Sariya 31:20 - ALA KA KUMA

²⁰ Tiɲɛ na, ne tun ye jamana min layidu ta u bɛmaw ye, ne bena don ni jama nin ye o kɔnɔ, nɔnɔ ni lii ka ca kosɔbɛ yɔrɔ min na, jamana diman lo. U bena dumuni kɛ ka fa, ka boɲa, u bena yɛlɛma k'u ɲaa sin joow ma fana k'olu sɔn. U bena u ɲaa don ne la, ani ka ne ka bɛɛn cɛn.

Jula NT of Côte d’Ivoire

²⁰ Ne tun karira nin mɔgɔw bɛmaw ye ko ne bɛna jamana min di o ma, nɔnɔ ni li bɛ woyo jamana min na, ne bɛna taga ni o ye o jamana ra. O bɛna domuni kɛ ka fa, ka bonya fɔ ka tɔrɔ; nka o kɔ, o bɛna yɛlɛma batofɛn wɛrɛw fɛ ka taga olugu bato, ka ne mafiyɛnya, ka o ni ne ta jɛnɲɔgɔnya cɛn.

Sariya 31:20 Iomraidhean Croise

Nehemi 9:35

I ye hɛrɛ kɛ u ye ka jamanaba ni dugukoloɲuman di u ma ka sigi yen. Hali k'u to u yɛrɛ ka mara nin kɔnɔ hɛrɛ la, u ma sɔn k'u ka kojuguw dabila k'i bato.

Zaburu 119:70

U hakili ka dɔgɔ, u te faamuyali kɛ. Nga ne kɔni, e ka sariya le koo ka di ne ye.

Zaburu 17:10

U te makari fewu. U ka kuma ye yɛrɛboɲakuma ye.

Zaburu 73:7

Juguya ni miiriyajugu le b'u kɔnɔ.

Bɔri 3:17

Ko ne ko n bena u bɔ Ezipiti jamana tɔɔrɔ la ka taga n'u ye kanaanw ni itiw, ani amoriw ni periziw ni iviw ani zebuziw ka jamana na, nɔnɔ ni lii ka ca o min kɔnɔ kosɔbɛ, jamana diman lo.

Bɔri 3:8

O la, ne jigira waasa k'u bɔsi Ezipitikaw bolo k'u bɔ o jamana nin na ka taga n'u ye jamanaɲuman na, min ka bon haali, nɔnɔ ni lii ka ca yɔrɔ min na kosɔbɛ, jamana diman lo. Kanaanw ni itiw, ani amoriw ni periziw, ni iviw ani zebuziw ka jamana lo.

Zanaw 30:9

Nafolocaya kan'a kɛ ne be tigɛ i la k'a fɔ ko: «Masaba ye jɔn ye?» Walima dɛsɛ kana ne bila soɲani na, min bena ele, ne ka Ala tɔgɔ cɛn.

Ezayi 6:10

A kɛ jama nin tulo ka gwɛlɛya! U tulow geren k'u ɲaaw nɔrɔ! U kana yeli kɛ, u kana mɛnni kɛ. U kana foyi faamu, u kana se ka nimisa ka faran u ka kojuguw la, ka kɛnɛya.»

Yeremi 31:32

O tena kɛ i ko ne ye bɛɛn min kɛ n'u faaw ye tuma min na ne y'u minɛ u bolo ma k'u bɔ Ezipiti jamana la. Olu tun ye o bɛɛn nin cɛn, k'a sɔrɔ ne tun ye u yɛrɛ tigi ye. Ne Masaba le ko ten.

Yeremi 5:28

U ka bonbon, u be manamana! U ɲɔgɔn te yen juguya la. Falatɔ ka kan ni min ye, u t'o d'a ma. Nga olu ka koow le be yiriwa. Dɛsɛbagatɔw ka kan ni min ye, u t'o kɛ.

Yeremi 50:11

Ayiwa, aw ye nisɔndiya, aw ye nisɔndiya kosɔbɛ! Aw minw ye ne soɲa. Aw ye panpan i ko misidenw, binkɛnɛ yɔrɔ la. Aw ka mankan kɛ i ko soo kasikan.

Ezekiyɛli 34:16

Min tununa, ne bena o yaala, min tagara yɔrɔ wɛrɛ, ne bena o gwɛn ka na. Ne bena saga mandimininw joliw furakɛ, ka saga barikatanw dɛmɛ. Nga minw ka bonbon, ni barika b'u la, ne bena olu faga. Ne bena u bɛɛ kɔlɔsi ni tilenninya ye.

Ezekiyɛli 34:20

«O le kosɔn, ne Matigi, Masaba ko: Ne yɛrɛ le bena sagababaw ni saga fasaninw bɔ ɲɔgɔn na.

Oze ta kitabu 13:6

Isirayɛlidenw nana dumuni sɔrɔ, u ye dumuni kɛ ka fa. U ye dumuni kɛ ka fa tuma min na, u fara u yɛrɛ la dɔrɔn ka ɲinɛ ne kɔ.

Oze ta kitabu 6:7

«Bɛɛn min tun be yen, aw y'o cɛn adamadenya la. Aw ye ne janfa le.

Sariya 11:16

«Aw k'aw yɛrɛ minɛ kosɔbɛ, aw kana jɛngɛ ka bɔ siratilennin kan, ka fɛɛn wɛrɛw bato, ani k'aw kunbiri gwan u kɔrɔ.

Sariya 11:17

Bari o ben'a kɛ Masaba be dimi aw kɔrɔ, ani ka sanji minɛ, sanji tena ben tugu, suman tena ɲa dugukolo kan tugu, aw bena halaki ka bɔ jamanaɲuman nin kɔnɔ pɛwu, Masaba be min dira aw ma.

Sariya 6:3

Isirayɛlidenw, aw ka mɛnni kɛ, ani ka banba k'o bato. O la, aw bena hɛrɛ sɔrɔ, ani ka caya kosɔbɛ o jamana diman nin kɔnɔ, nɔnɔ ni lii ka ca kosɔbɛ yɔrɔ min na, i n'a fɔ Masaba, aw bɛmaw ka Ala y'a daa di aw ma cogo min na.

Sariya 7:1

«Aw bena jamana min minɛ, ni Masaba aw ka Ala y'a kɛ aw donna o kɔnɔ, n'a ye siya caaman nunu gwɛn ka bɔ aw ɲa, olu minw ye itiw ye, ni girigasiw, ani amoriw, ni kanaanw, ani periziw, ni iviw, ani zebuziw ye. Siya wolonwula minw ka ca, fanga b'o la fana ka tɛmɛ aw kan.

Sariya 8:19

«N b'a fɔ aw ye bii k'a gwɛlɛya ko n'aw ɲinɛna Masaba aw ka Ala kɔ, k'aw jigi la batofɛn wɛrɛw kan ka to k'u bato ani k'aw kunbiri gwan u kɔrɔ, aw bena halaki pewu.

Sariya 8:7

Masaba aw ka Ala ben'a kɛ aw be don jamanaɲuman kɔnɔ, kɔɔw be yen, ni jii bɔyɔrɔw, jisiraw be dugukolo jukɔrɔ n'u be bɔ ka woyo kuluw n'u furancɛw la.