Sariya 32:11 - ALA KA KUMA

¹¹ A kɛra i ko sɛgɛn min be tɛmɛ a ɲaga kunna k'a deenw dege pan na. A b'a gaman yɛrɛkɛ u jukɔrɔ, a b'u ta a gamanw kan.

Jula NT of Côte d’Ivoire

¹¹ i ko bɔn bɛ a kamanw lamaga cogo min na a ta denw kunna, janko ka o labɔ ɲaga kɔnɔ; o jigitɔ a b’a kaman yangan, ka o ta ka o la a kamansiw kan.

Sariya 32:11 Iomraidhean Croise

Damina 1:2

Dugukolo labɛnnin tun tɛ, a lakolon tun lo. Yɔrɔ bɛɛ tun ye jii ye, min ka dun, ni dibi b'a sanfɛ. Ala Nii tun be munumunu jii sanfɛ.

Zaburu 18:10

A ye sankolo dayɛlɛ ka jigi, sankababa tun b'a seen kɔrɔ.

Bɔri 19:4

Ko: ‹Ne ye min kɛ Ezipitikaw la, aw y'o ye, ne y'aw ta i n'a fɔ sɛgɛn be fɛɛn ta cogo min na ka na n'aw ye n fɛ.

Ezayi 31:5

Kɔnɔ be van k'a gaman waga cogo min na, o cogo kelen na, ne Masaba, Setigi bena n bolo kɛ ka Zeruzalɛmu sutara. N ben'a sutara k'a kisi, n ben'a dɛmɛ k'a bɔ bolo la.»

Ezayi 40:31

Nga, minw jigi be Masaba kan, olu be fangakura sɔrɔ. U be van i ko sɛgɛn, u be boli, u te sigɛn. U be taama, u fanga te ban.

Ezayi 46:4

N be to n cogo la fɔɔ ka taga se aw ka kɔrɔya ma, ne le bena lɔ n'aw ka koo ye fɔɔ ka se aw kunsigi gwɛwaati ma. Ne y'o kɛ ka ban, ne bena aw kɔrɔta, ne bena lɔ n'aw ka koo ye, ne bena aw kisi.

Ezayi 63:9

u ka tɔɔrɔwaatiw bɛɛ la. A ma mɔgɔ si ci ka na u kisi, ale yɛrɛ le y'u kisi. A b'u kanu, a be makari u la, o la, a y'u kunmabɔ. A y'u ɲun, a y'u ta fɔlɔfɔlɔ tilew bɛɛ la.

Yeremi 13:11

Mɔgɔ be cɛsirilan kɛ k'a cɛ siri cogo min na, o cogo kelen na, ne tun ye Isirayɛli ni Zuda mara mɔgɔw kɛ ka n cɛ siri. Waasa u ka kɛ ne ka mɔgɔw ye, ka kɛ sababu ye ne tɔgɔ ka bɔ, ani ne ka tanuli sɔrɔ, ani kunkɔrɔta. Nga u ma mɛnni kɛ ne fɛ. Ne Masaba le ko ten.

Oze ta kitabu 11:3

K'a sɔrɔ, ne le y'u dɛmɛ u ka taama na, k'u minɛ u bolo ma. Nga, u m'a lɔn ko ne tun be janto u la.

Sariya 33:12

Bɛnzamɛn kɔmɔgɔw ka koo la, Musa y'a fɔ ko: «U ye Masaba ka diyanamɔgɔw le ye, u hakili siginin be to u ka Ala gɛrɛfɛ. A b'u mara loon o loon, a be u cɛma.»

Heburuw 11:3

An lara Ala la minkɛ, o sababu la, an y'a lɔn ko diɲɛ danna Ala ka kuma seen fɛ. O la, an be fɛɛn minw yera, an b'a lɔn k'olu juu bɔra fɛɛn wɛrɛ la an te se ka min ye.

Yirari 12:14

Nga Ala ye gaman di muso ma, ko a ka van ka taga kongokolon kɔnɔ yɔrɔ dɔ la, min tun labɛnna a ye. A bena to yen n'a b'a daradumuni sɔrɔ fɔɔ saan saba ni tilan. Ale ni saa yɔrɔ jaɲanin bena to ɲɔgɔn na.

Yirari 12:4

A kuu ye lolow tilan sabanan bɛɛ furan ka jigi duguma. A lɔnin tun be muso ɲafɛ, waasa ni muso jigira, a k'a deen nin bɔsi k'a ɲimi.