Sariya 31:21 - ALA KA KUMA

²¹ Ni kojugu ni tɔɔrɔ caaman sera u ma tuma min na, u kɔmɔgɔw tena ɲinɛ nin dɔnkili nin kɔ, o bena kɛ seereya ye u kama. Ne b'u ka miiriyaw lɔn ka ban, yanni ne ka don n'u ye jamana nin kɔnɔ, ne ye min layidu ta.»

Jula NT of Côte d’Ivoire

²¹ Ni kojuguw ni gbɛlɛya caman nana se o ma tuma min na, o tuma nin dɔnkiri le bɛna kɛ ne seere ye o kama, sabu hali o ta durujaw bɛna to ka nin dɔnkiri la, o hakiri tɛna bɔ a kɔ fiyewu. Ne karira nin mɔgɔw ye ko ne bɛna jamana min di o ma, hali k’a sɔrɔ ne ma se ni o ye o jamana ra ban, o bɛna taga ko o ko kɛ, ne ka o bɛɛ lɔn ka ban.»

Sariya 31:21 Iomraidhean Croise

Damina 6:5

Masaba y'a ye ko mɔgɔw be juguyara ka taga dugukolo kan, k'a ye ko u ka miiriya bɛɛ tun ka jugu tuma bɛɛ,

Damina 8:21

Masaba y'o kasa diman mɛn, a y'a fɔ a yɛrɛ kɔnɔ ko: «Adamaden ka miiriyaw si ma ɲi kabini a daminɛ na. O bɛɛ n'a ta, ne tena dugukolo danga mɔgɔw kosɔn tugu abada. Ne tena nimanfɛnw bɛɛ faga tugu fewu i n'a fɔ ne y'a kɛ cogo min na.

Lok fɔlɔ 28:9

«Ayiwa, ne deen Solomani, ele kɔni, i ka banba k'i faa ka Ala lɔn, ani ka baara kɛ a ye ni kɔnɔgwɛ ye, k'i yɛrɛ bɛɛ d'a ma, bari Masaba be adamadenw bɛɛ kɔnɔnako sɛgɛsɛgɛ ani k'u ka miiriya bɛɛ lɔn. N'i y'a ɲini, a ben'a yɛrɛ yira i la, nga n'i bann'a la, a fana bena ban i la pewu.

Zaburu 139:2

I be ne latuma ni n wilituma kala ma. I be n ka miiriyaw lɔn kabini tumajan.

Ezayi 46:10

Koo min bena kɛ, ne y'o koo fɔ kabini a daminɛ. Koo min ma kɛ fɔlɔ, ne y'o fɔ ka tɛmɛ kabini tumajan. Ne ko: N ye koo min latigɛ, o be kɛ le. Koo min bɛɛ ka di ne ye, n b'o kɛ.

Oze ta kitabu 5:3

Ne be Efarayimu kɔmɔgɔw lɔn. Isirayɛli mara mɔgɔw ma dogo n ma. Efarayimu kɔmɔgɔw, aw tora kakalaya la, Isirayɛli mara nɔgɔra.

Sarakalasebagaw 26:41

Min y'a to ne fana banna u la k'a kɛ u tagara u juguw ka jamana na. O tuma na, o mɔgɔ tulogwɛlɛn nunu bena u yɛrɛ majigi ka lɔ n'u ka tilenbaliya kunko ye.

Kɛwalew 2:23

Ala tun y'a ka koo latigɛ cogo min na, a kɛra ten fana. Aw y'a don kojugukɛlaw bolo janko u k'a faga, olu y'a gwengwen lɔgɔ kan k'a faga.

Kɛwalew 4:28

Ayiwa, i tun ye koo minw bɛɛ latigɛ, u y'o bɛɛ kɛ.

Sariya 30:18

ne b'aw lasɔmi bii, ko aw bena tunu pewu. Aw tena sigi ka mɛn o jamana nin kɔnɔ aw be ɲini ka Zurudɛn baji tigɛ ka don min kɔnɔ, k'a kɛ aw ta ye.

Sariya 31:7

O kɔ, Musa ye Zozuwe wele k'a fɔ a ye Isirayɛlidenw bɛɛ ɲana ko: «I ka barika don i yɛrɛ la, k'i jaa gwɛlɛya, bari Masaba ye layidu ta jama nin bɛmaw ye ko a bena jamana min di u ma, e lo bena taga n'u ye o yɔrɔ la. Ani k'a tilan u cɛ, ka bɛɛ niyɔrɔ d'a ma.

Sariya 4:30

N'aw nana to dusukasi la, ni o koo nunu bɛɛ sera aw ma tuma min na, waati nataw la, aw bena kɔsegi ka na Masaba aw ka Ala ma ka mɛnni kɛ a fɛ.