Sariya 34:7 - ALA KA KUMA

⁷ Musa satuma na, a tun be ni saan kɛmɛ ni mugan ye, nga a tun be yeli kɛ ka ɲa halibi, a fanga fana tun ma ban.

Jula NT of Côte d’Ivoire

⁷ Musa sara k’a si to san kɛmɛ ni mugan. A ɲadenw baraka tun ma dɔgɔya, foyi fana tun ma bɔ a farikolo baraka ra.

Sariya 34:7 Iomraidhean Croise

Damina 27:1

Isiyaka tun kɔrɔla, a ɲaa fanga dɔgɔyara fɔɔ ka fiyɛn. A y'a dencɛ fɔlɔ Ezawu wele k'a fɔ a ye ko: «Ne deen.» A y'a jaabi ko: «Naamu.»

Damina 48:10

O y'a sɔrɔ Yakuba ɲaa fanga tun dɔgɔyara kɔrɔya kosɔn, a tun te yeli kɛ ka ɲa. Yusufu ye u gwɛrɛ a la tuma min na, Isirayɛli y'u minɛ k'u nɔrɔnɔrɔ a yɛrɛ la.

Ayuba 5:26

E bena kɔrɔ kosɔbɛ ka sɔrɔ ka sa, o b'i ta ka don kaburu kɔnɔ i ko u be suman kannin cɛ k'a la cogo min na a kantuma na.

Zaburu 92:15

Hali n'u kɔrɔla, u be den, jii b'u la kosɔbɛ, u nugunin lo.

Bɔri 7:7

Musa ni Arɔn kumana masacɛ fɛ waati min na, Musa sii tun ye saan bi seegi ye, Arɔn sii tun ye saan bi seegi ni saba ye.

Kɛwalew 7:23

«A ye saan bi naani sɔrɔ tuma min na, a y'a ŋaniya ta ko a be taga bɔ a baden Isirayɛlidenw fɛ.

Kɛwalew 7:30

«Saan bi naani tɛmɛnin kɔ, mɛlɛkɛ dɔ y'a yɛrɛ yira a la kongokolon kɔnɔ yiritunin dɔ cɛma tasuma tun be min na Sinayi kulu gɛrɛfɛ.

Kɛwalew 7:36

Musa ye kabako ni taamasiɲɛw kɛ Ezipiti jamana kɔnɔ, ka Isirayɛlidenw bɔ, ka Buruku kɔgɔji cɛtigɛ n'u ye, ka to ka kabako ni taamasiɲɛw kɛ u ɲana fɔɔ saan bi naani, kongokolon kɔnɔ.

Sariya 31:2

«Sisan, ne be ni saan kɛmɛ ni mugan ye, ne te se ka kɛ aw ɲamɔgɔ ye tugu. Masaba yɛrɛ y'a fɔ ne ye ko ne tena Zurudɛn baji tigɛ.

Sariya 34:8

Isirayɛlidenw kasira Musa ka saya la tile bi saba kɔnɔ Mowabu kɛnɛba la. Musa sanga banna ten.