Sariya 32:21 - ALA KA KUMA

²¹ U ye keliya don ne la ni batofɛnkolonw ye, u ye ne dusu wili n'u ka joow ye. Siya min te foyi ye, ne bena olu kɛ ka keliya don u la. Hakili te siya min fɛ, n ben'a kɛ u be dimi olu kosɔn.

Jula NT of Côte d’Ivoire

²¹ Fɛn minw tɛ Ala ye, o ka ne ni olugu kɛ kelen ye, k’a to ne dimina. O ka o ta batofɛn gbansanw le bato, fɔ ka ne jusu bɔ. O kosɔn siya min tɛ siya ɲanaman ye, ne bɛna o ɲangboya don o ra; ne bɛna siya hakirintan dɔ le ta, janko ka dimi don o ra.

Sariya 32:21 Iomraidhean Croise

Mas fɔlɔ 14:22

Zuda mara mɔgɔw ye kojugu kɛ Masaba ɲakɔrɔ. U ye kojugu minw kɛ, o le ye Masaba dimi ka tɛmɛ u faaw ta kan.

Mas fɔlɔ 14:9

Ko mɔgɔ minw kɔnn'a ɲa, a ye kojugu kɛ ka tɛmɛ olu bɛɛ kan. Ko a ye batofɛn wɛrɛw dilan a yɛrɛ ye, a ye nigɛ kɛ ka joow dilan janko k'ale dimi. Ko a ye ale bila kɔfɛ.

Mas fɔlɔ 16:13

Bari Bayesa n'a dencɛ Ela tun ye kojugu caaman kɛ, ka Isirayɛlidenw bila o la fana. U tun ye joow dilan, fɛɛn kuntan nunu, o ye Masaba, Isirayɛli ka Ala dimi.

Mas fɔlɔ 16:26

A tugura Nebati dencɛ Zerobowamu kɔ k'a ka hakɛ bɛɛ ɲɔgɔn kɛ, min tun ye Isirayɛlidenw bila hakɛ la. O n'u ka josɔnko ye Masaba, Isirayɛli ka Ala dimi.

Mas 2nan 17:11

U tun be to ka wusulan jɛni sɔnnikɛyɔrɔw bɛɛ la i n'a fɔ Masaba tun ye siya minw gwɛn u ɲa. U ye kojuguw kɛ ka Masaba dimi.

Mas 2nan 17:15

U bann'a ka fɔtaw la, a tun bɛnna n'u faaw ye cogo min na, u banna o la, ani a tun y'u lasɔmi koo minw na. U tugura fɛɛn fufafuw kɔ k'u yɛrɛ kɛ mɔgɔkolonw ye. U tun be to k'u laminisiyaw ka kɛwaliw ɲɔgɔn kɛ, k'a sɔrɔ Masaba tun ko u kana o kɛ.

Mas 2nan 21:6

A y'a dencɛ jɛni ka joo sɔn n'a ye, ani ka filɛli kɛ. A tagara sukɔrɔ welebagaw ni lagwɛlikɛlaw fɛ. A ye kojugu caaman kɛ Masaba ɲakɔrɔ k'a dimi.

Mas 2nan 22:17

U banna ne la minkɛ ka taga wusulan jɛni batofɛn wɛrɛw ye, ka ne dusu dimi n'u ka kɛwali sifa bɛɛ ye, o la, ne diminin bena to tuma bɛɛ yɔrɔ nin kama.› »

Zaburu 31:6

Ne be n nii segi i ma. Ele Masa Ala tiɲɛtigi ye ne hɔrɔnya.

Zaburu 78:58

U y'a dusu dimi n'u ka sɔnnikɛyɔrɔw ye. U ka joow sababu la, keliya donn'a la.

Ezayi 65:3

Koo minw be ne dimi, u be to k'o le kɛ n ɲaa na. U be taga sɔnni kɛ tuuw kɔnɔ, u be wusulanw jɛni sarakabɔyɔrɔ kan min lɔra ni kabakuru ye.

Yeremi 10:8

Olu bɛɛ lajɛnnin ye nalonmanw ye, hakilitanw lo. U be hakili min sɔrɔ joo lɔgɔlaman fɛ, fuu lo.

Yeremi 14:22

Siyaw ka joow cɛma, dɔ be yen min be se k'a to sanji be ben wa? Yala sankolo barika le be na ni sanji ye wa? Masaba an ka Ala, e le te sanji dibaga ye wa? An jigi be e le kan, bari e le be o koow bɛɛ kɛ.

Yeremi 18:15

K'a sɔrɔ ne ka mɔgɔw ɲinɛna ne kɔ ka to ka taga joow sɔn, minw ye fɛɛn fuw ye. O le b'u tunu u ka sira kan. U be talontalonna sirakɔrɔw kan k'u bila ka sirakolonw ta,

Yeremi 2:11

Siya jumɛn b'a ka batofɛnw yɛlɛma? K'a sɔrɔ batofɛn ɲanamanw yɛrɛ tɛ. Nga ne ka mɔgɔw y'u kunkɔrɔtabaga falen ni fɛɛn fufafuw ye.

Yeremi 5:7

Zeruzalɛmu, ne bena yafa i ma ka la mun kan? I deenw banna ne la, ka to ka kali joow kan. Ne tun y'u makoyafɛnw bɛɛ d'u ma, O n'a ta bɛɛ, u be tila ka kakalaya kɛ. U fanin lo sungurubabaw ka soow kɔnɔ.

Yeremi 7:18

Deenw be lɔgɔ ɲini, faaw be tasuma mana, musow be mugu nɔɔni ka ŋɔmi yiran k'o di joo ma min be wele ko Sankolo kɔnɔ masamuso, ani ka jii bɔn ka batofɛn wɛrɛw sɔn janko ka ne dusu dimi.

Yeremi 8:19

Ne ka mɔgɔw kasikan be bɔra k'u to fɔɔ yɔrɔjan. U ko: «Masaba te *Siyɔn dugu kɔnɔ tugu wa? Dugu masacɛ te yen tugu wa?» Mun na mɔgɔ nunu be ne dusu dimi n'u ka josɔnko ye? Joo minw ye siya wɛrɛw ta ye.

Ezekiyɛli 8:3

A y'a bolo kɛ ka ne minɛ ne kunsigi ma. Ala Nii ye ne kɔrɔta sanfɛ, ka taga ni ne ye Zeruzalɛmu yelifɛn nin kɔnɔ fɔɔ ka taga se Alabatoso kɔnɔnalu daa la min ɲasinnin be kɔgɔdugu ɲafan fɛ. Joo min ye keliya bila Ala la, o tun be o yɔrɔ la.

Yunusu 2:8

Ne ninakili degunna tuma min na fɔɔ a tun be ɲini ka lɔ, ne hakili jigira, ne y'a fɔ ko: ‹Masaba.› E fana ye n kaan mɛn k'i to e batoso kɔnɔ.

Kɛwalew 11:15

Ne y'a daminɛ ka kuma n'u ye dɔrɔn, Nii Senuman jigira u kan i n'a fɔ a tun jigira anw kan koow daminɛtuma na cogo min na.

Kɛwalew 14:15

«Aw be mun le kɛra yan ten? Anw t'aw ɲɔgɔn mɔgɔw ye wa? Anw nana kibaru diman fɔ aw ye, janko aw ka faran kofufafu nunu na, k'aw ɲaa sin Nitigi Ala ma, min ye sankolo, ni dugukolo, ani kɔgɔji n'u kɔnɔnafɛnw bɛɛ dan.

Rɔmukaw 10:19

Ne be n yɛrɛ ɲininga tugu ko: «Isirayɛlidenw tun ma nin faamu wa?» Musa kɔnna ka Ala ka kuma nin fɔ ko: «Siya min te foyi ye, ne bena olu kɛ ka keliya don aw la. Hakili te siya min fɛ, ne ben'a kɛ aw be dimi olu kosɔn.»

Rɔmukaw 9:25

I ko a fɔra cogo min na Oze ka kitabu kɔnɔ ko: «Mɔgɔ minw tun te ne Ala ka mɔgɔw ye, ne bena olu kɛ n ka mɔgɔw ye, ani minw koo tun man di ne ye, ne bena olu koo diya n yɛrɛ ye.

Kor fɔlɔ 10:22

Walima an b'a fɛ ka keliya don Matigi la wa? See b'an ye ka tɛmɛ ale kan wa?

Sariya 32:16

Isirayɛlidenw ka josɔnko ye keliya bila Masaba la, u ka kɛwalikolonw y'a dusu gwan.

Sariya 32:17

U ye sarakaw bɔ jinaw ye, minw te Ala ye, u tun te batofɛn minw lɔn. Fɛɛn natɔ kuraw lo, aw bɛmaw yɛrɛ tun ma siran minw ɲa.

Sam fɔlɔ 12:21

Aw kana bɔ a kɔ. N'o tɛ, aw bena taga fɛɛn kuntan dɔw kɔ, minw tena aw mako ɲa, u fana tena se k'aw kisi, bari u te foyi ye.