Sariya 33:10 - ALA KA KUMA

¹⁰ U be Yakuba kɔmɔgɔw kalan i ka kolatigɛninw na, u be Isirayɛlidenw kalan i ka sariya la. U be wusulan jɛni i ɲakɔrɔ, u be saraka dafaninw bɔ i ka sarakabɔyɔrɔ la.

Jula NT of Côte d’Ivoire

¹⁰ O ka Yakuba ta mɔgɔw karan i ta ciw ra, o ka Izirayɛlimɔgɔw karan i ta sariyaw ra. O ka wusunan sarakaw bɔ i ye, ka saraka jɛnitaw* jɛni i ye, i ta sarakajɛnifɛn* kan.

Sariya 33:10 Iomraidhean Croise

Lok 2nan 26:18

U y'a fɔ a ye ko: «Ka wusulan jɛni Masaba ye, o te i ka baara ye, Oziyasi. O ye Arɔn kɔmɔgɔw, sarakalasebagaw ta ye, minw bilara Masaba ye o baara kama. Bɔ yan, bari i ye tilenbaliko kɛ, o tena kɛ tɔgɔɲuman ye i fɛ Masa Ala ɲakɔrɔ.»

Lok 2nan 30:22

Ezekiyasi kumana Levi kɔmɔgɔw bɛɛ fɛ k'u jaa gwɛlɛya, minw tun be Masaba ka koo faamu kosɔbɛ. U y'u niyɔrɔ dumuni kɛ tile wolonwula kɔnɔ, ka jɛnɲɔgɔnya sarakaw bɔ, ani ka Masaba u faaw ka Ala tanu.

Ɛsidarasi 7:10

Sabu a tun y'a sɔbɛ don Masaba ka sariya kalan la, ani ka taama ka kɛɲɛ n'a ye fana, ani ka Isirayɛlidenw kalan n'a ye, k'u kalan landaw la minw koo fɔra a kɔnɔ.

Nehemi 8:18

Ɛsidirasi tun be to ka Ala ka Sariyasɛbɛ nin kalan loon o loon, k'a ta ɲanagwɛ nin loon fɔlɔ ma fɔɔ ka taga se a loon laban ma. U ye ɲanagwɛ nin kɛ tile wolonwula kɔnɔ, a tile seeginan loon, u ye ɲanagwɛ laban ɲɔgɔnye kɛ ka kɛɲɛ n'a fɔcogo ye.

Zaburu 51:19

Ala, e be saraka min fɛ kɔni, o ye ko adamaden k'a yɛrɛ majigi. Ala, min man'a yɛrɛ majigi tɛtɛtɛ, e te ban o tigi la fewu.

Ezekiyɛli 43:27

O loon nunu tɛmɛnin kɔ, k'a ta a tile seeginan loon na, sarakalasebagaw bena aw ka saraka jɛnitaw ni aw ka jɛnɲɔgɔnya sarakaw bɔ sarakabɔyɔrɔ nin kan. O la, ne bena sɔn aw la. Ne Matigi, Masaba le ko ten.› »

Oze ta kitabu 4:6

Ne ka mɔgɔw ta cɛnna ne lɔnbaliya kosɔn. Aw banna ka ne lɔn minkɛ, ne fana bena ban aw la, aw tena kɛ ne ka sarakalasebagaw ye tugu. Aw ɲinɛna ne, aw ka Ala ka sariya kɔ minkɛ, ne fana bena ɲinɛ aw deenw kɔ.

Sarakalasebagaw 1:13

A k'a nugu n'a seenw ko jii la. Sarakalasebaga k'o bɛɛ jɛni sarakabɔyɔrɔ kan. Saraka jɛnita lo pewu, a kasa ka di ne Masaba ye.

Sarakalasebagaw 1:17

A k'a faran a gamanw furancɛ la, nga a kan'a tigɛ ka bɔ ɲɔgɔn na. O kɔ, a k'a la lɔgɔ kan tasuma la k'a jɛni sarakabɔyɔrɔ kan. Saraka jɛnita lo pewu, a kasa ka di ne Masaba ye.

Sarakalasebagaw 1:9

Sarakabɔbaga ka nugu n'i seenw ko jii la. O kɔ, sarakalasebaga k'o bɛɛ jɛni sarakabɔyɔrɔ kan. Saraka jɛnita lo pewu, a kasa ka di ne Masaba ye.

Sarakalasebagaw 10:11

Ne Masaba ye sariya minw bɛɛ di Isirayɛlidenw ma Musa barika la, aw k'u kalan olu bɛɛ la.»

Sarakalasebagaw 16:12

A ka wusulandaga ta ka takami bɔ sarakabɔyɔrɔ kan Masaba ɲakɔrɔ k'a fa, k'a tigɛ ɲaa fila fa wusulan kasadiman susunin na, ka don n'o ye soo cɛtigɛfani kɔfɛ.

Sarakalasebagaw 16:13

A ka wusulan nin kɛ takami kan Masaba ɲakɔrɔ. Wusulan nin sisi bena wili ka layidu taamasiɲɛ kɛsu datugulan datugu, janko a kana sa.

Hagize 2:11

«Ne Masaba, Setigi ko i ka sarakalasebagaw ɲininga.

Hagize 2:12

Saraka min bɔra Ala ye, n'o tɔɔ be mɔgɔ dɔ ka fani dakun na, n'a magara buru la, walima naan, walima duvɛn na, walima tulu la, walima dumunifɛn o dumunifɛn na, o fɛɛn nin be kɛ Ala ta ye wa?» Sarakalasebagaw y'a jaabi ko: «Ayi.»

Sariya 24:8

«Aw k'aw yɛrɛ kɔlɔsi farisogobana koo la: ne ye kuma minw fɔ sarakalasebagaw ye, minw ye Levi kɔmɔgɔw ye, ni u bena o fɔ aw ye, aw k'o bɛɛ bato.

Sariya 27:14

«Levi kɔmɔgɔw bena u kaan bɔ Isirayɛlidenw bɛɛ ma kosɔbɛ k'a fɔ u ye ko:

Sariya 33:11

Masaba, barika don u la, i ka u ka kokɛtaw bɛɛ ɲa. U juguw fanga cɛn, u ka sebagaya dɔgɔya, janko u kana wili tugu.»

Heburuw 7:25

O kama, mɔgɔ minw be gwɛrɛ Ala la ale sababu la, see b'a ye k'olu kisi bii ani sini, bari a be yen tuma bɛɛ ka Ala dali u ye.

Heburuw 9:24

Tiɲɛ na, mɔgɔw bolo ye Alabatoso min lɔ k'a kɛ i n'a fɔ sankolo ta, a ma kɛ i ko Krista donna o le kɔnɔ dɛ! Krista donna arijana yɛrɛ le la, ka lɔ Ala ɲafɛ anw ka hɛrɛ kosɔn.

Sam fɔlɔ 2:28

Ko ale y'a woloma k'a bɔ Isirayɛlidenw bɛɛ cɛma janko a ka kɛ ale ka sarakalasebaga ye, ka to ka yɛlɛ ale ka sarakabɔyɔrɔ kan, ka wusulan jɛni, ani ka sarakalasebagaw kuntigi ka fani don a ɲakɔrɔ. Ko ale ye Isirayɛlidenw ka sarakasogo jɛnita bɛɛ d'a ma.