Sariya 32:5 - ALA KA KUMA

⁵ U kɛra janfaciw ye a faan fɛ. Maloya ka kɛ u ta ye! U t'a deenw ye tugu. Mɔgɔjuguw lo, u tilennin tɛ.

Jula NT of Côte d’Ivoire

⁵ Nka aw le ma teren Ala ye; o kosɔn aw tɛ Ala ta mɔgɔw ye tuun. O maroya le bɛ aw kan, aw mɔgɔ hakirintanw, aw mɔgɔlafiribagaw!

Sariya 32:5 Iomraidhean Croise

Damina 6:12

Ala y'a ye ko diɲɛ juguyara, bari adamadenw bɛɛ tun ye siraɲuman bila ka to ka juguya le kɛ dugukolo kan.

Zaburu 78:8

U tena kɛ u faaw ɲɔgɔn ye. Olu tun kɛra ɲamalɔbaliw ni murutibagaw ye. U jigi tun te yɔrɔ kelen na, u kɔnɔ tun gwɛnin te Ala ye.

Bɔri 32:7

O la, Masaba y'a fɔ Musa ye ko: «Jigi ka taga, bari i bɔra n'i ka jama min ye Ezipiti, u ye kojuguba dɔ kɛ.

Zanaw 8:8

Kuma minw be bɔ ne daa la, o bɛɛ tilennin lo. Galon t'a la, juguman t'a la.

Ezayi 1:4

Bɔnɛ ye aw ta ye! Aw jamana mɔgɔw, kojugukɛlaw! Aw ka kojugu doni b'aw kunna! Siyajuguw! Denkolon nunu! Aw banna Masaba la! Aw ye Isirayɛli ka Ala dɔgɔya. Aw y'aw kɔɔ d'a ma.

Ezayi 63:8

A ko: «Sɔbɛ la, u kɛra ne ka jama ye. Deen minw lo, u tena ne janfa.» O la, a kɛra u kisibaga ye

Oze ta kitabu 9:9

U kɔgɔra juguya la i ko Gibeyakaw. Ala tena ɲinɛ u ka juguya kɔ, a bena u ka hakɛw juru sara u la.

Sofoni 3:7

Ne tun ko u kɔni bena siran n ɲa, ka sɔn n ka ladili ma! O la, u ka dugu tun bena to yen. Tuma o tuma ne tun mana kuma u fɛ, u tun be banba le ka dɔ fara u ka kojuguw kan.

Jateri 23:21

A ma tilenbaliyako ye Yakuba kɔmɔgɔw la, a ma kojugu ye Isirayɛlidenw fɛ. Masaba u ka Ala tora u fɛ, Masaba ka folikan be bɔra u fɛ.

Matiyu 16:4

Bii mɔgɔw ka jugu, u murutira Ala ma, u b'a fɛ ko ne ka kabako dɔ kɛ u ɲana, nga kabako si tena kɛ k'a yira u la ni kira Zonasi ta ɲɔgɔn tɛ.» O kɔ, a y'u lɔnin to yen ka tɛmɛ n'a ka sira ye.

Matiyu 17:17

Yezu y'a fɔ ko: «Aw bii mɔgɔw kɔni, aw ka jugu, aw te la Ala la. Ne bena to n'aw ye k'aw ka koo muɲu fɔɔ tuma jumɛn? Aw ye na ni deen nin ye yan.»

Matiyu 3:7

Zan y'a ye ko *Fariziɲɛ caaman ni *Saduseɲɛ caaman be nana batize ale fɛ minkɛ, a y'a fɔ u ye ko: «Aw fɔnfɔnnidenw, jɔn y'aw lasɔmi ko aw ka boli Ala ka kiti nata ɲa?

Luka 9:41

Yezu y'a fɔ ko: «Aw bii mɔgɔw kɔni, aw ka jugu, aw te la Ala la. Ne bena to n'aw ye k'aw ka koo muɲu fɔɔ tuma jumɛn?» A y'a fɔ deen faa ye ko: «Na n'i dencɛ ye yan.»

Yuhana 8:41

Aw b'aw faa ka kɛwaliw le kɛ.» U y'a jaabi ko: «A ma kɛ i n'a fɔ ko anw ye ɲamɔgɔdenw ye dɛ! Faa kelen le be an fɛ: o ye Ala ye.»

Kɛwalew 2:40

Piyɛri y'a fɔ u ye fana ko: «Aw ye jija k'aw ka kɛwaliw yɛlɛma janko aw ni mɔgɔjugu nunu kana kɛ kelen ye.» A ye kuma wɛrɛw fɔ k'u jaa gwɛlɛya.

Kɛwalew 7:51

«Tulogwɛlɛnw! Alalɔnbaliw! Aw t'aw tulo yɛlɛ ka mɛnni kɛ Ala fɛ dɛ! Halibi aw be ban Nii Senuman ma. Aw faaw tun be cogo min na, aw fana be ten.

Kor 2nan 11:3

Nga ne be siran ko aw hakili kana ɲagami, k'aw yɔrɔ jaɲa Krista ka kɔnɔgwɛ la, i n'a fɔ saa ye Awa namara n'a ka cekuya ye cogo min na.

Sariya 31:29

Bari ne b'a lɔn ko ne sanin kɔ, aw bena kɛ mɔgɔjuguw yɛrɛ yɛrɛ ye. Ne ye sira min yira aw la, aw bena aw yɔrɔ jaɲa o la. Kojugu bena aw sɔrɔ waati nata la bari aw bena kojugu kɛ Masaba aw ka Ala ɲakɔrɔ, k'a dusu dimi n'aw ka kɛwaliw ye.»

Sariya 32:20

A ko: «N bena n yɛrɛ dogo u la, n ben'a ye u ka siniko bena kɛ min ye. Bari mɔgɔjuguw lo, deen tilenbaliw lo.

Sariya 4:16

Aw kana kojugu kɛ, ka jaa lɛsɛ k'o kɛ joo ye k'a kɛ i n'a fɔ muso, walima cɛɛ jaa,

Sariya 4:25

«N'aw sigira ka mɛn jamana nin kɔnɔ, ka deenw sɔrɔ ani mamadenw, n'aw y'aw yɛrɛ nigɛ, ka joo dilan fɛɛn o fɛɛn jaa la, ka kojugu kɛ Masaba aw ka Ala ɲakɔrɔ, k'a kɛ a be dimi,

Sariya 9:24

Kabini ne y'aw lɔn, aw be to ka muruti Masaba ma.

Filipikaw 2:15

waasa aw ka kɛ mɔgɔ jalakibaliw ni mɔgɔɲumanw, ani Ala deenw ye, juguya te minw kɔnɔ fewu diɲɛ mɔgɔw cɛma, olu minw ka jugu ani u tilennin tɛ. Aw ka kɛ yeelen ye u cɛma i n'a fɔ lolow.

Kititigɛbagaw 2:19

Nga n'o cɛfari nin sara ka ban tuma min na, u be yɛlɛma k'u ka koo juguya tugu ka tɛmɛ u faaw ta kan, ka to ka joow sɔn k'u kunbiri gwan u ɲafɛ. U ma sɔn k'u ka taamajugu, n'u ka dusugwɛlɛyako dabila.