Sariya 31:18 - ALA KA KUMA

¹⁸ Ne bena n yɛrɛ dogo o loon na, bari u ye kojugu kɛ ka joow sɔn.

Jula NT of Côte d’Ivoire

¹⁸ O lon na, ne kɔni bɛna ne ɲada dogo o ma, o ta kojuguw bɛɛ kosɔn, sabu o tagara ala wɛrɛw bato.

Sariya 31:18 Iomraidhean Croise

Mas 2nan 22:13

«Aw ka taga Masaba ɲininga ne, ani jama, ni Zuda mara mɔgɔw bɛɛ ye, kitabu nin kɔnɔnakuma kosɔn min yera. Bari Masaba dimina kosɔbɛ an kɔrɔ, sabu an faaw m'a kuma bato, u ma taama ka kɛɲɛ n'a kɔnɔnakuma bɛɛ ye.»

Bɔri 34:15

Aw k'aw yɛrɛ kɔlɔsi, aw kana bɛn n'o jamana mɔgɔw ye. N'o tɛ, n'u b'u ka kakalaya la k'u ka batofɛnw sɔn tuma min na, u bena aw wele, aw fana bena u ka sɔnnikɛfɛnw dumu.

Ezayi 48:8

Tiɲɛ na, aw m'o mɛn, aw ma dɔ lɔn o la. Kabini tumajan, aw tulo tun te mɛnni kɛ. Ne y'a lɔn ko aw ye namaramɔgɔw ye. Kabini aw wolotuma, u b'aw wele ko murutininw.

Ezayi 5:25

O kama, Masaba dusu dimina a ka jama kɔrɔ, a y'a bolo kɔrɔta k'u bugɔ. Kuluw yɛrɛyɛrɛla, u suuw tora siradaw la i ko ɲamaɲama. O n'a ta bɛɛ, a ka dimi ma nɔgɔya, a bolo be sanfɛ halibi.

Ezayi 64:7

O n'a ta bɛɛ, ele Masaba le ye an Faa ye. Anw ye bɔgɔmana ye, ele ye dagadilanbaga ye. Anw bɛɛ ye ele bulonɔ ye.

Yeremi 33:5

ni Babilɔnikaw ye. Soo nunu bena fa suuw la, ne bena minw halaki dimikojugu fɛ. Ne bena n yɛrɛ dogo dugu nin na a ka juguya bɛɛ kama.

Ezekiyɛli 39:23

«Siya wɛrɛw ben'a lɔn ko Isirayɛlidenw minɛna ka taga jamana wɛrɛ la u yɛrɛ ka kojugu kosɔn, bari u ma tilen ne ma. O kosɔn, ne ye n yɛrɛ dogo u la k'u don u juguw bolo, u bɛɛ fagara ni murujan ye.

Sariya 31:19

Sisan aw ka dɔnkili nin sɛbɛ aw yɛrɛ ye, ka Isirayɛlidenw degi a la, k'a to u b'a la, o dɔnkili nin ka kɛ seereya ye Isirayɛlidenw kama ne kosɔn la.

Sariya 32:20

A ko: «N bena n yɛrɛ dogo u la, n ben'a ye u ka siniko bena kɛ min ye. Bari mɔgɔjuguw lo, deen tilenbaliw lo.

Kititigɛbagaw 2:17

Nga u yɛrɛ ma sɔn ka mɛnni kɛ u ka cɛfariw fɛ, u tun tagara nɔrɔ joow la, ka to k'u kunbiri gwan u ɲafɛ. U faaw tun ye sira min ta, u y'o bila joona joona, u ma sɔn ka Masaba ka sariya bato i n'a fɔ u faaw y'a kɛ cogo min na.