Sariya 4:13 - ALA KA KUMA

¹³ A y'a ka bɛnkuma fɔ aw ye, min ye a ka sariya tan ye. A y'a ɲini aw fɛ ko aw ka sɔn o ma. O kɔ, a y'o sɛbɛn walaka kabakurulaman fila kan.

Jula NT of Côte d’Ivoire

¹³ A k’a ta jɛnɲɔgɔnya* yira aw ra, ko aw y’a sira tagama, o min ye kumakan tan ye. A ka o sɛbɛ kabakuru walaka fla kan ka o di aw ma.

Sariya 4:13 Iomraidhean Croise

Mas fɔlɔ 8:9

Walaka kabakurulaman fila dama le tun be kɛsu nin kɔnɔ, Musa tun ye minw don a kɔnɔ *Orɛbu kulu kɔrɔ, tuma min na Masaba tun bɛnna ni Isirayɛlidenw ye u bɔnin kɔ Ezipiti jamana na.

Zaburu 119:4

Masaba, e y'i ka sariyaw fɔ janko mɔgɔ k'u bato kosɔbɛ.

Bɔri 19:5

Sisan ni aw ye mɛnni kɛ ne fɛ, ka to bɛɛn na ni ne ye, siyaw bɛɛ cɛma, aw bena to ne taya la. Bari, dugukolo bɛɛ ye ne ta ye,

Bɔri 24:12

Masaba y'a fɔ Musa ye ko: «Yɛlɛ ka na ne fɛ kulu kan, ka to yan. Ne bena walaka kabakurulamanw d'i ma, ne ye n ka sariya ni ladiliw sɛbɛn minw kan, janko ka jama kalan.»

Bɔri 31:18

Masaba tilara kuma na ni Musa ye Sinayi kulu kan tuma min na, a ye walaka fila di Musa ma, a ka sariya tan sɛbɛnnin be minw kan. Ala yɛrɛ le tun ye sɛbɛnni nin kɛ walaka kabakurulaman nunu kan.

Bɔri 34:1

Masaba y'a fɔ Musa ye ko: «Kabakuru fila lɛsɛ k'u kɛ walakaw ye i n'a fɔ walaka fɔlɔw, i y'o minw ci. Kuma minw tun be olu kan, ne bena o ɲɔgɔn sɛbɛn u kan.

Bɔri 34:28

Musa ye tile bi naani ni suu bi naani kɛ ni Masaba ye yen, a ma dumuni kɛ, a ma jii min. A ye bɛɛn kuma nunu sɛbɛn walakaw kan, n'o ye sariya tan ye.

Rɔmukaw 9:4

olu minw ye Isirayɛlidenw ye. Ala ye olu minw minɛ k'o kɛ a ka deenw ye, k'a yɛrɛ yira u la, ka bɛn n'u ye siɲɛ caaman, ka sariya sigi u ye k'a yɛrɛ batocogo yira u la, k'a daa di u ma.

Kor 2nan 3:7

Sariya min ka koo laban ye saya ye, o tun sɛbɛnna walaka kabakurulaman kan tuma min na, ni Ala ka nɔɔrɔ yera o waati la fɔɔ Isirayɛlidenw tun te se ka Musa ɲada filɛ, o nɔɔrɔ kosɔn min tun kɛra fɛɛn tɛmɛta ye,

Sariya 4:12

O kɔ, Masaba kumana aw fɛ k'a to tasuma cɛma. Aw ye kumakan mɛn, nga aw m'a tigi ye. Aw ye kumakan dɔrɔn le mɛn.

Sariya 4:14

Aw bena Zurudɛn baji tigɛ ka jamana min minɛ k'a kɛ aw ta ye, aw ka kan ka sariya ni landa minw bato yen, Masaba y'a fɔ ne ye o waati la ko ne k'aw kalan o la.

Sariya 5:22

«Masaba y'a kaan kɔrɔta ka kuma minw fɔ aw bɛɛ lajɛnnin ye kulu kan k'a to tasuma ni sankaba cɛma, ani dibi kɔnɔ, olu lo. A ma fɛɛn wɛrɛ fara o kan. O kɔ, a y'u sɛbɛn walaka kabakurulaman fila kan k'u di ne ma.

Heburuw 9:4

Wusulandaga sanulaman, ani Ala ka bɛɛn taamasiɲɛ kɛsu tun be ale kɔnɔ, o kɛsu nin yɔrɔ bɛɛ tun ye sanu ye. Daga sanulaman tun b'a kɔnɔ maanɛ be min na, ani Arɔn ka bere, min feerenna, ani walaka kabakurulamanw, Ala ka sariya tun be minw kan.