Sariya 4:33 - ALA KA KUMA

³³ Siya wɛrɛ dɔ be yen, min ye Ala kaan mɛn ka bɔ tasuma cɛma i n'a fɔ aw, n'a tora nii na wa?

Jula NT of Côte d’Ivoire

³³ Yala siya dɔ bɛ yi min ta mɔgɔw ka Ala yɛrɛ kumakan mɛn ka bɔ tasuma cɛ ma, k’a kɛ i n’a fɔ Ala kumana aw fɛ cogo min na, ni o mɔgɔw ma sa wa?

Sariya 4:33 Iomraidhean Croise

Bɔri 20:22

Masaba y'a fɔ Musa ye ko a k'a fɔ Isirayɛlidenw ye ko: «Aw yɛrɛw y'a ye ko ne kumana aw fɛ ka bɔ sankolo la.

Bɔri 24:11

Nga Ala ma maga Isirayɛlidenw ka ɲamɔgɔ nunu na. U y'a ye. U ye dumuni kɛ ka minni kɛ.

Bɔri 33:20

A y'a fɔ tugu ko: «Nga i te se ka ne ɲada ye, bari adamaden te se ka n ye ka tila ka to nii na.»

Sariya 4:36

K'a to sankolo la, a kumana aw fɛ, janko ka se k'aw ladi, k'a ka tasumaba yira aw la dugukolo kan fana, ani aw y'a kumakan mɛn ka bɔ o tasuma nin cɛma.

Sariya 5:22

«Masaba y'a kaan kɔrɔta ka kuma minw fɔ aw bɛɛ lajɛnnin ye kulu kan k'a to tasuma ni sankaba cɛma, ani dibi kɔnɔ, olu lo. A ma fɛɛn wɛrɛ fara o kan. O kɔ, a y'u sɛbɛn walaka kabakurulaman fila kan k'u di ne ma.

Sariya 5:24

U y'a fɔ ko: ‹Masaba an ka Ala y'a ka nɔɔrɔ n'a ka boɲa yira an na. An y'a kumakan mɛn ka bɔ tasuma cɛma. An y'a ye bii ko Ala be se ka kuma mɔgɔ fɛ k'a tigi ɲanaman to.

Sariya 5:26

Mɔgɔ jumɛn be yen n'a ye Ala kaan mɛn ka bɔ tasuma cɛma i n'a fɔ anw, n'o tigi ɲanaman tora?

Sariya 5:4

Masaba kumana aw fɛ daa ni daa kulu kan tasuma cɛma.

Sariya 9:10

Masaba ye walaka kabakurulaman fila nunu di ne ma, a yɛrɛ bolo tun y'a ka kumaw sɛbɛn u kan, a tun ye minw bɛɛ fɔ aw ye kulu kan tasuma cɛma, aw ka lajɛnlon na.

Kititigɛbagaw 6:22

A y'a ye ko Masaba ka mɛlɛkɛ lo tiɲɛ na tuma min na, a y'a fɔ ko: «Ne ta cɛnna, Matigi, Masaba! Bari ne ɲaa lara Masaba ka mɛlɛkɛ kan.»