Sariya 32:47 - ALA KA KUMA

⁴⁷ Kuma nunu te kuma gwansanw ye, aw nii kisifɛn lo. O ben'a to aw be sijan sɔrɔ jamana nin kɔnɔ aw bena min ta Zurudɛn baji kɔfɛ.»

Jula NT of Côte d’Ivoire

⁴⁷ «Aw kana nin kumaw jate k’a kɛ kuma gbansan dɔrɔn ye dɛ! Nin kumaw le bɛna si di aw ma; sabu aw bɛna Zuridɛn ba tigɛ ka taga jamana min mina, nin kumaw le sababu ra aw bɛna sijan sɔrɔ o jamana ra.»

Sariya 32:47 Iomraidhean Croise

Zanaw 3:18

Lɔnniya be sii di a sɔrɔbaga ma. A sɔrɔbagaw fana dagamunin lo.

Zanaw 3:22

O bena sii d'i ma, o bena kɛ masirifɛn ye i kaan na.

Zanaw 4:13

I kalanna min na, o minɛ ka ɲa, kan'a to o be bɔ i kunna. A mara ka ɲa, e ka sii sɔrɔ sababu lo.

Zanaw 4:22

Bari, a sɔrɔbaga be sii sɔrɔ, a fana be kɛnɛya sɔrɔ.

Ezayi 45:19

Ne ma kuma dogo la, yɔrɔ dibinin dɔ la dugukolo kan. Ne m'a fɔ Isirayɛlidenw ye ko: ‹Aw ka ne yɔrɔ ɲini yɔrɔlakolon la!› Koo min ye tiɲɛ ye, ne Masaba b'o le fɔ. Min tilennin lo, n b'o le fɔ.

Sarakalasebagaw 18:5

«Aw ka ne ka sariyaw ni ne ka kuma bato. Ni mɔgɔ min y'o kɛ, o tigi bena balo o barika la. Ne le ye Masaba ye.

Amɔsi 5:4

Masaba be min fɔ Isirayɛlidenw ye, o filɛ nin ye: «Aw ka ne yɔrɔ ɲini, aw bena kisi.

Matiyu 6:33

Aw ka Ala ka masaya n'a ka tilenninya ɲini fɔlɔ, n'o kɛra, Ala bena fɛɛn tɔw bɛɛ d'aw ma.

Kɛwalew 7:38

Ka Isirayɛlidenw kafonin to kongokolon kɔnɔ, ale Musa le tun b'u ka koow ɲafɛ. Ale lo tun ye mɛlɛkɛ ka dalaminɛ ye an bɛmaw ka ɲɔgɔn lajɛnwaatiw la Sinayi kulu gɛrɛfɛ, ka Ala ka kuma fɔ an ye min be nii di.

Sariya 30:16

N b'a ɲini aw fɛ bii, ko Masaba aw ka Ala koo ka diya aw ye, aw ka taama a ka siraw kan, k'a ka kumaw bato, ani a ka sariyaw n'a ka landaw, janko aw ka sii sɔrɔ ani ka caya. Aw bena don jamana min kɔnɔ k'a kɛ aw ta ye, Masaba aw ka Ala bena hɛrɛ kɛ aw ye o yɔrɔ la.

Sariya 31:13

U ka denmisɛn minw t'a lɔn fɔlɔ, olu fana ka kan k'a mɛn k'a lɔn ka siran Masaba aw ka Ala ɲa, k'aw to jamana nin kɔnɔ, aw bena Zurudɛn baji tigɛ ka min minɛ.»

Sariya 33:25

I ka dugu dondaw sɔgɔnanw ka kɛ nigɛ ani zira ye, barika ka to i la i sii bɛɛ la.

Sariya 4:40

Aw k'a ka sariyaw n'a tanafɛnw bato, ne be minw fɔra aw ye bii, janko aw, n'aw kɔmɔgɔw ka hɛrɛ ni sijan sɔrɔ jamana nin kɔnɔ, Masaba aw ka Ala be min dira aw ma aw ka to n'a ye.»

Sariya 4:6

Aw k'a bato ka ɲa, bari siya wɛrɛ minw bena sariya nunu koo mɛn, olu ben'a lɔn o la ko aw ye lɔnnikɛlaw ni hakilitigiw ye. U ben'a fɔ ko: ‹Lɔnniya be siya barikaman nin fɛ, hakilitigiw lo.›

Sariya 8:3

A y'aw majigi k'aw tɔɔrɔ ni kɔngɔ ye, ka sɔrɔ ka maanɛ di aw ma, aw n'aw bɛmaw tun te min lɔn. A y'a yira aw la ten ko mɔgɔ te balo ni dumunifɛn dama ye, nga a be balo ni Masaba dalakuma fana ye.

Tim fɔlɔ 4:8

Bari ka jija farikolo tolon na, nafa dɔɔni b'o la, nga nafa be Ala ɲasiran na kosɔbɛ. Sii ni nii banbali bɛɛ be sɔrɔ o la.

Piy 2nan 1:16

An ye Yezu Krista, an Matigi ka setigiya n'a ka nako min fɔ aw ye, o te siirin koo ye dɛ! Nga anw yɛrɛ ɲaa lara a ka nɔɔrɔ kan.

Piy 2nan 1:3

Tiɲɛ na, an mako be fɛɛn min na, an ka se ka taama Alaɲasiran na, Matigi y'o bɛɛ d'an ma a ka setigiya barika la, ale min y'an wele k'a ka nɔɔrɔ ni sebagaya d'an ma, waasa an ka se k'ale lɔn kosɔbɛ.

Yirari 22:14

Mɔgɔ minw b'u ka faniw ko, janko u ka don dugu nin kɔnɔ n'a dondaw ye, ka niyɔrɔ sɔrɔ yiri la, min be nii di mɔgɔ ma, olu bena dagamu.