Sariya 4:1 - ALA KA KUMA

¹ Musa y'a fɔ tugu ko: «Sisan Isirayɛlidenw, aw ka mɛnni kɛ sariya ni landaw koo la. Ne bena aw kalan minw na. Aw k'o bato janko aw kana sa, aw ka se ka don jamana nin kɔnɔ k'a kɛ aw ta ye. Masaba, aw bɛmaw ka Ala be min dira aw ma.

Jula NT of Côte d’Ivoire

¹ Ayiwa, Izirayɛlimɔgɔw, sisan ne bɛna aw karan sariyaw ni ci minw na, aw ye o lamɛn, k’a sira tagama, janko aw ye ɲanamanya, ani janko Matigi Ala, aw bɛmaw ta Ala ka jamana min di aw ma, aw ye don o jamana ra k’a kɛ aw ta ye.

Sariya 4:1 Iomraidhean Croise

Zaburu 105:45

A daan ye u k'a ka fɔta bato k'a ka sariya sira taama. Masaba ka tanu!

Zaburu 119:4

Masaba, e y'i ka sariyaw fɔ janko mɔgɔ k'u bato kosɔbɛ.

Bɔri 18:20

ani ka to ka Ala ka kolatigɛninw n'a ka sariyaw ɲafɔ u ye. U ka kan ka sira min taama, ani ka koo minw kɛ, i ka olu yira u la.

Yeremi 11:6

Masaba y'a fɔ ne ye ko: «Taga o kuma nunu bɛɛ wango la Zeruzalɛmu bɔlɔnw la ani Zuda mara duguw tɔw kɔnɔ ko: ‹Aw ye mɛnni kɛ ne Masaba ka bɛɛn la, k'a sira taama.

Ezekiyɛli 11:20

janko aw ka ne ka kolatigɛninw ni ne ka fɔtaw bato ka ɲa. Aw bena kɛ ne ka mɔgɔw ye, ne bena kɛ aw ka Ala ye.

Ezekiyɛli 20:11

Ne ye ne ka kolatigɛninw yira u la, ani ka n ka fɔtaw fɔ u ye, minw batoli be na ni hɛrɛ ye.

Ezekiyɛli 20:21

«Nga olu fana murutira ne ma. U ma taama ka kɛɲɛ ni ne ka kolatigɛninw ye. U ma banba ka ne ka fɔtaw bato, mɔgɔ be se ka hɛrɛ sɔrɔ minw batoli barika la. U ye ne ka lafiɲɛlonw fana cɛn. O la, ne tun ko ne bena n dimi bɔ u la, n bena n ka fariya yira u la kongokolon kɔnɔ.

Ezekiyɛli 36:27

Ne bena n Nii don aw la, k'a kɛ aw be ne ka kolatigɛninw kɛ ka ne ka fɔtaw bato ka ɲa.

Ezekiyɛli 37:24

Ne ka baarakɛla Dawuda bena sigi u kunna. Marabaga kelen bena kɛ u fɛ. U bena ne ka fɔtaw bato ka ne ka kolatigɛninw kɛ ka ɲa.

Sarakalasebagaw 18:5

«Aw ka ne ka sariyaw ni ne ka kuma bato. Ni mɔgɔ min y'o kɛ, o tigi bena balo o barika la. Ne le ye Masaba ye.

Sarakalasebagaw 19:19

«Aw ka ne ka sariyaw bato. «Aw kan'a to aw ka begɛn fila ka jɛn min te sifa kelen ye. Aw kana sumansi sifa fila dan foro kelen kɔnɔ. Aw kana fani don aw kaan na min danna ni jese sifa fila ye.

Sarakalasebagaw 19:37

«Aw ka banba ka ne ka sariyaw ni ne ka kuma bɛɛ bato. Ne le ye Masaba ye.»

Sarakalasebagaw 20:8

«Aw ka banba ka ne ka sariyaw mara. Ne ye Masaba ye, ne y'aw woloma k'aw kɛ n taw ye.

Sarakalasebagaw 22:31

«Aw ka banba ka ne ka kuma bato. Ne le ye Masaba ye.

Matiyu 28:20

k'u kalan, waasa u ka ne ka kuma bato. Ne kɔni bena to n'aw ye loon o loon fɔɔ ka taga diɲɛ wili.»

Luka 1:6

U fila bɛɛ tilennin tun be Ala ɲakɔrɔ, u tun be Matigi ka sariyaw bɛɛ bato a ɲaa ma.

Yuhana 15:14

Aw ye ne teriw ye ni aw be sɔn ka ne ka cii bato.

Rɔmukaw 10:5

Musa fana y'a sɛbɛn tilenninya koo la min be sɔrɔ sariya batoli barika la ko: «Ni mɔgɔ min be sariya sira taama, o tigi bena balo o barika la.»

Sariya 1:3

Masaba tun ye min bɛɛ fɔ Musa ye Isirayɛlidenw koo la, Musa y'o bɛɛ fɔ u ye, u saan bi naaninan kalo tan ni kelennan tile fɔlɔ loon na, u bɔnin kɔ Ezipiti.

Sariya 1:8

Aw k'a filɛ, ne Masaba tun ye n daa di jamana min koo la, ko n ben'a di aw bɛma Ibrayima ni Isiyaka ani Yakuba, n'u kɔmɔgɔw ma, ne y'o d'aw ma. Aw ka don a kɔnɔ, k'a minɛ k'a kɛ aw ta ye.»

Sariya 11:1

«Masaba aw ka Ala koo ka diya aw ye. A be min ɲini aw fɛ, aw k'o kɛ, k'a ka sariyaw, n'a ka landaw n'a ka ciiw bato loon bɛɛ.

Sariya 11:32

Ne ye sariyaw ni landa minw bɛɛ fɔ aw ye bii, aw ka jija k'u bato.

Sariya 13:1

«Aw ye jija, ne be kuma minw bɛɛ fɔra aw ye, aw k'u bato. Aw kana foyi bɔ a la, aw kana dɔ fara a kan.

Sariya 16:20

Aw ka banba ka tilenninya dama kɛ, o la, Masaba aw ka Ala be jamana min dira aw ma, aw ɲanaman ka to aw ka se k'o minɛ.

Sariya 30:16

N b'a ɲini aw fɛ bii, ko Masaba aw ka Ala koo ka diya aw ye, aw ka taama a ka siraw kan, k'a ka kumaw bato, ani a ka sariyaw n'a ka landaw, janko aw ka sii sɔrɔ ani ka caya. Aw bena don jamana min kɔnɔ k'a kɛ aw ta ye, Masaba aw ka Ala bena hɛrɛ kɛ aw ye o yɔrɔ la.

Sariya 30:19

«Ɔnhɔn, ne b'a fɔ aw ye bii, sankolo ni dugukolo ye ne seerew ye aw kama. Ne ye sii sɔrɔcogo, ni sayako fɔ aw ye, ni dubaw ani danga sɔrɔcogo. Aw ka sii sɔrɔko kɛ waasa aw ka se ka to nii na, aw n'aw kɔmɔgɔw,

Sariya 30:20

aw ka Masaba aw ka Ala koo diya aw ye, ani k'a ka fɔta mɛn, aw nɔrɔnin ka to a la. O la, Masaba ye layidu ta aw bɛma Ibrayima, ni Isiyaka, ani Yakuba ye, ko a bena jamana min d'u ma, aw bena to sii la, ka saan caaman kɛ o kɔnɔ.»

Sariya 4:40

Aw k'a ka sariyaw n'a tanafɛnw bato, ne be minw fɔra aw ye bii, janko aw, n'aw kɔmɔgɔw ka hɛrɛ ni sijan sɔrɔ jamana nin kɔnɔ, Masaba aw ka Ala be min dira aw ma aw ka to n'a ye.»

Sariya 4:45

Musa ye kuma minw fɔ Isirayɛlidenw ye, ka sariya ni tanafɛn minw fɔ u bɔnin kɔ Ezipiti jamana na, o filɛ nin ye.

Sariya 4:8

Ne be sariya tilennin ni landa minw yira aw la bii, siya wɛrɛ jumɛn le be yen, n'a barika ka bon, n'a ɲɔgɔn b'u fɛ?

Sariya 5:1

Musa ye Isirayɛlidenw bɛɛ wele k'a fɔ u ye ko: «Isirayɛlidenw, ne be sariya ni cii minw fɔra aw ye bii, aw k'o lamɛn, k'o kalan, k'o bato ka ɲa.

Sariya 5:33

Masaba aw ka Ala ye sira min yira aw la, aw k'o ta sɛbɛ la janko aw ka to nii na ka hɛrɛ ni sijan sɔrɔ, jamana nin kɔnɔ aw bena min minɛ.

Sariya 6:1

«Aw bena sariya ni cii ani landa minw bato jamana nin kɔnɔ, aw bena Zurudɛn baji tigɛ ka don o min kɔnɔ k'a minɛ, olu filɛ. Masaba aw ka Ala ko ne k'aw kalan u la,

Sariya 6:24

A y'a ɲini an fɛ ko, an ka sariya nunu bɛɛ bato, ani ka siran a ɲa, janko an ka to hɛrɛ la waati bɛɛ, ani k'an ɲanaman to i n'a fɔ an be cogo min na bii.

Sariya 7:11

«O la, ne be sariya, ni ciiw, ani landa minw fɔra aw ye bii, aw ka banba k'olu bato.

Sariya 8:1

«Ne be koo minw fɔra aw ye bii, aw ka jija k'o bɛɛ kɛ, janko aw ka to nii na, ka caya, ani ka se ka don jamana nin kɔnɔ k'a minɛ. Masaba ye min layidu ta aw bɛmaw ye.

Sariya 8:11

«Aw k'aw yɛrɛ kɔlɔsi, aw kana ɲinɛ Masaba aw ka Ala kɔ k'aw mako bɔ a ka ciiw n'a ka landaw n'a ka sariyaw la ne be minw fɔ aw ye bii.

Sariya 9:1

«Isirayɛlidenw, aw ye mɛnni kɛ. Aw bena Zurudɛn baji tigɛ bii ka taga siya dɔw ka jamana minɛ, olu minw ka ca n'aw ye, u barika ka bon n'aw ta ye fana. U ka duguw ka bonbon, u laminikogow ka janjan kosɔbɛ.

Yosuwe 3:9

Zozuwe y'a fɔ Isirayɛlidenw ye ko: «Aw ye gwɛrɛ ka na, ne bena Masaba aw ka Ala ka kuma fɔ aw ye.