Sariya 4:30 - ALA KA KUMA

³⁰ N'aw nana to dusukasi la, ni o koo nunu bɛɛ sera aw ma tuma min na, waati nataw la, aw bena kɔsegi ka na Masaba aw ka Ala ma ka mɛnni kɛ a fɛ.

Jula NT of Côte d’Ivoire

³⁰ Ka aw to o ɲani na, ka nin tɔɔrɔw bɛɛ to aw kan, aw bɛna sekɔ o bɛɛ kɔ fɛ ka na Matigi Ala, aw ta Ala ma, ka na a ta kuma lamɛn;

Sariya 4:30 Iomraidhean Croise

Damina 49:1

Yakuba ye cii sama a dencɛw ma k'u ka na. U nana tuma min na, a ko u ka lajɛn a kɔrɔ. Koo min bena kɛ u la sini, ale b'o fɔ u ye.

Nehemi 1:9

Nga n'aw kɔsegira ka nimisa, ani ka ne ka sariyaw bato, hali n'aw tun jɛnsɛnna ka taga yɔrɔ o yɔrɔ diɲɛ na, ne bena aw minɛ ka bɔ o yɔrɔ la, ka na aw lajɛn yan, ne ye yɔrɔ min woloma k'a kɛ n sigiyɔrɔ ye.›

Zaburu 107:13

K'u to u ka dusukasi la, u kasira Masaba nɔɔ fɛ, ale y'u kisi ka bɔ u ka sɛgɛn na.

Zaburu 107:6

K'u to u ka dusukasi la, u kasira Masaba nɔɔ fɛ, ale y'u kisi ka bɔ u ka sɛgɛn na.

Zaburu 18:6

Kaburu dibi tun ye ne lamini ka ban. Ne tun donna saya ka jɔɔ kɔnɔ ka ban.

Zaburu 59:16

U be yaalayaala yɔrɔ bɛɛ n'u be dumuni ɲinina. N'u ma fa, u be kule.

Bɔri 18:8

Masaba ye min kɛ Ezipiti masacɛ ni Ezipitikaw la ka Isirayɛlidenw dɛmɛ, Isirayɛlidenw ye gwɛlɛya minw bɛɛ sɔrɔ sira la, ani Masaba y'u kisi cogo min na, Musa y'o bɛɛ lakali a birancɛ ye.

Ezayi 1:19

N'aw sɔnna ka mɛnni kɛ ne fɛ, aw bena jamana nin tɔnɔ dumu.

Yeremi 23:20

Masaba ka dimi nin tena ban n'a m'a sago kɛ k'a dafa. Loon dɔ, aw ben'a faamu ka gwɛ.

Yeremi 4:1

«Isirayɛlidenw, n'aw kɔsegira ne ma, ne Masaba le ko ten, n'aw y'aw ka joow fili ka bɔ ne ɲakɔrɔ, n'aw te yaalayaala aw kunfɛ tugu,

Yeremi 4:2

n'aw kalila ne Masaba tɔgɔ la, hɔrɔnya, ni tilenninya la, ne Masaba bena siyaw ta ɲa, u bena kunkɔrɔta sɔrɔ ne kosɔn.»

Yeremi 7:23

Nga ne ye min ɲini u fɛ, o ye nin ye: N ko: ‹Aw ka mɛnni kɛ ne fɛ, o la, ne bena kɛ aw ka Ala ye, aw bena kɛ ne ka mɔgɔw ye. Ne ye sira min don aw seen kɔrɔ, aw k'o taama ka ɲa, aw bena hɛrɛ sɔrɔ.›

Kasikan 3:40

An ka filɛli kɛ an taamacogow la kosɔbɛ, an ka kɔsegi Masaba ma.

Daniyɛli 10:14

Ayiwa, e ka siya ka koo bena kɛ cogo min na loon nataw la, ne nana yan waasa k'o yira i la e k'a faamu, bari koo yirata kelen be yen o loonw kama.»

Oze ta kitabu 3:5

O kɔ, Isirayɛlidenw bena segi ka Masaba u ka Ala yɔrɔ yaala, n'u ka masacɛ Dawuda. U yɛrɛyɛrɛtɔ bena kɔsegi Masaba ma, ka hɛrɛ ɲini a fɛ labanlon na.

Jakariya 6:15

Mɔgɔ minw be fɔɔ yɔrɔjan, olu bena na baara kɛ Masaba batoso lɔko la tugu. O la, aw ben'a lɔn ko Masaba, Setigi ye ne ci aw fɛ. O bena kɛ, n'aw sɔnna ka Masaba aw ka Ala ka fɔta kɛ sɔbɛ la.

Jateri 24:20

Balamu ye amalɛkiw ye tugu ka sɔrɔ k'a ka kirayakuma fɔ ko: «Amalɛkiw tun be siya tɔw bɛɛ ɲafɛ, nga a laban na, u bena halaki.»

Kɛwalew 26:20

Ne y'a daminɛ ka Damasikaw waaju fɔlɔ, ani Zeruzalɛmukaw, ka Zude mara bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwaliɲumanw kɛ minw b'a yira k'u nimisara ka faran u ka kojugu la.

Kɛwalew 3:19

O tuma na, aw ye nimisa ka faran aw ka hakɛw la ka segi Ala ma, janko a k'aw ka hakɛw yafa.

Sariya 30:10

ni aw sɔnna ka kɔsegi a ma n'aw dusu, n'aw yɛrɛ bɛɛ ye, k'a sago kɛ k'a ka kumaw n'a ka fɔtaw bato, minw bɛɛ koo fɔra sariyasɛbɛ nin kɔnɔ.

Sariya 30:2

Aw, n'aw deenw bena segi ka sɔn Masaba ma ani k'a sago kɛ n'aw dusu n'aw see bɛɛ ye, ka kɛɲɛ ni ne ka kuma bɛɛ ye, ne be min fɔra aw ye bii.

Sariya 31:17

O loon na, ne bena dimi u kɔrɔ k'u to yen. N bena n yɛrɛ dogo u la, u bena halaki. Kojugu ni tɔɔrɔ caaman bena u sɔrɔ. U ben'a faamuya ko kojugu nunu sera u ma, bari ne t'u cɛma tugu.

Sariya 31:21

Ni kojugu ni tɔɔrɔ caaman sera u ma tuma min na, u kɔmɔgɔw tena ɲinɛ nin dɔnkili nin kɔ, o bena kɛ seereya ye u kama. Ne b'u ka miiriyaw lɔn ka ban, yanni ne ka don n'u ye jamana nin kɔnɔ, ne ye min layidu ta.»

Sariya 31:29

Bari ne b'a lɔn ko ne sanin kɔ, aw bena kɛ mɔgɔjuguw yɛrɛ yɛrɛ ye. Ne ye sira min yira aw la, aw bena aw yɔrɔ jaɲa o la. Kojugu bena aw sɔrɔ waati nata la bari aw bena kojugu kɛ Masaba aw ka Ala ɲakɔrɔ, k'a dusu dimi n'aw ka kɛwaliw ye.»

Heburuw 1:2

Nga a kumana an fɛ laban waati nin na a Dencɛ barika la, a ye min kɛ fɛɛn bɛɛ kuntigi ye, ani a ye diɲɛ dan min barika la.

Heburuw 5:9

O le y'a to a ka koo bɛɛ dafara ten tuma min na, mɔgɔ minw bɛɛ be mɛnni kɛ a fɛ, a kɛra olu bɛɛ kisibaga ye tuma bɛɛ.