Sariya 32:24 - ALA KA KUMA

²⁴ U barika bena dɛsɛ kɔngɔ bolo, farigwan ni fɔɲɔbana ben'u fasa. N bena sogojuguw ci u ma, n bena sajuguw ci u ma.

Jula NT of Côte d’Ivoire

²⁴ Ne bɛna kɔngɔ ben o kan, fɔ ka o baraka ban; ka farigban ni banajuguw bla o ra fɔ ka o faga. Ne bɛna kongowaraw bla o cɛ ra, o ye o kin, ka sajuguw bla o cɛ ra fana, o ye o kin.

Sariya 32:24 Iomraidhean Croise

Damina 3:14

Masa Ala y'a fɔ saa ye ko: «I y'o kɛ minkɛ, i dangana begɛnw ni kongosogow bɛɛ cɛma! I bena fofo i kɔnɔbara kan, ka buguri dumu i sii bɛɛ la.

Damina 49:15

A y'a ye ko a ka lafiɲɛyɔrɔ ka ɲi, ko a ka mara ka di. A sɔnna ka doni ta, a y'a yɛrɛ bila jɔnyabaara la.

Ayuba 20:16

A tun be fɛɛn min minna, o ye saa ka baga ye, a ka jugu fɔnfɔnni ka baga ye.

Zaburu 120:4

O bena kɛ kɛlɛkɛbiɲɛw ye, u ye minw don takami kɔnɔ k'u diya!

Zaburu 91:6

Banajugu min be na dibi kɔnɔ, walima fɔɲɔbana min be yɛlɛmayɛlɛma tilefɛ, e tena siran o si ɲa.

Ezayi 65:25

Kongowulu ni sagaden bena dumuni kɛ ɲɔgɔn fɛ, jara bena biin ɲimi i ko misi. Saaw tena cinni kɛ tugu. Kojugu, walima cɛnni tena kɛ ne ka kulu senuman yɔrɔ si la.» Masaba le ko ten.

Yeremi 14:18

Ni n tagara kongo kɔnɔ, minw fagara ni murujan ye, olu b'o yɔrɔ la. Ni n nana dugu kɔnɔ, minw be tɔɔrɔla kɔngɔ bolo, olu le be yen. Kiraw ni sarakalasebagaw be munumununa jamana kɔnɔ, u te foyi faamuna.› »

Yeremi 15:3

«Ne be bɔnɛ naani le ci u ma. Ne Masaba le ko ten. U bena faga ni murujan ye, wuluw b'u kooro, kɔnɔw ni kongosogow b'u dumu, k'u ban.

Yeremi 16:4

«Banajuguw le bena u faga. U sanga tena kɛ, u suu yɛrɛ tena don, u bena kɛ i n'a fɔ nɔgɔ dugukolo kan. Murujan ni kɔngɔ bena u halaki. U suuw be kɛ kɔnɔw ni kongosogow ka dumuni ye.»

Yeremi 8:17

Masaba ko: «Ne be saa farimanw cira aw kama, mɔgɔ ka namara te se minw kɔrɔ. U bena aw cin.»

Kasikan 5:10

An fari gwannin lo i ko gwaa, kɔngɔ gwankojugu bolo.

Ezekiyɛli 14:15

«Ni ne ye warajuguw bila ka jamana nin yaala, n'u ye mɔgɔw bɛɛ faga, ka jamana nin kɛ yɔrɔlakolon ye fɔɔ mɔgɔ si te tɛmɛ yen wara nunu ɲasiran kosɔn,

Ezekiyɛli 14:21

Ayiwa, ne Matigi, Masaba be min fɔ, o filɛ nin ye: «Hali ni ne ye tɔɔrɔko naani nunu lase Zeruzalɛmu ma: murujan, ni kɔngɔ, ni warajuguw, ani fɔɲɔbana, k'a kɔnɔ mɔgɔw ni begɛnw faga,

Ezekiyɛli 5:17

Ne bena kɔngɔ ni kongosogow bila aw la k'aw deenw faga. Fɔɲɔbana ni mɔgɔfaga bena se aw fɛ. Ne bena murujan bila ka na aw kama. Ne Masaba le ko ten.»

Sarakalasebagaw 26:22

Ne bena sogojuguw bila aw la, u bena aw deenw minɛ k'aw ka begɛnw halaki. Aw tɔɔ bena kɛ fitini fɔɔ mɔgɔ tena sɔrɔ min be taama aw ka siraw kan tugu.

Amɔsi 9:3

N'u tagara dogo Karimɛli kulu kunna, ne be taga u yɔrɔ ɲini k'u minɛ yen. N'u tagara kɔgɔji jukɔrɔ ka tunu n na, ne be sira di jii kɔnɔ saa ma k'u cin.

Mise 7:17

U bena buguri dumu i ko saa, u bena kɛ i ko fɛɛn minw be fofo u kɔnɔbara kan. U yɛrɛyɛrɛtɔ le bena bɔ u ka yɔrɔ barikamanw na, u jaa tigɛnin. U bena u ɲaa sin Masaba an ka Ala ma siranya fɛ.

Habakuki 3:5

Fɔɲɔbana le b'a ɲa, banajugu be tugur'a kɔ.

Sariya 28:22

Masaba bena aw sɛgɛn ni sɔgɔsɔgɔgwɛ ni farigwan ani jolijugu ye. A bena fɔɲɔ gwanninman wili ka jaa don aw ka yɔrɔ la, sumanw bena ja, walima u bena toli. O koow bɛɛ bena aw sɔrɔ fɔɔ aw ka tunu.

Sariya 28:48

o la, Masaba bena aw jugu minw bila ka na aw kama, aw bena baara kɛ olu ye. Kɔngɔ ni minnɔgɔ bena kɛ aw la, aw farilakolon bena to, aw bena dɛsɛ haali. A bena sigɛnba la aw kan fɔɔ k'aw faga.

Sariya 28:53

«Aw juguw bena tɔɔrɔ minw lase aw ma k'aw datugunin to u fɛ, Masaba aw ka Ala ye dencɛ ni denmuso minw di aw ma, aw bena olu dumu o tɔɔrɔ nunu kosɔn.