Sariya 4:26 - ALA KA KUMA

²⁶ ne be sankolo ni dugukolo kɛ n seerew ye bii aw kama, aw bena Zurudɛn baji tigɛ ka jamana min minɛ k'a kɛ aw ta ye, aw bena sa ka tunu joona joona ka bɔ o kɔnɔ. Aw tena sijan sɔrɔ, aw bena halaki pewu ka bɔ o yɔrɔ la.

Jula NT of Côte d’Ivoire

²⁶ o tuma, ne bɛ sankolo ni dugukolo kɛ ne seere ye bi aw kama, ko aw bɛna taga o jamana min mina Zuridɛn ba kɔ fɛ, ko aw bɛna halaki joona ka bɔ o jamana ra; aw tɛna sijan sɔrɔ yi, sabu aw bɛna halaki ka ban le pewu.

Sariya 4:26 Iomraidhean Croise

Damina 19:13

An bena dugu nin halaki, bari yankaw ka kojugu mankan boɲana kosɔbɛ Masaba ɲakɔrɔ fɔɔ a y'an ci ka n'a halaki.»

Mas fɔlɔ 9:7

ne bena Isirayɛlidenw gwɛn ka bɔ jamana nin kɔnɔ, ne tun ye min d'u ma. Ne ye soo min kɛ n yɛrɛ ta ye, ne bena ban o la fana. O la, siyaw bɛɛ bena Isirayɛlidenw ka koo kɛ siirin ye, ka yɛlɛ u ma.

Ezayi 1:2

Sankolo, i ka mɛnni kɛ! Dugukolo, e k'i tulo malɔ! Bari, Masaba be kumana. A ko: «Ne ye deenw kolo. Ne y'u lamɔ. Nga u murutira ne ma.

Ezayi 6:11

Ne y'a fɔ ko: «Fɔɔ waati jumɛn sa, Matigi?» A ye ne jaabi ko: «Fɔɔ ni duguw cira, mɔgɔ kana sɔrɔ u kɔnɔ, mɔgɔ kana sɔrɔ boonw kɔnɔ, dugukolo ka cɛn ka kɛ dusukasiyɔrɔ ye.»

Yeremi 16:13

O la, ne bena aw gwɛn ka bɔ jamana nin kɔnɔ k'aw bila ka taga yɔrɔ la aw te min lɔn, aw faaw ma min lɔn fana. Aw bena batofɛn wɛrɛw sɔn o yɔrɔ la suu ni tile. Bari ne tena makari aw la tugu.»

Yeremi 2:12

O le kosɔn, sankolokɔnɔfɛnw ka kabakoya, ani ka muruku siranya bolo. Ne Masaba le ko ten.

Yeremi 22:29

Jamanadenw, aw ka Masaba ka kuma lamɛn!

Yeremi 32:24

«Yɛlɛyɔrɔ dɔw lalagara janko ka dugu minɛ. Murujan, ni kɔngɔ, ani fɔɲɔbana sababu la, dugu nin bena di Babilɔnikaw ma minw b'a kɛlɛla. I ye min fɔ, o le kɛra, i ɲaa b'a la.

Yeremi 44:22

Aw ka kɛwalijuguw n'aw ka kokolonw kosɔn, Masaba ma se ka muɲu tugu. O kama le aw ka jamana kɛra dangafɛn, ni tomo ye, dusukasiyɔrɔ. A kɛra yɔrɔlakolon ye, mɔgɔ te yen, i n'a fɔ a be cogo min na bii.

Yeremi 6:19

Diɲɛ mɔgɔw bɛɛ k'a mɛn: Ne bena bɔnɛ lase siya nin ma u ka miirijuguw kosɔn. Bari u ma sɔn ka mɛnni kɛ ne ka kuma la, u banna ne ka sariya la.

Ezekiyɛli 33:28

Ne bena jamana kɛ yɔrɔlakolon ye. U tun b'u yɛrɛ boɲa u ka barika min kosɔn, o bena ban. Isirayɛli kuluw bena kɛ yɔrɔlakolon ye fɔɔ mɔgɔ si tena tɛmɛ yen tugu.

Ezekiyɛli 36:4

O kosɔn, Isirayɛli kuluw, aw k'aw tulo malɔ ne Matigi, Masaba ka kuma na. Ne b'a fɔ aw ye ko aw ni tintinw, ni jisiraw ni kɔkɛnɛw, ni yɔrɔ minw cɛnna, ani dugu lakolonw, siya wɛrɛ minw bɛɛ b'aw laminina ye o minw kɔnɔfɛnw cɛ k'u lɔgɔbɔ.

Sarakalasebagaw 18:28

Aw kana o kɛ, waasa ne kana aw gwɛn jamana nin na aw ka konɔgɔninw kosɔn, i n'a fɔ ne ye siya nunu gwɛn cogo min na, minw tun be aw ɲa yɔrɔ nin na.

Mise 1:2

Siya bɛɛ k'a tulo malɔ! Dugukolo ni fɛɛn o fɛɛn b'a kan, u bɛɛ ka mɛnni kɛ ka ɲa! Matigi, Masaba bena aw jalaki k'a to a ka sigiyɔrɔ la,

Mise 6:2

Kuluw ka tulo malɔ Masaba ka jalakili la, dugukolo juu sigiyɔrɔ barikamanw ka tulo malɔ. Bari Masaba bena kiti daminɛ n'a ka mɔgɔw ye, a bena Isirayɛlidenw jalaki.

Luka 21:24

U bena dɔw faga ni murujanjan ye, ka dɔw minɛ ka taga u kɛ jɔɔnw ye siya wɛrɛw cɛma. Siya minw te siran Ala ɲa, olu bena Zeruzalɛmu halaki pewu fɔɔ sarati min tun dira u ma, o ka dafa.

Sariya 11:17

Bari o ben'a kɛ Masaba be dimi aw kɔrɔ, ani ka sanji minɛ, sanji tena ben tugu, suman tena ɲa dugukolo kan tugu, aw bena halaki ka bɔ jamanaɲuman nin kɔnɔ pɛwu, Masaba be min dira aw ma.

Sariya 28:20

«Aw bena koo o koo daminɛ, Masaba bena danga ni hakiliɲagami ni kɔrɔfɔli lase aw ma, fɔɔ aw ka halaki, ka tunu teliya la, bari aw bann'a la, o do ye kojugu ye.

Sariya 28:22

Masaba bena aw sɛgɛn ni sɔgɔsɔgɔgwɛ ni farigwan ani jolijugu ye. A bena fɔɲɔ gwanninman wili ka jaa don aw ka yɔrɔ la, sumanw bena ja, walima u bena toli. O koow bɛɛ bena aw sɔrɔ fɔɔ aw ka tunu.

Sariya 28:45

«N'aw ma Masaba aw ka Ala sago kɛ, n'aw m'a ka fɔtaw n'a ka sariyaw mara a ye minw fɔ aw ye, o danga nunu bɛɛ bena se aw ma, u bena tugu aw kɔ, fɔɔ k'aw sɔrɔ ani k'aw halaki.

Sariya 28:61

Hali bana ni jolijugu minw bɛɛ koo ma fɔ sariyasɛbɛ nin kɔnɔ, Masaba bena olu bila aw la fɔɔ aw bɛɛ ka halaki.

Sariya 29:28

«Koo minw dogonin lo, Masaba an ka Ala kelen b'olu lɔn, nga koo minw yirala, olu ye anw, n'anw kɔmɔgɔw le ta ye tuma bɛɛ, janko an ka se ka Ala ka sariya nin kuma bɛɛ mara.

Sariya 31:28

Aw k'aw ka burujuw mɔgɔkɔrɔbaw bɛɛ lajɛn ne ɲakɔrɔ, n'aw ka ɲamɔgɔw bɛɛ, ne bena kuma nunu fɔ u ɲana, ka sankolo ni dugukolo kɛ n seerew ye u kama.

Sariya 32:1

Sankolo, mɛnni kɛ, ne bena kuma. Dugukolo, i tulo malɔ ne dalakuma na.

Sariya 7:4

N'o tɛ, u ben'a kɛ aw kɔmɔgɔw be ban Ala ma, ka fɛɛn wɛrɛw bato. N'o kɛra, Masaba bena dimi aw kɔrɔ kosɔbɛ, k'aw bɛɛ faga yɔrɔnin kelen.

Sariya 8:19

«N b'a fɔ aw ye bii k'a gwɛlɛya ko n'aw ɲinɛna Masaba aw ka Ala kɔ, k'aw jigi la batofɛn wɛrɛw kan ka to k'u bato ani k'aw kunbiri gwan u kɔrɔ, aw bena halaki pewu.

Sariya 8:20

Tiɲɛ na, n'aw ma Masaba aw ka Ala ka kuma bato, aw bena halaki i n'a fɔ Masaba ye siya minw halaki aw ɲafɛ.

Yosuwe 23:16

Bɛɛn min be aw ni Masaba aw ka Ala cɛ, a ko aw ka min bato, n'aw y'o cɛn, n'aw tagara joow sɔn k'aw kunbiri gwan u kɔrɔ, Masaba bena dimi aw kɔrɔ, o la, aw bena halaki ka bɔ jamanaɲuman nin kɔnɔ joona.»

Yosuwe 24:20

Tuma min na n'aw ye Masaba to yen ka taga siya wɛrɛw ka joow sɔn, a bena yɛlɛma ka kojugu kɛ aw la, a ka koɲuman kɛnin kɔfɛ. A bena tila k'aw halaki.»