Sariya 4:34 - ALA KA KUMA

³⁴ Masaba aw ka Ala ye koo min bɛɛ kɛ aw ye Ezipiti jamana na, aw y'o ye. Batofɛn wɛrɛ be yen min y'o ɲɔgɔn kɛ wa? Ka siya dɔ ta ka bɔ ni sebagaya ye siya wɛrɛ cɛma ni taamasiɲɛw ani kabakow ye, ani ka kɛlɛ kɛ, ka siranyakow kɛ.

Jula NT of Côte d’Ivoire

³⁴ Yala ala dɔ wurira ka ye ko a bɛ siya dɔ kɛ a yɛrɛ ta ye, ka o siya ta ka bɔ siya dɔ wɛrɛ cɛ ra, i n’a fɔ Matigi Ala, aw ta Ala ka ko minw bɛɛ kɛ aw ye Misiran jamana ra aw yɛrɛ ɲa na wa? A ka tɔɔrɔbaw ben mɔgɔw kan, ka tagamasiyɛnbaw kɛ, ka kabakow kɛ, ka mɔgɔw kɛrɛ, k’a ta sebagaya ni a ta fanga yira, ka siranyakobaw kɛ.

Sariya 4:34 Iomraidhean Croise

Zaburu 136:12

A y'o kɛ n'a ka setigiya ye, a ka ɲumanya te ban abada.

Zaburu 24:8

Jɔn le y'o Nɔɔrɔtigi Masa nin ye? Masaba fangatigi kɛlɛmasa lo! Masaba ye kɛlɛmasa le ye!

Zaburu 78:12

A tun ye kabakow kɛ u faaw ɲana fana, o tun kɛra *Tanisi mara la Ezipiti jamana na.

Bɔri 1:9

A y'a fɔ a ka mɔgɔw ye ko: «A filɛ, Isirayɛlidenw ka ca n'anw ye kojugu, u barika fana ka bon n'an ta ye.

Bɔri 10:21

O kɔ, Masaba y'a fɔ Musa ye ko: «I bolo wili sanfɛ, waasa dibiba ka don Ezipiti jamana faan bɛɛ la.»

Bɔri 10:7

Masacɛ ka mɔgɔbabaw y'a fɔ a ye ko: «Cɛɛ nin bena to k'an tɔɔrɔ fɔɔ tuma jumɛn? A to jama nin ka taga Masaba u ka Ala bato. Yala i m'a lɔn halibi ko Ezipiti cɛnna ka ban wa?»

Bɔri 13:3

Musa y'a fɔ jama ye ko: «Aw bɔra jɔnya la loon min na Ezipiti, aw k'aw hakili to o loon na, saan o saan, ka ɲanagwɛ kɛ o loon na, bari Masaba ye aw bɔ yen ni barika ye. Aw man kan ka buru dumu, fununan be min na.

Bɔri 14:30

Masaba ye Isirayɛlidenw kisi ka bɔ Ezipitikaw bolo o loon na. Isirayɛlidenw ye Ezipitikaw suuw ye kɔgɔjida la.

Bɔri 15:11

Masaba, i ɲɔgɔn be batofɛnw cɛma wa? Fɛɛn jumɛn ka senu i ko ele? Fɛɛn jumɛn ka fari i ko ele? I be se kobakɛ la.

Bɔri 19:4

Ko: ‹Ne ye min kɛ Ezipitikaw la, aw y'o ye, ne y'aw ta i n'a fɔ sɛgɛn be fɛɛn ta cogo min na ka na n'aw ye n fɛ.

Bɔri 3:10

O la, ne b'i ci Ezipiti masacɛ fɛ sisan waasa i ka taga ne ka jama Isirayɛli bɔ Ezipiti.»

Bɔri 6:6

O la, i k'a fɔ Isirayɛlidenw ye ko ne le ye Masaba ye. Ne bena aw bɔ Ezipitikaw ka fanga kɔrɔ, ne bena aw bɔsi ka bɔ u ka jɔnya la. Ne bena u ɲaa gwan kosɔbɛ k'aw kisi ni sebagaya ye.

Bɔri 7:3

Nga ne bena masacɛ dusu gwɛlɛya. Ne bena taamasiɲɛ ni kabako caaman kɛ Ezipiti jamana na,

Ezayi 51:9

Wili! Masaba, wili joona! Wili k'i ka sebagaya yira. Wili i ko fɔlɔfɔlɔ, wili i ko waatijan tɛmɛnin na. Elo lo ma kɔgɔji kɔnɔ fɛnjugu tigɛtigɛ wa? Sogojugu min be kɔgɔji kɔnɔ, elo lo m'o sɔgɔ wa?

Yeremi 21:5

Ne yɛrɛ le bena aw kɛlɛ, n bena n bolo fariman kɔrɔta aw kama ni dimiba ye.

Yeremi 32:21

E y'i ka jama Isirayɛli bɔ Ezipiti jamana la n'i be taamasiɲɛw ni kabakow kɛra, an'i ka setigiya n'i ka fanga ye, minw be siranya bila mɔgɔ la haali.

Jateri 20:16

An kasira Masaba nɔɔ fɛ tuma min na, a y'an kasikan mɛn ka mɛlɛkɛ ci k'an bɔ Ezipiti. Sisan an sera Kadɛsi yan, dugu nin b'i ka mara daan na.

Sariya 1:30

Ko Masaba aw ka Ala min be taga aw ɲafɛ, ale bena kɛlɛ kɛ aw nɔɔ na, i n'a fɔ a y'a kɛ aw ɲana cogo min na Ezipiti,

Sariya 10:21

Ale lo ye aw ka boɲa sababu ye, ale kelen le y'aw ka Ala ye, min ye kabakobabaw ni siranyakow kɛ aw ye, aw yɛrɛ y'u ye.

Sariya 11:2

«Aw kɔni be o koow lɔn, n kaan te aw deenw ma, olu m'u ye, u m'u lɔn. Aw ye Masaba aw ka Ala ka ladili sɔrɔ. Min ye a ka boɲa, n'a ka fangatigiya ani a ka setigiya ye,

Sariya 26:8

O la, a y'an bɔ Ezipiti n'a bolo barikaman ni sebagayaba ye. A y'an bɔ yen n'a ka siranyakobaw, ni taamasiɲɛw ni kabakow ye.

Sariya 29:3

O bɛɛ n'a ta, fɔɔ ka na se bii ma, Masaba ma hakili di aw ma waasa ka koo faamuya, a ma ɲaa di aw ma janko ka yeli kɛ, a ma tulo di aw ma janko ka mɛnni kɛ.

Sariya 33:29

Isirayɛlidenw, aw dagamuna dɛ! Jɔn be i ko aw? Masaba y'aw le kisi. Masaba y'aw tangabaga n'aw dɛmɛbaga ye, murujan lo, min be see di aw ma. Aw juguw bena u yɛrɛ majigi aw kɔrɔ, aw bena u ka yɔrɔbabaw cɛn.»

Sariya 34:12

Isirayɛlidenw bɛɛ ɲakɔrɔ, Musa ye baara kɛ ni sebagaya ye, ka siranyakow kɛ.

Sariya 5:15

Aw kana ɲinɛ ko aw tun ye jɔɔnw ye Ezipiti, ani ko ne Masaba aw ka Ala y'aw bɔ n ka sebagaya barika la. O kosɔn, n y'a ɲini aw fɛ ko aw ka lafiɲɛlon bato.

Sariya 6:21

aw k'u jaabi ko: ‹Anw tun ye Ezipiti masacɛ ka jɔɔnw ye Ezipiti. Nga Masaba y'an bɔ jamana nin kɔnɔ a ka sebagaya barika la.

Sariya 7:19

A ye gwɛlɛya min lase u ma, ani ka taamasiɲɛ ni kabako minw kɛ ni sebagaya ye, tuma min na a tun ye aw bɔ u ka jamana kɔnɔ, aw ɲaa y'o ye. Aw be siran siya minw bɛɛ ɲa, a bena olu fana kɛ ten.

Sariya 9:29

Masaba, i ka jama lo, e ta lo, ele lo bɔra n'u ye i ka fanga n'i ka sebagaya barika la.›

Yosuwe 24:7

Aw faaw kulera ne Masaba ma. N y'a kɛ dibi donna Ezipitikaw n'u cɛ, n y'a kɛ kɔgɔji ye Ezipitikaw dumu. Ne ye min kɛ u la, aw y'o ye. Aw fana tora kongokolon kɔnɔ ka waatijan kɛ yen.

Piy fɔlɔ 5:6

Aw k'aw yɛrɛ majigi Setigi Ala ye waasa n'aw kɔrɔtatuma sera a fɛ, a k'aw kɔrɔta.