Sariya 4:25 - ALA KA KUMA

²⁵ «N'aw sigira ka mɛn jamana nin kɔnɔ, ka deenw sɔrɔ ani mamadenw, n'aw y'aw yɛrɛ nigɛ, ka joo dilan fɛɛn o fɛɛn jaa la, ka kojugu kɛ Masaba aw ka Ala ɲakɔrɔ, k'a kɛ a be dimi,

Jula NT of Côte d’Ivoire

²⁵ Ni aw nana denw sɔrɔ, ka mamadenw fana sɔrɔ, ni aw nana sigi ka mɛɛn jamana kɔnɔ, ni aw ka aw yɛrɛ lanɔgɔ, ka fɛn dɔ ja lɛsɛ, ka fɛn dɔ bisigiya lalaga ka o bato, ka kojugu kɛ Matigi Ala, aw ta Ala ɲa kɔrɔ, k’a jusu bɔ,

Sariya 4:25 Iomraidhean Croise

Mas 2nan 21:2

Manase ye kojugu kɛ Masaba ɲakɔrɔ. Masaba tun ye siya minw gwɛn ka bɔ Isirayɛlidenw ɲa, a ye olu ka landajuguw le ɲɔgɔn kɛ.

Zaburu 78:58

U y'a dusu dimi n'u ka sɔnnikɛyɔrɔw ye. U ka joow sababu la, keliya donn'a la.

Bɔri 20:4

«Aw kana joo si dilan aw yɛrɛ ye, k'a kɛ i n'a fɔ sanfɛ fɛɛn dɔ jaa, walima dugukolo kan fɛɛn, walima jikɔnɔfɛn.

Bɔri 32:7

O la, Masaba y'a fɔ Musa ye ko: «Jigi ka taga, bari i bɔra n'i ka jama min ye Ezipiti, u ye kojuguba dɔ kɛ.

Ezekiyɛli 8:10

O la, ne donna ka filɛli kɛ. Ne ye fɛɛn fofotaw, ni sogokolon sifaw bɛɛ jaaw ye kogow kan faan bɛɛ la, ani Isirayɛlidenw ka joow bɛɛ jaaw.

Oze ta kitabu 9:17

Ne ka Ala bena u bila bari u ma mɛnni kɛ a fɛ. U bena munumunu siya wɛrɛw cɛma.

Oze ta kitabu 9:9

U kɔgɔra juguya la i ko Gibeyakaw. Ala tena ɲinɛ u ka juguya kɔ, a bena u ka hakɛw juru sara u la.

Kor fɔlɔ 10:22

Walima an b'a fɛ ka keliya don Matigi la wa? See b'an ye ka tɛmɛ ale kan wa?

Sariya 16:22

Aw kana jokabakurulama lɔ fana, bari u koo man di Masaba aw ka Ala ye.

Sariya 27:15

‹Mɔgɔ min be yiri lɛsɛ, walima kabakuru, walima ka nigɛ yeelen k'a kɛ joo ye, k'a sɔn dogo la, o tigi danganin lo. Fɛɛn minw dilanna ni mɔgɔ bolo ye, o man di Masaba ye fewu.› Jama bɛɛ ben'a laminɛ ko: ‹Amiina!›

Sariya 28:45

«N'aw ma Masaba aw ka Ala sago kɛ, n'aw m'a ka fɔtaw n'a ka sariyaw mara a ye minw fɔ aw ye, o danga nunu bɛɛ bena se aw ma, u bena tugu aw kɔ, fɔɔ k'aw sɔrɔ ani k'aw halaki.

Sariya 28:61

Hali bana ni jolijugu minw bɛɛ koo ma fɔ sariyasɛbɛ nin kɔnɔ, Masaba bena olu bila aw la fɔɔ aw bɛɛ ka halaki.

Sariya 30:18

ne b'aw lasɔmi bii, ko aw bena tunu pewu. Aw tena sigi ka mɛn o jamana nin kɔnɔ aw be ɲini ka Zurudɛn baji tigɛ ka don min kɔnɔ, k'a kɛ aw ta ye.

Sariya 30:19

«Ɔnhɔn, ne b'a fɔ aw ye bii, sankolo ni dugukolo ye ne seerew ye aw kama. Ne ye sii sɔrɔcogo, ni sayako fɔ aw ye, ni dubaw ani danga sɔrɔcogo. Aw ka sii sɔrɔko kɛ waasa aw ka se ka to nii na, aw n'aw kɔmɔgɔw,

Sariya 31:29

Bari ne b'a lɔn ko ne sanin kɔ, aw bena kɛ mɔgɔjuguw yɛrɛ yɛrɛ ye. Ne ye sira min yira aw la, aw bena aw yɔrɔ jaɲa o la. Kojugu bena aw sɔrɔ waati nata la bari aw bena kojugu kɛ Masaba aw ka Ala ɲakɔrɔ, k'a dusu dimi n'aw ka kɛwaliw ye.»

Sariya 32:5

U kɛra janfaciw ye a faan fɛ. Maloya ka kɛ u ta ye! U t'a deenw ye tugu. Mɔgɔjuguw lo, u tilennin tɛ.

Sariya 4:16

Aw kana kojugu kɛ, ka jaa lɛsɛ k'o kɛ joo ye k'a kɛ i n'a fɔ muso, walima cɛɛ jaa,

Sariya 4:23

Aw k'aw yɛrɛ minɛ kosɔbɛ, Masaba aw ka Ala ye bɛɛn min kɛ n'aw ye, aw kana ɲinɛ o kɔ. Aw kana joo dilan fɛɛn si jaa la, Masaba y'aw bali min na.

Yosuwe 23:16

Bɛɛn min be aw ni Masaba aw ka Ala cɛ, a ko aw ka min bato, n'aw y'o cɛn, n'aw tagara joow sɔn k'aw kunbiri gwan u kɔrɔ, Masaba bena dimi aw kɔrɔ, o la, aw bena halaki ka bɔ jamanaɲuman nin kɔnɔ joona.»

Yosuwe 24:20

Tuma min na n'aw ye Masaba to yen ka taga siya wɛrɛw ka joow sɔn, a bena yɛlɛma ka kojugu kɛ aw la, a ka koɲuman kɛnin kɔfɛ. A bena tila k'aw halaki.»