Sariya 32:6 - ALA KA KUMA

⁶ Siya naloman ni hakilitanw! Nin ye Masaba minɛcogo ye wa? Ale lo te aw Faa ye wa? Aw Danbaga tɛ wa? Ale lo y'aw kɛ siya ye.

Jula NT of Côte d’Ivoire

⁶ Aw siya naloman, siya hakirintan, aw bɛ se ka nin ko kɛ Ala ra cogo di? Ale le tɛ aw Fa ni aw danbaga ye wa? Ale le ma aw dan, ka baraka don aw ra wa?

Sariya 32:6 Iomraidhean Croise

Sam 2nan 7:24

I ye i ka jama Isirayɛli kɛ i ta ye tuma bɛɛ, ele Masaba kɛra u ka Ala ye.

Ayuba 10:8

Ala, e le ye ne dan ka n labɛn n'i bolo ye, i bolo do b'a fɛ ka ne datugu ka ne halaki sisan.

Zaburu 100:3

Aw k'a lɔn ko Masaba le ye Ala ye. Ale lo ye an dan, an y'a ta ye. An be i ko sagakulu, a be min mara.

Zaburu 116:12

Masaba ye koɲuman minw bɛɛ kɛ ne ye, ne bena se ka mun le kɛ a ye o kosɔn?

Zaburu 149:2

Isirayɛlidenw, aw ka nisɔndiya aw Danbaga kosɔn. *Siyɔnkaw ka ɲanagwɛ kɛ u ka Masacɛ kosɔn.

Zaburu 74:18

E k'i hakili to nin na: Juguw ye ele Masaba tɔgɔ cɛn, siya naloman dɔ b'i dɔgɔyara.

Zaburu 74:2

I hakili to i ka jama na, e ye min kɛ i yɛrɛ ta ye koow daminɛ na. E niyɔrɔ siya lo, e y'i janto min na. I hakili to *Siyɔn kulu la, e ka sigiyɔrɔ.

Zaburu 95:6

Aw ye na an ka don ka ɲɔngiri. An k'an kunbiri gwan Masaba kɔrɔ, ale min y'an dan.

Bɔri 15:16

U jaa tigɛra, siranya y'u minɛ. Ee Masaba! I bolo barikaman kosɔn, u kirinna ka to yɔrɔ kelen i ko kabakuru fɔɔ i ka jama ka tɛmɛ ka ban, i ye o minw kɛ i ta ye.

Bɔri 4:22

I k'a fɔ masacɛ ye ko ne, Masaba ko Isirayɛli le ye ne ka dencɛ fɔlɔ ye.

Ezayi 1:2

Sankolo, i ka mɛnni kɛ! Dugukolo, e k'i tulo malɔ! Bari, Masaba be kumana. A ko: «Ne ye deenw kolo. Ne y'u lamɔ. Nga u murutira ne ma.

Ezayi 27:11

Ni yiribolo jara, u b'o kari, musow be na tasuma don u la. Tiɲɛ na, siya nin te foyi lɔn. O kama, u Danbaga te makarila u la, u Danbaga t'u dɛmɛna tugu.

Ezayi 43:1

Isirayɛlidenw, Masaba min ye aw dan, ale ye min fɔ sisan, o filɛ, ale min ye aw labɛn, ale lo ko: «Aw kana siran, bari ne y'aw kunmabɔ, ne le y'aw wele, aw kɛra n yɛrɛ ta ye.

Ezayi 43:7

ne ye minw dan k'u labɛn k'u dilan n ka boɲa kama, ka n tɔgɔ la u kan.»

Ezayi 44:2

Ne Masaba min ye aw dan, ne min ye aw labɛn aw baa kɔnɔ, ne min ye aw dɛmɛbaga ye, ne le ko: Ne ka baarakɛlaw Isirayɛlidenw, aw kana siran, ne ye aw minw ɲanatɔmɔ.

Ezayi 63:16

Ele lo ye an Faa ye. Ibrayima t'anw lɔn do, Isirayɛli t'anw lɔn fana. Ele, Masaba le ye an Faa ye. Ele le ye an kunmabɔbaga ye, kabini tumajan, o le y'i tɔgɔ ye.

Ezayi 64:8

Masaba, kana dimi k'a dama tɛmɛ sa! Kana an ka kojuguw to i kɔnɔ tuma bɛɛ. An filɛ sa! An bɛɛ le y'i ka jama ye.

Yeremi 4:22

«Ne ka mɔgɔw ye nalomanw ye, u te ne lɔn. Hakilitanw lo, u te foyi faamu. U be se kojugukɛ dama le la, u te koɲumankɛ lɔn.»

Yeremi 5:21

‹Siya hakilitan faamubali, ɲaa b'aw fɛ, nga aw te yeli kɛ, tulo b'aw fɛ, nga aw te mɛnni kɛ.

Oze ta kitabu 13:13

U bena tɔɔrɔ i ko muso, a ka jigiwaati la. Nga deen hakilitanw lo. U wolotuma sera, nga u t'a fɛ ka bɔ u baa kɔnɔ.

Malaki 1:6

«Deen b'a faa boɲa, baaraden b'a kuntigi boɲa. Ni ne ye aw faa ye, ne ka kan ni boɲa min ye, o be min? Ni ne ye aw ka Masaba ye, ne ka kan ni boɲa min ye, o be min? Ne Masaba, Setigi le b'o fɔra aw sarakalasebagaw ye, aw minw be ne dɔgɔyara. Aw be sɔrɔ k'a fɔ ko: ‹An y'i dɔgɔya cogo di?›

Yuhana 8:41

Aw b'aw faa ka kɛwaliw le kɛ.» U y'a jaabi ko: «A ma kɛ i n'a fɔ ko anw ye ɲamɔgɔdenw ye dɛ! Faa kelen le be an fɛ: o ye Ala ye.»

Kɛwalew 20:28

Aw ka janto aw yɛrɛ la. Nii Senuman ye jama min kalifa aw ma, aw ka olu fana kɔlɔsi. Krista ka jama min kɛra Ala ta ye a joli sababu la, aw y'aw janto o la.

Rɔmukaw 8:15

Aw ye Nii min sɔrɔ, ale t'aw bila jɔnya ni siranya la, Nii Senuman lo. Ale lo barika la aw kɛra Ala ka deenw ye, ani ale barika la an b'a fɔ Ala ye ko Baba, an Faa.

Kor fɔlɔ 6:20

Ala le y'aw kunmabɔ, o la, aw ka boɲa la Ala tɔgɔ kan sisan n'aw farisogo ye.

Galasikaw 3:26

Bari aw minw lara Yezu Krista la, aw bɛɛ ye Ala deenw ye jigi barika la.

Galasikaw 4:6

Aw ye Ala deenw ye sɔbɛ la. Ala yɛrɛ y'a Dencɛ Nii don an na, ale min b'a to an b'a fɔ ko: «Baba, an Faa.»

Sariya 1:31

ani kongokolon kɔnɔ. O yɔrɔ la, Masaba aw ka Ala tun b'aw dɛmɛ ka taga n'aw ye i n'a fɔ mɔgɔ b'a deen ta cogo min na, aw y'o ye cɔ! A y'aw kɔlɔsi aw ka taama bɛɛ la fɔɔ ka na se yan yɔrɔ la.

Sariya 14:1

«Aw ye Masaba aw ka Ala deenw ye. Ni mɔgɔ sara aw fɛ, aw kana aw fari yɔrɔ dɔ tigɛ, aw fana kana aw tenda li,

Sariya 32:15

Yesurun tulɔra ka boɲa, ka sɔrɔ ka muruti. A fara, a tulɔra ka waga. A y'a Danbaga Ala bila, a y'a Kisibaga n'a Tangakabakuru bila.

Sariya 32:18

Aw y'aw Tangabaga to yen, min y'aw bila diɲɛ kɔnɔ. Ala min ye nii di aw ma, aw ɲinɛna ale kɔ.

Sariya 32:28

Isirayɛlidenw ye siya hakilitan le ye, u te koo faamu ka ɲa.

Piy 2nan 2:1

Ayiwa, fɔlɔ la, kirajuguw tun be mɔgɔw cɛma. O cogo kelen na, karamɔgɔjuguw bena bɔ aw fana cɛma ka mɔgɔw kalan ni galon dɔrɔn ye min be cɛnni kɛ fɔɔ u be taga ban u Matigi la, min y'u kunmabɔbaga ye. O tuma na sa, u bena bari ka halaki.

Zan fɔlɔ 3:1

Aw m'a ye an koo diyara Faa Ala ye cogo min na wa, fɔɔ an be wele yɛrɛ ko Ala deenw. An ye Ala deenw ye tiɲɛ na! O kama, Ala juguw t'an lɔn, bari u te Ala lɔn.