Sariya 33:2 - ALA KA KUMA

² A ko: «Masaba bɔra Sinayi kulu kan ka na, a bɔra i ko tile wilitɔ, *Seyiri mara la. A tora Paran kulu kan ka yeelen bɔ a ka jama ye. A nana ni mɛlɛkɛ waa caaman ye, ka bɔ kulu nin kan, worodugu ɲafan fɛ.

Jula NT of Côte d’Ivoire

² A ko: «Matigi Ala nana ka bɔ Sinayi kuru kan, a wurira i ko tere, ka bɔ Seyiri jamana ra. A tora Paran kuruyɔrɔw ra, ka manamana. Mɛlɛkɛ waga caman le tun k’a lamini; a nana a ta mɔgɔw fɛ, a nana ni sariya manamanatɔ ye a boro, i ko tasuma.

Sariya 33:2 Iomraidhean Croise

Mas fɔlɔ 11:18

U bɔra Madiyan jamana na ka taga se Paran, ka Paranka dɔw minɛ ka taga n'u ye Ezipiti jamana na, Ezipiti masacɛ fɛ. Masacɛ ye soo d'a ma, ka lɔ n'a ka dumuniko ye. A fana ye forow d'a ma.

Zaburu 50:2

*Siyɔn min ye duguɲuman ye, Ala be manamana yen i ko tile.

Zaburu 68:17

Kulu kuun caaman, mun na i be keliya Ala ka kulu kosɔn? Ala y'e min woloma ka sigi yen. Masaba bena to yen kudayi.

Zaburu 68:18

Ala ka wotoro ye waa caaman ye. Matigi b'u cɛma, a nana n'u ye Yɔrɔ Senuman na ka bɔ Sinayi kulu kan.

Bɔri 23:20

«A filɛ, ne bena mɛlɛkɛ bila aw ɲa k'aw mara sira la ani ka taga n'aw ye ne ka yɔrɔ labɛnnin na.

Daniyɛli 4:13

Adamadenya bena bɔ a la, a bena kɛ i n'a fɔ kongosogo. A ka to ten fɔɔ saan wolonwula.

Habakuki 3:3

Ala be bɔ Teman mara la, Ala be bɔ Paran kulu kan. A ka masaya be sankolo yɔrɔ bɛɛ la, dugukolo yɔrɔ bɛɛ b'a batoko nigɛ don mɔgɔw la.

Jateri 10:12

Isirayɛlidenw wilila ka bɔ kongokolon kɔnɔ Sinayi kulu gɛrɛfɛ. Sankaba tagara lɔ Paran kongokolon kɔnɔ.

Kɛwalew 7:53

Ala y'a ka mɛlɛkɛw ci k'a ka sariya fɔ aw ye, nga aw m'a bato.»

Kor 2nan 3:7

Sariya min ka koo laban ye saya ye, o tun sɛbɛnna walaka kabakurulaman kan tuma min na, ni Ala ka nɔɔrɔ yera o waati la fɔɔ Isirayɛlidenw tun te se ka Musa ɲada filɛ, o nɔɔrɔ kosɔn min tun kɛra fɛɛn tɛmɛta ye,

Kor 2nan 3:9

Baara min laban ye halakili ye, n'o ye boɲa sɔrɔ, baara min be mɔgɔw kɛ mɔgɔtilenninw ye, ale ka boɲa tena tɛmɛ o ta kan wa?

Galasikaw 3:10

Mɔgɔ minw jigi be sariya kan, olu bɛɛ danganin lo. Bari a fɔra Ala ka kuma na ko: «Mɔgɔ minw te sariya bɛɛ bato, olu bɛɛ danganin lo.»

Galasikaw 3:19

Sariya do sigira mun le kama? A sigira janko filiw ka lɔn, yanni Ibrayima Kɔmɔgɔ ka na. Dadili tun kɛra min ye. Mɛlɛkɛw le y'o sariya nin di soronanikɛla dɔ le barika la.

Galasikaw 4:24

Kɔrɔ b'o koo nin na, bari muso nunu kɛra bɛɛn fila dafananw ye. Bɛɛn min sɔrɔla Sinayi kulu kan, ale be mɔgɔ kɛ jɔɔn ye. O ye Agari ye.

Sariya 5:22

«Masaba y'a kaan kɔrɔta ka kuma minw fɔ aw bɛɛ lajɛnnin ye kulu kan k'a to tasuma ni sankaba cɛma, ani dibi kɔnɔ, olu lo. A ma fɛɛn wɛrɛ fara o kan. O kɔ, a y'u sɛbɛn walaka kabakurulaman fila kan k'u di ne ma.

Tes 2nan 1:7

O la, aw minw be tɔɔrɔ la, a ka hɛrɛ kɛ aw ye i n'a fɔ anw. O bena kɛ an Matigi Yezu kɔsegituma na n'a ben'a yɛrɛ yira ka bɔ sankolo la n'a ka mɛlɛkɛ setigiw ye.

Heburuw 12:20

Bari sariya min tun sigira, u tun te se o kɔrɔ. A tun fɔra ko: «Mɔgɔ si man kan ka yɛlɛ kulu nin kan, hali begɛn. Ni fɛɛn o fɛɛn yɛlɛla, o ka kan ka bon ka faga.»

Heburuw 2:2

Mɛlɛkɛw tun ye kuma min fɔ, o jatira fɛnba ye. Minw tun m'o bato, tɔɔrɔ min tun ka kan n'u ye, o y'o sɔrɔ.

Zude 1:14

Enɔki min ye wolokun wolonwulanan ye k'a ta Adama ma, ale ye kirayakuma fɔ u ka koo la ko: «A filɛ. Matigi bena na n'a ka mɛlɛkɛ senuman waa caaman ye.

Yirari 5:11

Ne tun be filɛli kɛra halibi, ne ye mɛlɛkɛ caaman kaan mɛn, u tun ka ca haali, fɔɔ u te se ka jati ka daa lɔn. U lɔnin tun be ka masasigilan ni nimanfɛnw ni cɛkɔrɔba nunu lamini.