Sariya 4:28 - ALA KA KUMA

²⁸ O yɔrɔ la, aw bena joow sɔn, mɔgɔ bolo ye minw dilan, yirilamanw, walima kabakurulamanw, minw te yeli kɛ, u te mɛnni kɛ, u te dumuni kɛ, u te kasa mɛn.

Jula NT of Côte d’Ivoire

²⁸ Ka aw to o yɔrɔ ra, aw bɛna batofɛn dɔw bato, mɔgɔw yɛrɛ boro ka batofɛn minw lalaga; batofɛn yiriramanw, ani a kabakururamanw, o batofɛn minw tɛ yeri kɛ, o tɛ mɛnni kɛ, o tɛ domuni kɛ, o tɛ kasa mɛn.

Sariya 4:28 Iomraidhean Croise

Mas 2nan 17:40

Nga u ma sɔn ka mɛnni kɛ, u tora k'u ka kokɔrɔw kɛ.

Ezayi 26:14

Olu kɔni sara, u tena kunun tugu. Banbagatɔ nunu tena wili tugu. Bari, e y'u ɲaa gwan k'u halaki k'u ka koo bɔ mɔgɔw kuun na pewu.

Ezayi 44:11

O sɔnbagaw bɛɛ bena maloya, o lɛsɛbagaw ye adamadenw dama le ye. U bɛɛ ka lajɛn ka na. U bena siran, u bena maloya ɲɔgɔn fɛ.

Ezayi 44:12

Numucɛ be nigɛ ta. A b'a don tasuma la k'a baara, a b'a bugɔ ni marito ye. A b'a ka fanga kɛ k'a dilan. O kɔ, kɔngɔ b'a minɛ, a barika be ban. N'a ma jii min, a be dɛsɛ.

Ezayi 44:9

Minw be joow dilan, olu bɛɛ ye fuu le ye. Fɛɛn minw koo ka gwɛlɛ u ma, olu te foyi ɲa. U sɔnbagaw ye fiɲɛntɔw le ye, u te foyi lɔn. Maloya bena k'u ta ye.

Ezayi 45:20

«Siya wɛrɛw min tora, aw ka ɲɔgɔn lajɛn ka na, aw ka gwɛrɛ ɲɔgɔn fɛ. Minw b'u ka joo lɔgɔlamanw kɔrɔta, olu te foyi lɔn. Batofɛn min te se ka mɔgɔ kisi, u be daalili kɛ o le fɛ.

Ezayi 46:7

U b'a ɲun u gaman kan ka taga n'a ye, u b'a bila a bilayɔrɔ la. A bena to o yɔrɔ la, a te bɔ yen fewu! U b'a daali, nga a te jaabili kɛ, gwɛlɛya tuma na, a te mɔgɔ kisi.

Yeremi 10:3

Bari siya wɛrɛw ka landaw ye fɛɛn fufafuw le ye. O be yiri tigɛ tuu kɔnɔ, lɛsɛnikɛla b'o lɛsɛ ni sɛmɛ ye.

Yeremi 10:5

O joo nunu be i ko lɔgɔkuru, u te se ka kuma. Fɔɔ mɔgɔ k'u ta le, bari u te se ka taama. Aw kana siran u ɲa, u te se ka kojugu si kɛ aw la, u te se k'aw mako ɲa fana.»

Yeremi 10:9

U be bɔ ni warigwɛ pɛnpɛrɛninw ye Tarisisi, ka bɔ ni sanu ye Ufazi. Nigɛbaarakɛla b'o baara, numu b'o lalaga, a b'o masiri ni jese bulalaman, ani jesewulen ye. O bɛɛ ye baaralɔnbaga bulonɔ ye.

Yeremi 16:13

O la, ne bena aw gwɛn ka bɔ jamana nin kɔnɔ k'aw bila ka taga yɔrɔ la aw te min lɔn, aw faaw ma min lɔn fana. Aw bena batofɛn wɛrɛw sɔn o yɔrɔ la suu ni tile. Bari ne tena makari aw la tugu.»

Ezekiyɛli 20:32

«Aw ko aw b'a fɛ ka kɛ i n'a fɔ siya tɔw, i n'a fɔ jamana wɛrɛ mɔgɔw, ka yiriw ni kabakuruw sɔn. O tena kɛ dɛ!

Ezekiyɛli 20:39

«Aw kɔni, Isirayɛlidenw, ne Matigi, Masaba b'a fɔ aw ye ko: Aw ye taga aw ka joow sɔn, aw kelen kelen bɛɛ! Nga o kɔ, wajibi lo aw bena mɛnni kɛ ne fɛ, aw tena ne tɔgɔ senuman cɛn aw ka boɲafɛnw n'aw ka joow barika la tugu.

Kɛwalew 19:26

Nga Pɔli tɔgɔla nin be min fɔra, ani a be min kɛra, aw b'o mɛnna, aw b'o yera fana. A ko adamadenw be fɛɛn minw lalaga n'u bolo ye, k'olu te batofɛn ɲanamanw ye. A jijara fɔɔ ka mɔgɔ caaman kuun yɛlɛma n'o ye. Efɛzi kɔnɔ yan dɔrɔn tɛ! Nga a be ɲini ka Azi mara bɛɛ sɔrɔ!

Kɛwalew 7:42

O la, Ala y'a kɔɔ sin u ma, u tora lolow batoli la, i n'a fɔ a sɛbɛnnin be kiraw ka kitabu kɔnɔ cogo min na ko: ‹Isirayɛlidenw, aw ye begɛnw faga ka saraka bɔ ne ye saan bi naani kongokolon kɔnɔ wa?

Sariya 28:36

«Masaba bena aw gwɛn ka taga jamana wɛrɛ la, aw n'aw bɛmaw ma min lɔn, aw n'aw ka masacɛ, aw ye min sigi aw kunna. O yɔrɔ la, aw bena joo yirilamanw, ni kabakurulamanw sɔn.

Sariya 28:64

«Masaba bena aw yɛrɛkɛ siyaw bɛɛ cɛma, k'a ta dugukolo faan dɔ fɛ ka ta'a bila faan wɛrɛ fɛ. O yɔrɔ la, aw bena fɛɛn wɛrɛw bato, joo yirilamanw ani kabakurulamanw, aw ni aw bɛmaw tun te minw lɔn.

Sariya 29:17

Cɛɛ, walima muso kana sɔrɔ aw cɛma, aw ka fadenyabolo mɔgɔ dɔ, walima buruju wɛrɛ la, min dusu bena yɛlɛma bii ka bɔ Masaba an ka Ala kan, ka taga siya nunu ka joow sɔn. Mɔgɔ si kana kɛ bagasun ye aw cɛma.

Yirari 9:20

Mɔgɔ minw tora n'u ma sɔrɔ ka sa balawu nin na, sanni u ka nimisa k'u ka kɛwalijuguw dabila, u tora ka jinaw bato, ka joow sɔn. O joow tun ye sanu ye, dɔw warigwɛ, dɔw zira, dɔw kabakuru, dɔw lɔgɔkuru, k'a sɔrɔ o batofɛn nunu te yeli kɛ, u te mɛnni kɛ, u te se ka taama.

Sam fɔlɔ 26:19

N matigi, masacɛ, mɛnni kɛ i ka baarakɛla darakan na sisan. N'a kɛra ko Masaba le y'a to i wilila ne kama, ne b'a daali ko a ka sɔn n ka boɲafɛn na. Nga ni adamadenw le y'o kɛ, olu danganin lo Masaba ɲakɔrɔ, bari u ye ne gwɛn ka bɔ jamana na, Masaba ye min di a ka jama ma. A kɛra i n'a fɔ u tun y'a fɔ ne ye ko ne ka taga joow sɔn.