Sariya 32:27 - ALA KA KUMA

²⁷ Nga ne siranna ko u juguw kana yɛlɛ ne la, ka miiri k'olu yɛrɛ le ye koo nin kɛ, ko ne t'a kɛbaga ye.

Jula NT of Côte d’Ivoire

²⁷ Nka ne siranna o juguw kosɔn; olugu kana na o yɛrɛ bonya, k’a fɔ ko: Anw yɛrɛ baraka le sera o ra, nin bɛɛ tɛ Matigi Ala nɔ ye.

Sariya 32:27 Iomraidhean Croise

Mas fɔlɔ 20:28

Ala ka mɔgɔ nin gwɛrɛla Isirayɛli mara masacɛ la k'a fɔ a ye ko Masaba y'a fɔ ko: «Sirikaw y'a fɔ ko ne ye kulu kan Ala ye minkɛ, ko n te kɛnɛba ta ye. O la, ne bena jamaba nin don i bolo. O la, aw ben'a lɔn ko ne le ye Masaba ye.»

Zaburu 140:8

Matigi, Masaba, ne kisibaga barikaman, i be ne tanga kɛlɛ loon na.

Zaburu 140:9

Masaba, kan'a to mɔgɔjugu ka ɲinita be kɛ. Kan'a to a ka kolatigɛninw be kɛ, janko a kan'a yɛrɛ funu.

Bɔri 32:12

N'i y'o kɛ, Ezipitikaw ben'a fɔ ko i ka juguya kama lo i bɔra n'an ye janko k'an faga kuluw yɔrɔ la, k'an sii tunu ka bɔ dugukolo kan. I dusu mala. I b'a fɛ ka kojugu min kɛ i ka jama na, o dabila.

Ezayi 37:10

«Aw k'a fɔ Zuda mara masacɛ Ezekiyasi ye ko a jigi b'a ka Ala min kan, a kana sɔn ale k'a nigɛ ko Zeruzalɛmu tena don ne Asiri masacɛ bolo dɛ!

Ezayi 37:35

Ne bena dugu nin tanga k'a kisi ne yɛrɛ, ni n ka baarakɛla Dawuda kosɔn.› »

Ezayi 47:7

I ko: ‹N bena to faamaduguya la kudayi!› Koo minw tun be kɛra, i ma miiri ka ɲa o la. U bena laban cogo min na, i m'o jati minɛ.

Ezayi 48:11

N tɔgɔ kosɔn, tiɲɛ na, n bena koo kɛ. N ben'a to n tɔgɔ be cɛn cogo di? N ka kan ni boɲa min ye, n t'o di mɔgɔ wɛrɛ ma.

Yeremi 19:4

Bari u banna ne la, u ye yɔrɔ nin kɛ cogo dɔ la fɔɔ mɔgɔ be fili a ma. U ye siya wɛrɛw ka joow sɔn yen, olu n'u faaw ani Zuda mara masacɛw ma minw lɔn. U ye yɔrɔ nin fa ni mɔgɔ jalakibaliw joli ye.

Kasikan 1:9

U ka baarajugu nɔɔ be ye u kan. U tun te miiri u labancogo la. U benko kɛra kabako ye. Dususaalobaga t'u la. U ko: «Masaba, an ka tɔɔrɔ filɛ, an juguw be barika sɔrɔla.»

Daniyɛli 4:27

masacɛ ko: «Babilɔni duguba! Ne ye min sigi ni n ka fanga, ni n ka sebagaya ye, k'a kɛ masadugu ye ne ka kunkɔrɔta kama, ale te nin ye wa?»

Jateri 15:30

Nga mɔgɔ o mɔgɔ, dugulen fara lonan kan, n'a tugura ka kojugu kɛ, o tigi ye ne Masaba hakɛ ta, a ka kan ka gwɛn ka bɔ a ka mɔgɔw cɛma.

Sariya 9:28

I y'an bɔ jamana min na, kan'a to o jamana mɔgɔw k'a fɔ ko: Masaba tun ye jamana min layidu ta u ye, a tun tena se ka don n'u ye o yɔrɔ la, u koo tun man d'a ye, o la, a bɔra n'u ye ka taga u faga kongokolon kɔnɔ.

Yosuwe 7:9

Kanaanw ni jamana nin kɔnɔ mɔgɔw bɛɛ bena o mɛn, u bena wili ka na an datugu k'an sii ban pewu dugukolo kan. O tuma na, i bena mun le kɛ i tɔgɔba nin kosɔn?»

Sam fɔlɔ 12:22

Masaba tɔgɔ ka bon. O le kosɔn, a tena sɔn k'a ka jama fili, bari a y'a latigɛ k'aw kɛ a ka jama ye.