Sariya 33:29 - ALA KA KUMA

²⁹ Isirayɛlidenw, aw dagamuna dɛ! Jɔn be i ko aw? Masaba y'aw le kisi. Masaba y'aw tangabaga n'aw dɛmɛbaga ye, murujan lo, min be see di aw ma. Aw juguw bena u yɛrɛ majigi aw kɔrɔ, aw bena u ka yɔrɔbabaw cɛn.»

Jula NT of Côte d’Ivoire

²⁹ «E, Izirayɛli, i ta ɲana, sabu siya juman le bɛ i ko ele? Matigi Ala ka i kisi. Matigi Ala le ye i ta nɛgɛbɛnnan ye, i dɛmɛbaga; ale le ye i ta kɛrɛkɛmuru ye, min b’a to i bɛ se sɔrɔ. I juguw bɛna o yɛrɛ majigi i kɔrɔ; i bɛna tagama o kan.»

Sariya 33:29 Iomraidhean Croise

Damina 15:1

O koow tɛmɛnin kɔ, Masaba y'a yɛrɛ yira Abramu la k'a fɔ a ye ko: «Abramu, i kana siran. Ne y'i tangabaga ye i n'a fɔ kɛlɛden ka nigɛkunbɛnnan, i ka sara bena caya kosɔbɛ.»

Sam 2nan 22:3

Ne ka Ala le ye ne tangakabakuru ye, ne be dogo a kɔrɔ. Ne tangabaga lo, Setigi min be ne kisi. Ne dogoyɔrɔ barikaman lo ne bolituma na. I be ne kisi mɔgɔfariw ma.

Sam 2nan 22:45

Lonanw yɛrɛyɛrɛtɔ be na ne ɲakɔrɔ, u be ne ka fɔtaw bato u fɔtɔ yɛrɛ.

Sam 2nan 7:23

Siya wɛrɛ be yen dugukolo kan tugu min be i n'a fɔ i ka jama Isirayɛli wa? Ele Ala ye minw kunmabɔ, k'u kɛ e yɛrɛ taw ye, janko u tɔgɔ ka se ka bɔ. O la, e ye kabakobabaw kɛ u ka jamana ye. Siya wɛrɛ be yen tugu min be i ka siya nin bɔ wa? I ye min bɔ Ezipiti jamana na, o yɔrɔ siya n'u ka batofɛnw bolo.

Lok 2nan 31:8

Ezekiyasi n'a ka ɲamɔgɔw tagara o filɛ tuma min na, u ye Masaba tanu k'a ka jama Isirayɛli fo.

Zaburu 1:1

Mɔgɔ min te tugu mɔgɔjuguw ka ladili kɔ, n'a te to ni kojugukɛlaw ye a ka sira kan, n'a t'a niin don mɔgɔkɔrɔfɔlaw fɛ k'a tɔɲɔgɔn kɔrɔfɔ, o tigi dagamunin lo.

Zaburu 144:15

Jama min ta be ten, ale dagamunin lo. Masaba ye jama min ka Ala ye, ale dagamuna.

Zaburu 18:44

I be ne tanga jama ka muruti ma. I ye ne kɛ siyaw kuntigi ye. Ne te siya minw lɔn, olu be kolo ne ye.

Zaburu 18:45

U be ne ka fɔtaw bato u fɔtɔ yɛrɛ. Lonanw yɛrɛyɛrɛtɔ be na ne ɲakɔrɔ,

Zaburu 32:1

Dawuda ka dɔnkili dɔ. Mɔgɔ min ka fili t'a kan tugu, n'a ka hakɛ yafara, o tigi dagamunin lo.

Zaburu 32:2

Masaba ti mɔgɔ min ka filiko jati tugu, n'a tigi fana te namara kɛ tugu, o tigi dagamunin lo.

Zaburu 33:12

Masaba ye siya min ka Ala ye, o siya nin dagamuna. A ye jama min woloma k'a kɛ a ta ye, o fana dagamuna.

Zaburu 33:20

An jigi be Masaba kan, an dɛmɛbaga n'an tangabaga lo.

Zaburu 45:3

E cɛɛ ka ɲi ka tɛmɛ adamadenw bɛɛ kan. Nɛɛmakuma le be bɔ i daa la. Ala kɔni y'i ta ɲa kudayi.

Zaburu 66:3

A fɔ Ala ye ko: «I ka kɛta be mɔgɔ kabakoya. E barika boɲa kama, e juguw b'u majigi i kɔrɔ.

Zaburu 68:34

Jɔn le be ŋunuŋununa fɔɔ sankolo sanfɛ? A b'a ka mankan barikaman kɛra.

Zaburu 7:12

Ala ye kititigɛla tilennin ye, a be se ka dimi loon bɛɛ.

Zaburu 81:15

ne tun bena u juguw majigi yɔrɔnin kelen, ne tun bena n bolo wili u kɛlɛbagaw kama.

Zaburu 84:11

Ka loon kelen dama kɛ ele Ala ka luuw kɔnɔ, o ka fisa ni tile waa kelen kɛnin ye yɔrɔ wɛrɛ. N bena to n ka Ala ka soo daa la, o ka fisa n ka to mɔgɔjuguw ka soo kɔnɔ.

Ezayi 12:2

Ala ye ne kisibaga ye. Ne jigi b'ale lo kan, n te siran tugu. Bari, Masaba le be ne barika boɲa kosɔbɛ. Ale ye ne kisi.»

Ezayi 27:1

O loon na, Masaba ben'a ka murujan belebeleba dadiman ta Leviyatan kama, sajugu min be tɔrɔmitɔrɔmi, mɔgɔ te se ka min minɛ. A bena o sogojugu nin faga, min be kɔgɔji la.

Ezayi 33:16

o tigi le bena sigi ɲamalɔ la. A bena to boon min na, o lɔnin be fara kan. Dumuni bena to ka d'a ma, jii tena dɛsɛ a fɛ.

Ezayi 45:17

Masaba bena Isirayɛlidenw kisi, a bena u kisi pepewu bii ni sini. U tena maloya fewu, u kuun tena surun tugu abada.

Ezayi 58:14

o tuma na, aw bena nisɔndiya ne Masaba barika la. Ne ben'a kɛ u b'aw boɲa diɲɛ faan bɛɛ la. Yɔrɔ min dira aw faa Yakuba ma, aw bena o yɔrɔ diya bɔ.» Masaba le ko ten.

Yeremi 12:12

Cɛnnikɛlaw bena bɔ kongokolon kuluw bɛɛ kan ka girin ka na. Bari ne Masaba ka murujan bena fagali kɛ k'a ta jamana faan kelen na, ka ta'a bila faan dɔ la. Mɔgɔ si tena to hɛrɛ la.

Yeremi 47:6

‹Ee! Masaba ka murujan! I bena lafiɲɛ tuma jumɛn? Don i foroko la! I lɔ! To yɔrɔ kelen!›

Oze ta kitabu 13:9

Isirayɛli mara mɔgɔw, aw halakira, ne kelenpe dama le be se k'aw dɛmɛ.

Amɔsi 8:7

Ayiwa, Masaba, Yakuba ka Ala y'a fɔ ka gwɛlɛya ko: «Ne tena ɲinɛ u ka kɛwaliw si kɔ.

Habakuki 3:19

Matigi, Masaba ye ne tigi ni ne fanga ye, a be ne seenw kɛ i ko jaa taw, a be see di ne ma ka taama kuluw kan. Dɔnkililabagaw ɲamɔgɔ le y'o la ni kolonjo ye.

Jateri 24:5

Yakuba kɔmɔgɔw, aw ka fanibuguw ka ɲi dɛ! Isirayɛlidenw, aw ka sigiyɔrɔw ka ɲi sa!

Jateri 33:52

ko u ka jamana mɔgɔ nunu bɛɛ gwɛn ka bɔ yen. Ko u k'u ka joo kabakurulamanw bɛɛ ci, k'u ka joow bɛɛ cɛn, minw dilanna ni nigɛ yelennin ye, n'u ka sɔnnikɛyɔrɔw bɛɛ.

Sariya 32:13

A y'u bila kuluyɔrɔw la, k'u balo ni foro sumanw ye. A ye lii d'u ma ka bɔ farawo la, ka tulu bɔ farakuluw woo kɔnɔ u ye.

Sariya 4:32

«Waati minw tɛmɛna fɔlɔfɔlɔ, kabini Ala ye adamaden dan dugukolo kan, loon minw tɛmɛna, aw ka miiri olu la. Aw ka sɛgɛsɛgɛli kɛ diɲɛ faan bɛɛ la. Koba min kɛra, o ɲɔgɔn delila ka kɛ wa? Walima nin kuma nin ɲɔgɔn mɛnna ka ye wa?

Sariya 4:34

Masaba aw ka Ala ye koo min bɛɛ kɛ aw ye Ezipiti jamana na, aw y'o ye. Batofɛn wɛrɛ be yen min y'o ɲɔgɔn kɛ wa? Ka siya dɔ ta ka bɔ ni sebagaya ye siya wɛrɛ cɛma ni taamasiɲɛw ani kabakow ye, ani ka kɛlɛ kɛ, ka siranyakow kɛ.

Tim fɔlɔ 4:10

O le y'a to an be baara kɛ ka sigɛn ani ka banba, bari Nitigi Ala ye mɔgɔ bɛɛ kisibaga ye, janko minw lar'a la.

Yirari 1:16

Lolo wolonwula tun b'a kinibolo la. Murujan min daa fila bɛɛ ka di tun b'a daa la. A ɲada tun be manamana i n'a fɔ tile.

Yirari 19:21

Murujan min be sotigi nin daa la, a y'o kɛ ka kɛlɛden tɔw bɛɛ faga. Dugaw y'u suuw dumu ka fa.

Kititigɛbagaw 7:20

Jɛnkulu saba nunu ye buruw fiyɛ, k'u ka daganinw cici, ka kala mananinw minɛ u numanbolow la, buru fiyɛtaw b'u kinibolow la. U pɛrɛnna ko: «Masaba ka murujan, ni Zedeyɔn ta!»