Sariya 32:15 - ALA KA KUMA

¹⁵ Yesurun tulɔra ka boɲa, ka sɔrɔ ka muruti. A fara, a tulɔra ka waga. A y'a Danbaga Ala bila, a y'a Kisibaga n'a Tangakabakuru bila.

Jula NT of Côte d’Ivoire

¹⁵ Nka Yesurun fara fɔ ka tɔrɔ minkɛ, a murutira. O fara, ka bonya, ka tɔrɔ minkɛ, o bɔra o danbaga Ala kɔ; o ka o kɔ di o ta barakatigi ma, min kɛra o kisibaga ye.

Sariya 32:15 Iomraidhean Croise

Sam 2nan 22:47

Masaba, e tɔgɔ ka tanu! Boɲa ka la ne tangakabakuru kan! Ne kisibaga barikaman Ala ka tanu!

Lok fɔlɔ 5:25

Nga o kɔ, u ma tilen u faaw ka Ala ma, u ye kakalaya kɛ. Ala tun ye siya minw halaki u ɲa jamana nin kɔnɔ, u ye olu ka joow sɔn.

Lok 2nan 12:1

Orobowamu sigira ka ɲa a ka masaya la ka barika sɔrɔ tuma min na, a ma Masaba ka sariya bato tugu, ale ni Isirayɛlidenw bɛɛ.

Lok 2nan 26:16

Nga a ye fanga sɔrɔ tuma min na, yɛrɛboɲa donn'a la, o nana n'a ka bɔnɛ ye. A ma tilen Masaba a ka Ala ma, a tagara don Masaba batoso kɔnɔ wusulan jɛniyɔrɔ la ko ale be wusulan jɛni.

Nehemi 9:25

U sera ka dugu farimanw minɛ ani dugukoloɲumanw, ka soow minɛ, minw fanin be minan sifa bɛɛ la, ani kɔlɔnw, ni *ɛrɛzɛnforow, ani olivuforow ni yiri minw be deen caaman. U ye dumuni kɛ ka fa, ka boɲa. U tora ɲasuma na i ka ɲumanya kosɔn.

Nehemi 9:26

«O bɛɛ n'a ta, u wilila ka muruti i ma, i ye sariya min sigi u ye, u y'o bila kɔfɛ. U ye i ka kiraw faga, e tun ye minw ci janko olu k'u dɛmɛ u ka kɔsegi i ma. A kɛra ten, u ye kojuguba kɛ i la.

Ayuba 15:27

A ɲada tun ka ɲi, a tun ka bon kosɔbɛ.

Zaburu 100:3

Aw k'a lɔn ko Masaba le ye Ala ye. Ale lo ye an dan, an y'a ta ye. An be i ko sagakulu, a be min mara.

Zaburu 119:70

U hakili ka dɔgɔ, u te faamuyali kɛ. Nga ne kɔni, e ka sariya le koo ka di ne ye.

Zaburu 17:10

U te makari fewu. U ka kuma ye yɛrɛboɲakuma ye.

Zaburu 18:46

u jigi tigɛra, u yɛrɛyɛrɛtɔ be bɔra u ka dogoyɔrɔ barikamanw na.

Zaburu 73:7

Juguya ni miiriyajugu le b'u kɔnɔ.

Zaburu 81:11

Ne Masaba aw ka Ala le y'aw bɔ Ezipiti jamana na. Aw k'aw daa yɛlɛ kosɔbɛ, ne ben'a fa.»

Zaburu 89:26

Ne ben'a kɛ kɔgɔji kuntigi ye, a ka fangatigiya bena se baji ma.

Zaburu 89:27

Ale bena ne wele ko: ‹N faa, n ka Ala, n kisikabakuru.›

Zaburu 95:1

Aw ye na an ka nisɔndiyapɛrɛnkan bɔ Masaba ye, an k'an kisikabakuru boɲa.

Ezayi 1:4

Bɔnɛ ye aw ta ye! Aw jamana mɔgɔw, kojugukɛlaw! Aw ka kojugu doni b'aw kunna! Siyajuguw! Denkolon nunu! Aw banna Masaba la! Aw ye Isirayɛli ka Ala dɔgɔya. Aw y'aw kɔɔ d'a ma.

Ezayi 43:1

Isirayɛlidenw, Masaba min ye aw dan, ale ye min fɔ sisan, o filɛ, ale min ye aw labɛn, ale lo ko: «Aw kana siran, bari ne y'aw kunmabɔ, ne le y'aw wele, aw kɛra n yɛrɛ ta ye.

Ezayi 44:2

Ne Masaba min ye aw dan, ne min ye aw labɛn aw baa kɔnɔ, ne min ye aw dɛmɛbaga ye, ne le ko: Ne ka baarakɛlaw Isirayɛlidenw, aw kana siran, ne ye aw minw ɲanatɔmɔ.

Ezayi 6:10

A kɛ jama nin tulo ka gwɛlɛya! U tulow geren k'u ɲaaw nɔrɔ! U kana yeli kɛ, u kana mɛnni kɛ. U kana foyi faamu, u kana se ka nimisa ka faran u ka kojuguw la, ka kɛnɛya.»

Yeremi 2:31

Aw bii mɔgɔw, aw ka mɛnni kɛ ne Masaba ka kuma na. O tuma, ne kɛra siranfɛn ye, i ko kongokolon Isirayɛlidenw fɛ wa? Walima dibiyɔrɔ? Mun na ne ka mɔgɔw b'a fɔ ko: ‹An kɛra an yɛrɛ ta ye. An tena segi e ma tugu›?

Yeremi 2:32

Sunguru be se ka ɲinɛ a ka masirifɛnw kɔ wa? Kɔnyɔmuso be ɲinɛ a ka cɛsirinan kɔ wa? Nga ne ka mɔgɔw ɲinɛna ne kɔ kabini tumajan.

Yeremi 2:5

Masaba ko: «Aw faaw ye jalakiyɔrɔ jumɛn ye ne la fɔɔ ka ban ne la, ka tugu fɛɛn fufafuw kɔ, fɔɔ olu yɛrɛ nana kɛ fɛɛn fufafuw ye?

Yeremi 5:28

U ka bonbon, u be manamana! U ɲɔgɔn te yen juguya la. Falatɔ ka kan ni min ye, u t'o d'a ma. Nga olu ka koow le be yiriwa. Dɛsɛbagatɔw ka kan ni min ye, u t'o kɛ.

Yeremi 5:7

Zeruzalɛmu, ne bena yafa i ma ka la mun kan? I deenw banna ne la, ka to ka kali joow kan. Ne tun y'u makoyafɛnw bɛɛ d'u ma, O n'a ta bɛɛ, u be tila ka kakalaya kɛ. U fanin lo sungurubabaw ka soow kɔnɔ.

Ezekiyɛli 14:5

A kɛra ten, Isirayɛlidenw, minw bɛɛ faranna ne la u ka joow kosɔn, ne b'a fɛ k'a kɛ u be kɔsegi ne ma.

Oze ta kitabu 13:6

Isirayɛlidenw nana dumuni sɔrɔ, u ye dumuni kɛ ka fa. U ye dumuni kɛ ka fa tuma min na, u fara u yɛrɛ la dɔrɔn ka ɲinɛ ne kɔ.

Oze ta kitabu 4:7

Sarakalasebagaw be cayara cogo min na, u be hakɛ kɛra ne ɲakɔrɔ ten. Ne bena u ka kunkɔrɔta yɛlɛma ka kɛ maloya ye.

Kɛwalew 28:27

Jama nin tulo ka gwɛlɛ. U y'u tulo datugu, k'u ɲaa tugu, waasa u kana yeli kɛ, u kana mɛnni kɛ, janko u kana faamuli kɛ. N'u tun y'a faamu, u tun bena u sɔɔn yɛlɛma. O la, ne Ala tun bena u kɛnɛya.›

Kɛwalew 9:5

A y'a jaabi ko: «E ye jɔn ye, Matigi?» Kumakan nin ko: «Ne Yezu lo i be min tɔɔrɔla.

Sariya 31:16

A y'a fɔ Musa ye fɔlɔ ko: «Yanni dɔɔni i bena taga i faaw fɛ. I sanin kɔ, jama nin bena don jamana min kɔnɔ, u ben'a daminɛ ka kakalaya kɛ k'o yɔrɔ siyaw ka joow sɔn. U bena ban ne la, ne ye bɛɛn min kɛ n'u ye, u bena o cɛn.

Sariya 31:20

Tiɲɛ na, ne tun ye jamana min layidu ta u bɛmaw ye, ne bena don ni jama nin ye o kɔnɔ, nɔnɔ ni lii ka ca kosɔbɛ yɔrɔ min na, jamana diman lo. U bena dumuni kɛ ka fa, ka boɲa, u bena yɛlɛma k'u ɲaa sin joow ma fana k'olu sɔn. U bena u ɲaa don ne la, ani ka ne ka bɛɛn cɛn.

Sariya 32:4

Ale lo ye tangakabakuru ye, a ka koo dafanin lo, a ka koow bɛɛ tilennin lo. Ala ye kantigi ye, tilenbaliya t'a ka koo la. Ale lo ye tiɲɛtigi ye, a tilennin lo.

Sariya 32:6

Siya naloman ni hakilitanw! Nin ye Masaba minɛcogo ye wa? Ale lo te aw Faa ye wa? Aw Danbaga tɛ wa? Ale lo y'aw kɛ siya ye.

Sariya 33:26

Yesurun, i ka Ala ɲɔgɔn te yen! A be bɔ sankolo la ka na i dɛmɛ, a be na sankabaw kan i ko sotigi, a be na a ka nɔɔrɔ kɔnɔ.

Sariya 33:5

Masaba kɛra Yesurun ka masa ye, jama kuntigiw ni Isirayɛlidenw bɛɛ lajɛntuma na.

Kititigɛbagaw 10:6

O kɔ, Isirayɛlidenw ye kojugu kɛ Masaba ɲakɔrɔ tugu. U ye *Baali ni *Asitarite sɔn yɔrɔ caaman na, ani Sirikaw ka joow, ni Sidɔnkaw, ani mowabuw ni amoniw, ni filisiw taw. U ye Masaba to yen u m'a bato tugu.

Sam fɔlɔ 2:29

Ko mun na aw be ale ka sarakaw n'a ka saraka jɛnita mafiɲɛya, a ye min latigɛ k'o ka kɛ ale ka soo kɔnɔ. Ani ko mun le y'a to e b'i deenw boɲa ka tɛmɛ ale kan, bari aw boɲana ale ka jama Isirayɛli ka sarakaw barika la.