya 4:15

«Loon min na Masaba kumana aw fɛ *Orɛbu kulu kan, k'a to tasuma kɔnɔ, aw ɲaa ma foyi ye. O la, aw k'aw yɛrɛ minɛ kosɔbɛ.

Sariya 4:33

Siya wɛrɛ dɔ be yen, min ye Ala kaan mɛn ka bɔ tasuma cɛma i n'a fɔ aw, n'a tora nii na wa?

Sariya 8:5

Aw k'a lɔn sɛbɛ la ko Masaba aw ka Ala tun b'aw kolo, i n'a fɔ faa b'a deen kolo cogo min na.

Heburuw 12:18

Fɔlɔfɔlɔ mɔgɔw gwɛrɛla Ala ka kulu la cogo min na, mɔgɔ be se ka maga min na, aw ma gwɛrɛ a la ten. Olu ye tasuma ye, ni kabafin, ni dibiba, ni sanfɔɲɔjugu,

Heburuw 12:25

Min be kumana aw fɛ, aw ye jija, aw kana ban a ka kuma na. Bari fɔlɔ mɔgɔw banna Ala ka kuma fɔbaga ma, min tun b'u cɛma dugukolo kan. O la, u ma kisi ɲagwan ma. Min be to arijana na ka kuma an fɛ, n'an banna ale la, an ka ɲagwan tena tɛmɛ fɔlɔ mɔgɔw ta kan wa?