Sariya 32:17 - ALA KA KUMA

¹⁷ U ye sarakaw bɔ jinaw ye, minw te Ala ye, u tun te batofɛn minw lɔn. Fɛɛn natɔ kuraw lo, aw bɛmaw yɛrɛ tun ma siran minw ɲa.

Jula NT of Côte d’Ivoire

¹⁷ O ka sarakaw bɔ jinaw ye, o minw tɛ Ala ye. O ka ala wɛrɛw bato, o tun ma minw lɔn kakɔrɔ; ala minw bɔra kura ye, o bɛmaw tun ma deri ka minw bato.

Sariya 32:17 Iomraidhean Croise

Bɔri 32:8

Ne ye min fɔ u ye k'a gwɛlɛya, u y'o bila joona. U ye sanu yelen k'a kɛ misiden jaa ye, k'u kunbiri gwan a kɔrɔ ani ka sarakaw bɔ a ye, k'a fɔ ko: ‹Isirayɛlidenw, aw k'aw ka batofɛn filɛ, min y'aw bɔ Ezipiti.› »

Ezayi 44:8

Aw kana siran, aw jaa kana tigɛ. Aw m'a mɛn ne fɛ wa? Ne m'a fɔ aw ye kabini tumajan wa? Aw te ne seerew ye wa? Ala dɔ wɛrɛ be yen ne kɔ wa? Siga t'a la, tangabaga wɛrɛ te yen ne kɔ, ne be min lɔn.»

Yeremi 10:15

Fɛɛn fufafuw lo, baara lo kuun te min na. N'u ka kitiwaati sera, u bena tunu.

Yeremi 19:4

Bari u banna ne la, u ye yɔrɔ nin kɛ cogo dɔ la fɔɔ mɔgɔ be fili a ma. U ye siya wɛrɛw ka joow sɔn yen, olu n'u faaw ani Zuda mara masacɛw ma minw lɔn. U ye yɔrɔ nin fa ni mɔgɔ jalakibaliw joli ye.

Yeremi 44:3

U ka kojuguw kama lo u ye minw kɛ ka ne dimi. U tagara joow sɔn, k'u bato, u tun te minw lɔn, aw n'aw faaw fana ma minw lɔn.

Sarakalasebagaw 17:7

O la, u tun be to ka kakalaya kɛ ka bakɔrɔnin jaa minw sɔn, u kana u ka sarakaw faga olu ye tugu. O ye sariya ye min tena dabila abada u n'u kɔmɔgɔw bɛɛ fɛ.

Amɔsi 5:25

Isirayɛlidenw, aw ye boɲafɛnw di ka sarakaw bɔ ne ye saan bi naani kongokolon kɔnɔ wa?

Kor fɔlɔ 8:4

Min ye josɔnsogo ɲimiko ye, an y'a lɔn ko joo te foyi ye diɲɛ na, an y'a lɔn fana ko Ala ye kelen ye.

Sariya 13:8

minw ye aw lamini siyaw ka batofɛnw ye, minw yɔrɔ ka surun, walima minw yɔrɔ ka jan aw la, fɔɔ jamana daan na,

Sariya 28:64

«Masaba bena aw yɛrɛkɛ siyaw bɛɛ cɛma, k'a ta dugukolo faan dɔ fɛ ka ta'a bila faan wɛrɛ fɛ. O yɔrɔ la, aw bena fɛɛn wɛrɛw bato, joo yirilamanw ani kabakurulamanw, aw ni aw bɛmaw tun te minw lɔn.

Sariya 32:21

U ye keliya don ne la ni batofɛnkolonw ye, u ye ne dusu wili n'u ka joow ye. Siya min te foyi ye, ne bena olu kɛ ka keliya don u la. Hakili te siya min fɛ, n ben'a kɛ u be dimi olu kosɔn.

Tim fɔlɔ 4:1

Nii Senuman b'a fɔ k'a gwɛ ko laban tuma na, mɔgɔ dɔw bena u jigi bɔ Yezu Krista kan. U bena mɛnni kɛ namaramɔgɔw fɛ, ani ka sɔn jinaw ka kalan ma.

Yirari 9:20

Mɔgɔ minw tora n'u ma sɔrɔ ka sa balawu nin na, sanni u ka nimisa k'u ka kɛwalijuguw dabila, u tora ka jinaw bato, ka joow sɔn. O joow tun ye sanu ye, dɔw warigwɛ, dɔw zira, dɔw kabakuru, dɔw lɔgɔkuru, k'a sɔrɔ o batofɛn nunu te yeli kɛ, u te mɛnni kɛ, u te se ka taama.

Kititigɛbagaw 5:8

U tun tugura joow kɔ, kɛlɛ fana wilila, k'a sɔrɔ nigɛkunbɛnnan ni taman yɛrɛ ma sɔrɔ Isirayɛliden mɔgɔ waa bi naani fɛ.