Sariya 31:27 - ALA KA KUMA

²⁷ Bari ne be aw ka murutiko n'aw ka tulogwɛlɛya lɔn. Aw kɛra mɔgɔmurutininw ye Masaba kama, k'a sɔrɔ ne be nii na aw cɛma. Ni ne sara, aw bena kɛ cogo di sa?

Jula NT of Côte d’Ivoire

²⁷ Sabu ne ka aw ta murutiri ni aw ta torokungbɛlɛya lɔn. Ni aw murutira ka ban Matigi Ala ma ka ne ɲanaman to aw cɛ ra, o tuma, ni ne nana sa do?

Sariya 31:27 Iomraidhean Croise

Lok 2nan 30:8

«Aw kana aw tulo gwɛlɛya i n'a fɔ aw faaw, aw ka kolo Masaba ye. Aw ka n'a ka sigiyɔrɔ la, a ye min saniya kudayi. Aw ka baara kɛ Masaba aw ka Ala ye, janko a dimikojugu kana kɛ sababujugu ye aw ma.

Nehemi 9:16

«Nga an faaw y'u yɛrɛ boɲa k'u tulo gwɛlɛya, u ma sɔn ka mɛnni kɛ i ka sariya la.

Nehemi 9:29

I y'a ɲini u fɛ sɔbɛ la k'u ka kɔsegi ka na i ka sariya bato, nga u tora u ka yɛrɛboɲa na, u ma sɔn ka mɛnni kɛ i fɛ. U tora k'i ka sariyaw cɛn minw sababu la mɔgɔ be se ka to nii na. U kɛra mɔgɔmurutininw ye ani tulogwɛlɛnw ye, u ma sɔn ka mɛnni kɛ fewu.

Zaburu 78:17

Nga u tagara ɲa k'a hakɛ ta. U tun murutira Fɛɛn bɛɛ kuntigi ma kongokolon kɔnɔ.

Zaburu 78:8

U tena kɛ u faaw ɲɔgɔn ye. Olu tun kɛra ɲamalɔbaliw ni murutibagaw ye. U jigi tun te yɔrɔ kelen na, u kɔnɔ tun gwɛnin te Ala ye.

Ezayi 30:9

Nunu ye mɔgɔmurutininw le ye, namaramɔgɔw lo. Deen minw lo, u te sɔn Masaba ka ladili ma.

Ezayi 48:4

Ne y'a lɔn ko aw tulo te mɛnni kɛ, aw tulo ka gwɛlɛ kosɔbɛ.

Yeremi 5:23

Nga siya nin mɔgɔw ye tulogwɛlɛnw ye, mɔgɔmurutininw lo. U be ne ka sira bila ka taga.

Ezekiyɛli 20:21

«Nga olu fana murutira ne ma. U ma taama ka kɛɲɛ ni ne ka kolatigɛninw ye. U ma banba ka ne ka fɔtaw bato, mɔgɔ be se ka hɛrɛ sɔrɔ minw batoli barika la. U ye ne ka lafiɲɛlonw fana cɛn. O la, ne tun ko ne bena n dimi bɔ u la, n bena n ka fariya yira u la kongokolon kɔnɔ.

Kɛwalew 7:51

«Tulogwɛlɛnw! Alalɔnbaliw! Aw t'aw tulo yɛlɛ ka mɛnni kɛ Ala fɛ dɛ! Halibi aw be ban Nii Senuman ma. Aw faaw tun be cogo min na, aw fana be ten.

Sariya 31:26

«Aw ka sariyasɛbɛ nin ta, k'a bila Masaba aw ka Ala ka layidu taamasiɲɛ kɛsu gɛrɛfɛ. A bena kɛ seereyafɛn ye aw kama o yɔrɔ la.

Sariya 32:20

A ko: «N bena n yɛrɛ dogo u la, n ben'a ye u ka siniko bena kɛ min ye. Bari mɔgɔjuguw lo, deen tilenbaliw lo.

Sariya 9:13

A y'a fɔ ne ye tugu ko: ‹Ne y'a kɔlɔsi ko jama nin tulo ka gwɛlɛ.

Sariya 9:24

Kabini ne y'aw lɔn, aw be to ka muruti Masaba ma.

Sariya 9:4

«Ni Masaba aw ka Ala y'u gwɛn ka bɔ aw ɲa ka ban tuma min na, aw kana miiri ko aw ka tilenninya kosɔn lo Masaba y'a kɛ aw sera ka jamana nin minɛ. Ayi dɛ! Masaba be siya nunu gwɛn aw ɲa u ka juguya le kama.

Sam fɔlɔ 12:15

Nga n'aw ma sɔn ka mɛnni kɛ Masaba fɛ, n'aw murutira ka ban a ka kuma ma, a bena aw tɔɔrɔ i n'a fɔ a y'aw faaw tɔɔrɔ cogo min na.