Sariya 4:31 - ALA KA KUMA

³¹ Tiɲɛ na, Masaba aw ka Ala be makari kosɔbɛ. A tena aw to yen, walima k'aw halaki, a tena ɲinɛ a ka bɛɛn kɔ, a ye min kɛ n'aw bɛmaw ye.

Jula NT of Côte d’Ivoire

³¹ sabu Matigi Ala, aw ta Ala ye Ala le ye, min bɛ hina. A tɛna aw to aw kelen na, a fana tɛna aw halaki. A karira ka jɛnɲɔgɔnya min don ni aw bɛmaw ye, a tɛna ɲina o jɛnɲɔgɔnya kɔ fana.

Sariya 4:31 Iomraidhean Croise

Lok fɔlɔ 28:20

Dawuda y'a fɔ a ka deen Solomani ye ko: «Jija ka baara kɛ ni jagwɛlɛya ye. Kana siran, i jaa kana tigɛ, bari ne ka Ala, Masa Ala be n'i ye. A tena i bila, a tena ban i la, fɔɔ ka taga se Masaba ka soo nin lɔko banni ma.

Lok 2nan 30:9

N'aw kɔsegira Masaba ma, aw balimaw n'aw deenw minɛna ka taga jamana min na, o yɔrɔ mɔgɔw bena makari u la, k'u to u be kɔsegi ka na jamana nin na, bari Masaba aw ka Ala be hinɛ, a be makari. N'aw kɔsegir'a ma, a ten'a kɔɔ di aw ma.»

Nehemi 1:5

«Masa Ala, e min ye Sankolotigi ye, e ka bon, mɔgɔ ka kan ka siran e ɲa, i koo ka di mɔgɔ minw ye n'u b'i ka sariya bato, i be koɲuman kɛ olu ye k'i ka layidu dafa.

Nehemi 9:31

O bɛɛ n'a ta, i ma u halaki, i fana ma u bila fewu, i ka makari kosɔn, bari e Ala, i ka ɲi, i ye makaritigi ye.

Zaburu 103:8

Masaba be makari, a be hinɛ fana. A te dimi joona, a ka ɲumanya ka ca fana.

Zaburu 105:8

A hakili b'a ka layidu la tuma bɛɛ, a ye kuma min fɔ waati caaman nata mɔgɔw kosɔn,

Zaburu 111:4

A b'a fɛ a ka kabakokow ka to mɔgɔ hakili la. Masaba be makari, a be hinɛ!

Zaburu 111:5

A be dumuni di a ɲasiranbagaw ma. A hakili b'a ka bɛɛn la tuma bɛɛ.

Zaburu 111:9

A y'a ka jama bɔsi ka bɛɛn kɛ n'u ye, bɛɛn min te ban. A tɔgɔ ka senu, siranya Ala lo.

Zaburu 116:5

Masaba ka ɲi, kantigi lo. An ka Ala be makari.

Zaburu 86:15

Nga Matigi, e kɔni ye Ala ye, i be makari, i be hinɛ. E te dimi joona, e ka ɲumanya ka bon, e ye kantigi ye fana.

Zaburu 86:5

Matigi, e ka ɲi, e be yafa. E be ɲumanya kɛ i daalibagaw ye kosɔbɛ.

Bɔri 6:8

Ne ye layidu ta ko ne bena jamana min di Ibrayima ni Isiyaka ani Yakuba ma, ne bena taga n'aw ye o jamana nin kɔnɔ k'a di aw ma a ka kɛ aw ta ye. Ne ye Masaba le ye.»

Yeremi 14:21

Kana an fili i bolo kɔ, i tɔgɔ kosɔn, kan'a to i ka masasigiyɔrɔ be mafiɲɛ ya. I hakili to an ka bɛɛn la, i kan'a cɛn.

Yeremi 30:11

Bari ne be n'aw ye waasa k'aw kisi. Ne Masaba le ko ten. Ne tun y'aw jɛnsɛn ka taga siya minw bɛɛ cɛma, ne bena olu bɛɛ halaki pewu, nga n tena aw halaki pewu. N bena aw ɲaa gwan ni tilenninya ye. N te se k'aw to gwansan.»

Sarakalasebagaw 26:42

Ne bena n hakili jigi n ka layidu tanin na u bɛmaw ye, Yakuba ni Isiyaka ani Ibrayima ye, ka n hakili to jamana nin na.

Sarakalasebagaw 26:44

O bɛɛ n'a ta, hali k'u to u juguw ka jamana na, ne tena ban u la, ani k'u koo goya n yɛrɛ ye k'u halaki pewu, ka n ka layidu cɛn. Ne le ye Masaba u ka Ala ye.

Sarakalasebagaw 26:45

Ne bena n hakili to n ka layidu tanin na ka hɛrɛ kɛ u ye, ne ye layidu min ta u bɛmaw ye, ne ye minw bɔ Ezipiti jamana na siya wɛrɛw ɲana, janko ne ka kɛ u ka Ala ye. Ne le ye Masaba ye.»

Yunusu 4:2

A ye Masaba daali ko: «Unhun! Masaba, ne tun t'o le fɔra ka n to n ka jamana na wa? O le y'a to ne tun be banbana ka boli ka taga Tarisisi. Bari ne y'a lɔn ko e Ala ye makaritigi ye, ni hinɛbaga ye. I te dimi joona, e ka ɲi kosɔbɛ, i be sɔn k'i ka ŋaniya tanin to yen.

Mise 7:18

Ala, i ɲɔgɔn te batofɛnw cɛma, ele min be hakɛ yafa, ni min filila, e b'o ye k'a to yen. I ka mɔgɔw tɔɔ min tora, olu kanu kama, olu minw ye i ta ye, i diminin tena to u kɔrɔ tuma bɛɛ, nga ka makari u la, o ka d'i ye.

Jateri 14:18

‹Masaba te dimi joona, a ka makari ka bon. A be mɔgɔw ka tilenbaliya n'u ka murutili yafa, nga a te kojugukɛla to yen. A be faaw ka tilenbaliya juru sara u deenw na fɔɔ ka se u mamadenw n'u tulomasamaw ma.›

Luka 1:72

O cogo la, a makarila an faaw la, a y'a hakili to a ka layidu la.

Sariya 31:6

Aw ka barika don aw yɛrɛ la, k'aw jaa gwɛlɛya, aw kana siran ka yɛrɛyɛrɛ u ɲɛ bari, Masaba aw ka Ala bena taama n'aw ye, a tena aw to yen, a tena faran ka bɔ aw la.»

Sariya 31:8

Masaba le bena bila i ɲafɛ, a bena to n'i ye tuma bɛɛ, a tena i to yen, a tena faran ka bɔ i la. I kana siran, i jaa kana tigɛ.»

Heburuw 13:5

Wari ɲiniko kana fiɲɛ don aw si tagamacogo la. Min b'aw bolo, o k'aw wasa. Bari Matigi yɛrɛ le ko: «Ne tena i to i kelen, n tena i bila abada.»

Yosuwe 1:5

Ka i to sii la, mɔgɔ si tena se ka lɔ i ɲafɛ. Ne bena to i fɛ i n'a fɔ ne tora Musa fɛ cogo min na, ne tena i bila abada, ne fana tena i to i kelen na fewu.