Sariya 4:32 - ALA KA KUMA

³² «Waati minw tɛmɛna fɔlɔfɔlɔ, kabini Ala ye adamaden dan dugukolo kan, loon minw tɛmɛna, aw ka miiri olu la. Aw ka sɛgɛsɛgɛli kɛ diɲɛ faan bɛɛ la. Koba min kɛra, o ɲɔgɔn delila ka kɛ wa? Walima nin kuma nin ɲɔgɔn mɛnna ka ye wa?

Jula NT of Côte d’Ivoire

³² Ayiwa, aw ye mɔgɔw ɲininka wagatijan tɛmɛninw ta kow ra, wagati min aw yɛrɛ tun ma woro fɔlɔ; lon min na Ala ka adamaden dan k’a bla dugukolo kan, k’a ta o lon na fɔ ka na se bi ma, aw ye ɲininkari kɛ o kow ra, k’a ta dunuɲa kun dɔ ra ka taga a bla a kun dɔ ra. Yala nin koba ɲɔgɔn kɛra ka ye wa? Yala mɔgɔ ka nin ko ɲɔgɔn mɛn fɔlɔ wa?

Sariya 4:32 Iomraidhean Croise

Damina 1:27

Ala ye mɔgɔ dan a yɛrɛ jaa la, a y'a dan k'a kɛ i n'a fɔ ale yɛrɛ. A ye cɛɛ ni muso dan.

Sam 2nan 7:23

Siya wɛrɛ be yen dugukolo kan tugu min be i n'a fɔ i ka jama Isirayɛli wa? Ele Ala ye minw kunmabɔ, k'u kɛ e yɛrɛ taw ye, janko u tɔgɔ ka se ka bɔ. O la, e ye kabakobabaw kɛ u ka jamana ye. Siya wɛrɛ be yen tugu min be i ka siya nin bɔ wa? I ye min bɔ Ezipiti jamana na, o yɔrɔ siya n'u ka batofɛnw bolo.

Ayuba 8:8

E ka fɔlɔmɔgɔw ɲininga ka ɲa, u bɛmaw sera ka min faamu, i k'i hakili to o la.

Zaburu 44:1

Dɔnkililabagaw kuntigi ka dɔnkili. Kore kɔmɔgɔw ka dɔnkili dɔ.

Bɔri 34:10

O kɔ, Masaba ko: «Ne bena bɛn n'aw ye. Ne bena kabakow kɛ i ka jama bɛɛ ɲana, minw ɲɔgɔn ma deli ka kɛ jamana si kɔnɔ, diɲɛ faan si la. Siya minw bɛɛ be i lamini na, olu bena ne Masaba ka kabako kɛwaliw ye, n bena minw kɛ i barika la.

Ezayi 45:12

Ne le ye dugukolo dan, mɔgɔ minw b'a kan, ne fana le y'olu dan. Ne yɛrɛ bolo le ye sankolo fɛnsɛn, ne le b'a kɔnɔnafɛnw bɛɛ mara.

Yowɛli 1:2

Cɛkɔrɔbaw, aw ye tulo malɔ nin na! Jamana mɔgɔw bɛɛ ka mɛnni kɛ! Koo nin ɲɔgɔn kɛra ka ye aw ka tile la wa? A ɲɔgɔn kɛra ka ye aw faaw ka tile la wa?

Amɔsi 3:2

«Ne be jantora aw le la siyaw bɛɛ cɛma. O kama, aw ye tilenbaliyako minw bɛɛ kɛ, ne bena o juru sara aw la.»

Matiyu 24:31

A ben'a ka mɛlɛkɛw ci ni buru fiyɛta belebele ye. A ye mɔgɔ minw woloma k'u kɛ a taw ye, u bena taga diɲɛ faan bɛɛ la k'olu lajɛn.

Marika 13:27

A ye mɔgɔ minw woloma k'u kɛ a yɛrɛ taw ye, a bena mɛlɛkɛw ci diɲɛ faan bɛɛ la ka taga olu lajɛn, k'a ta dugukolo daan na fɔɔ ka taga bila sankolo daan na.

Sariya 28:64

«Masaba bena aw yɛrɛkɛ siyaw bɛɛ cɛma, k'a ta dugukolo faan dɔ fɛ ka ta'a bila faan wɛrɛ fɛ. O yɔrɔ la, aw bena fɛɛn wɛrɛw bato, joo yirilamanw ani kabakurulamanw, aw ni aw bɛmaw tun te minw lɔn.

Sariya 30:4

Hali n'aw be dugukolo daan na, Masaba aw ka Ala bena taga aw yɔrɔ ɲini k'aw lajɛn,

Sariya 32:7

Aw ye miiri loon tɛmɛninw na, aw ye miiri fɔlɔfɔlɔ mɔgɔw ka koo la. Aw k'aw faaw ɲininga, u bena dɔ fɔ aw ye. Aw ka cɛkɔrɔbaw ɲininga, u ben'a ɲafɔ aw ye.

Sariya 33:29

Isirayɛlidenw, aw dagamuna dɛ! Jɔn be i ko aw? Masaba y'aw le kisi. Masaba y'aw tangabaga n'aw dɛmɛbaga ye, murujan lo, min be see di aw ma. Aw juguw bena u yɛrɛ majigi aw kɔrɔ, aw bena u ka yɔrɔbabaw cɛn.»

Sariya 4:7

Tiɲɛ na, siya jumɛn le be yen min barika ka bon, ni batofɛnw b'u fɛ min yɔrɔ ka surun u la i n'a fɔ Masaba an ka Ala, a be an fɛ tuma bɛɛ, n'an y'a wele k'an dɛmɛ wa?