Sariya 4:23 - ALA KA KUMA

²³ Aw k'aw yɛrɛ minɛ kosɔbɛ, Masaba aw ka Ala ye bɛɛn min kɛ n'aw ye, aw kana ɲinɛ o kɔ. Aw kana joo dilan fɛɛn si jaa la, Masaba y'aw bali min na.

Jula NT of Côte d’Ivoire

²³ O ra, aw ye aw yɛrɛ kɔrɔsi janko Matigi Ala, aw ta Ala ka jɛnɲɔgɔnya* min don ni aw ye, aw kana na ɲina o kɔ, ani aw kana fɛn dɔ ja lɛsɛ, ka fɛn dɔ bisigiya lalaga ka o bato, k’a sɔrɔ Matigi Ala, aw ta Ala ko aw man kan ka o fɛn bato;

Sariya 4:23 Iomraidhean Croise

Mas 2nan 17:38

Aw kana ɲinɛ n'an ka bɛɛn ye, aw kana fɛɛn wɛrɛw bato.

Lok fɔlɔ 16:15

Aw hakili ka to a ka layidu la tuma bɛɛ. A ka kuma ye waati bɛɛ ta ye.

Bɔri 23:13

«Ne ye koo minw fɔ aw ye, aw ka jija k'olu bɛɛ bato. Aw kana dɛmɛ ɲini joo si fɛ, aw kan'a to u tɔgɔ ka mɛn aw daa la.

Ezayi 24:5

Diɲɛ mɔgɔw ye dugukolo nɔgɔ, bari u ye Masaba ka sariyaw cɛn. U y'a ka fɔtaw kɔrɔ yɛlɛma k'a ka bɛɛn cɛnbali cɛn.

Yeremi 31:22

Aw bena to ka munumunu fɔɔ tuma jumɛn, sunguru tulogwɛlɛn? Masaba be kokura daminɛna dugukolo kan, muso le be boli cɛɛ kɔ.

Ezekiyɛli 16:59

«Ɔnhɔn, ne Matigi, Masaba ko: I y'i ka kalili mafiɲɛya k'an ka bɛɛn cɛn minkɛ, i ka kan ni min ye, ne bena o kɛ i la.

Ezekiyɛli 8:10

O la, ne donna ka filɛli kɛ. Ne ye fɛɛn fofotaw, ni sogokolon sifaw bɛɛ jaaw ye kogow kan faan bɛɛ la, ani Isirayɛlidenw ka joow bɛɛ jaaw.

Jateri 15:39

N'u y'o masirifɛn nunu ye tuma o tuma, u hakili be jigi ne Masaba ka fɔta bɛɛ la, k'u bato. O la, u tena sɔn ka kakalaya kɛ, u ɲadenw ka miɲɛtɔya tena u bila tilenbaliya la.

Matiyu 24:4

Yezu y'u jaabi ko: «Aw k'aw yɛrɛ kɔlɔsi janko mɔgɔ si kana aw fili.

Luka 12:15

O kɔ, Yezu y'a fɔ jama ye ko: «Aw k'aw yɛrɛ kɔlɔsi nafoloko hamikojugu ma, bari hali ni nafolo ka ca mɔgɔ fɛ cogo o cogo, o te se ka kɛ a tigi nii suturanin ye.»

Luka 21:8

Yezu y'u jaabi ko: «Aw k'aw yɛrɛ kɔlɔsi janko mɔgɔ si kana aw fili. Bari caaman bena na ne tɔgɔ la k'a fɔ k'olu ye ne yɛrɛ ye, ko diɲɛ laban tuma surunyana. Aw kana tugu u kɔ.

Sariya 16:22

Aw kana jokabakurulama lɔ fana, bari u koo man di Masaba aw ka Ala ye.

Sariya 27:15

‹Mɔgɔ min be yiri lɛsɛ, walima kabakuru, walima ka nigɛ yeelen k'a kɛ joo ye, k'a sɔn dogo la, o tigi danganin lo. Fɛɛn minw dilanna ni mɔgɔ bolo ye, o man di Masaba ye fewu.› Jama bɛɛ ben'a laminɛ ko: ‹Amiina!›

Sariya 27:9

O kɔ, Musa ni sarakalasebagaw, minw ye Levi kɔmɔgɔw ye, u y'a fɔ Isirayɛli jama bɛɛ ye ko: «Isirayɛli jama, aw ka mankan dabila, aw ka lamɛnni kɛ! Bii Masaba aw ka Ala y'aw kɛ a ka jama ye.

Sariya 29:25

U tagara fɛɛn wɛrɛw bato k'u kunbiri gwan u kɔrɔ, u tun te minw lɔn, Masaba do tun ma o sira di u ma.

Sariya 31:20

Tiɲɛ na, ne tun ye jamana min layidu ta u bɛmaw ye, ne bena don ni jama nin ye o kɔnɔ, nɔnɔ ni lii ka ca kosɔbɛ yɔrɔ min na, jamana diman lo. U bena dumuni kɛ ka fa, ka boɲa, u bena yɛlɛma k'u ɲaa sin joow ma fana k'olu sɔn. U bena u ɲaa don ne la, ani ka ne ka bɛɛn cɛn.

Sariya 4:25

«N'aw sigira ka mɛn jamana nin kɔnɔ, ka deenw sɔrɔ ani mamadenw, n'aw y'aw yɛrɛ nigɛ, ka joo dilan fɛɛn o fɛɛn jaa la, ka kojugu kɛ Masaba aw ka Ala ɲakɔrɔ, k'a kɛ a be dimi,

Sariya 4:9

Nga aw k'aw yɛrɛ kɔlɔsi, ka banba, janko aw ye koo minw ye n'aw ɲaa ye, aw kana ɲinɛ o kɔ. O kana bɔ aw hakili la aw sii tile bɛɛ la. Aw k'o koo fɔ aw deenw, n'aw mamadenw ye.

Sariya 5:2

Masaba an ka Ala bɛnna n'anw ye *Orɛbu kulu kɔrɔ.

Sariya 6:12

aw k'aw yɛrɛ kɔlɔsi. Aw kana ɲina Masaba kɔ ale min y'aw bɔ Ezipiti, aw tun ye jɔɔnw ye yɔrɔ min na.

Heburuw 3:12

O tuma na n badenw, aw bɛɛ k'aw yɛrɛ minɛ aw si kana kɛ mɔgɔjugu ye, lanabaliya kan'a kɛ aw be ban Nitigi Ala la.

Yosuwe 23:11

Aw ka banba k'aw yɛrɛ minɛ kosɔbɛ, janko aw ka se ka Masaba aw ka Ala kanu.

Yosuwe 23:16

Bɛɛn min be aw ni Masaba aw ka Ala cɛ, a ko aw ka min bato, n'aw y'o cɛn, n'aw tagara joow sɔn k'aw kunbiri gwan u kɔrɔ, Masaba bena dimi aw kɔrɔ, o la, aw bena halaki ka bɔ jamanaɲuman nin kɔnɔ joona.»