Sariya 31:17 - ALA KA KUMA

¹⁷ O loon na, ne bena dimi u kɔrɔ k'u to yen. N bena n yɛrɛ dogo u la, u bena halaki. Kojugu ni tɔɔrɔ caaman bena u sɔrɔ. U ben'a faamuya ko kojugu nunu sera u ma, bari ne t'u cɛma tugu.

Jula NT of Côte d’Ivoire

¹⁷ O lon na, ne bɛna dimi o kɔrɔ kosɛbɛ. Ne bɛna o to yi, ka ne ɲada dogo o ma, k’a to o ye o halaki; kojugu caman ni tɔɔrɔ caman bɛna o sɔrɔ.» O tuma ra o bɛna a fɔ ko: «An Matigi Ala tɛ ni an ye tuun minkɛ, o le m’a to nin kojuguw bɛɛ bɛ sera an ma wa?»

Sariya 31:17 Iomraidhean Croise

Mas fɔlɔ 8:57

Masaba an ka Ala ka to an fɛ, i n'a fɔ a tora an faaw fɛ cogo min na. A kana an to an kelen, a kana an bila.

Mas 2nan 22:13

«Aw ka taga Masaba ɲininga ne, ani jama, ni Zuda mara mɔgɔw bɛɛ ye, kitabu nin kɔnɔnakuma kosɔn min yera. Bari Masaba dimina kosɔbɛ an kɔrɔ, sabu an faaw m'a kuma bato, u ma taama ka kɛɲɛ n'a kɔnɔnakuma bɛɛ ye.»

Lok fɔlɔ 28:9

«Ayiwa, ne deen Solomani, ele kɔni, i ka banba k'i faa ka Ala lɔn, ani ka baara kɛ a ye ni kɔnɔgwɛ ye, k'i yɛrɛ bɛɛ d'a ma, bari Masaba be adamadenw bɛɛ kɔnɔnako sɛgɛsɛgɛ ani k'u ka miiriya bɛɛ lɔn. N'i y'a ɲini, a ben'a yɛrɛ yira i la, nga n'i bann'a la, a fana bena ban i la pewu.

Lok 2nan 15:2

A bɔra ka taga Aza kunbɛn k'a fɔ a ye ko: «Aza, e ni Zuda kɔmɔgɔw, ani Bɛnzamɛn taw bɛɛ, aw ka mɛnni kɛ ne fɛ. N'aw tora Masaba fɛ, a be to n'aw ye. N'aw y'a ɲini, aw ben'a ye. Nga ni aw bann'a la, a bena ban aw la fana.

Lok 2nan 21:10

Edɔmuw tora u ka murutili la Zuda mara ka fanga ma fɔɔ ka na se bii ma. Libinakaw fana murutira o waati kelen le la, bari Zoramu tun banna Masaba a faaw ka Ala la.

Lok 2nan 24:20

O kɔ, Ala ka Nii jigira sarakalasebaga Yoyada dencɛ Zakari kan. Ale lɔra jama ɲa k'a fɔ ko: «Ala ko mun na aw te ale Masaba ka kuma bato? Ko aw tena taga ɲa. Ko aw banna ale la minkɛ, ale fana banna aw la.»

Nehemi 9:32

«O la sisan, an ka Ala, e min ka bon, see fana b'i ye ani mɔgɔ ka kan ka siran i ɲa, e min be to i ka layidu kan kantigiya la, an n'an ka masacɛw, n'an kuntigiw, n'an ka sarakalasebagaw, n'an ka kiraw, n'an faaw, n'i ka jama bɛɛ ye tɔɔrɔ minw sɔrɔ Asirikaw ka masacɛw ka tile la fɔɔ ka na se bii ma, i kana u filɛ kofitini ye.

Ayuba 13:24

Mun na e y'i yɛrɛ dogo? I ye ne kɛ i jugu dɔ ye mun na?

Ayuba 34:11

Nga, a be adamadenw ka kɛwaliw juru sara u ye, a be bɛɛ sara ka kɛɲɛ n'u ka kɛta ye.

Zaburu 104:29

N'i y'i yɛrɛ dogo, u be siran. N'i y'u nii minɛ, u be sa ka kɔsegi ka kɛ buguri ye.

Zaburu 2:12

Aw k'a Dencɛ boɲa janko a kana dimi, aw kana bari ka sa, bari a dimi man gwɛlɛ. Mɔgɔ minw bɛɛ b'u yɛrɛ kalifa a ma, olu dagamunin lo.

Zaburu 27:9

Kana i yɛrɛ dogo ne la, kana sɔn k'i ka baaraden gwɛn ni dimi ye. Ele le ye ne dɛmɛbaga ye, ele min ye ne kisibaga Ala ye, kana ne bila ka n to yen.

Zaburu 30:7

N ɲasumawaati la, n y'a fɔ ko: «Foyi tena ne sɔrɔ tugu.

Zaburu 44:10

O bɛɛ n'a ta, Ala, e y'an bila kɔ. E y'a kɛ an maloyara kosɔbɛ. E te tagara n'an ka kɛlɛdenw ye kɛlɛ la tugu.

Zaburu 89:46

I y'a kɛ a ka kanbelenya waati ma jaɲa, i y'a maloya kosɔbɛ.

Zaburu 90:11

Jɔn be se k'i ka dimi fariya danyɔrɔ lɔn? Jɔn le b'i ka fariya siranya hakɛ lɔn?

Ezayi 2:6

Tiɲɛ na, e y'i ka jama Yakuba kɔmɔgɔw fili, Masaba. Bari, kɔrɔn fɛ lagwɛlikɛlaw fanin b'u cɛma. U ka kirisi fɔko cayara i ko filisiw. Olu ni siya wɛrɛw be bɛn.

Ezayi 5:25

O kama, Masaba dusu dimina a ka jama kɔrɔ, a y'a bolo kɔrɔta k'u bugɔ. Kuluw yɛrɛyɛrɛla, u suuw tora siradaw la i ko ɲamaɲama. O n'a ta bɛɛ, a ka dimi ma nɔgɔya, a bolo be sanfɛ halibi.

Ezayi 63:17

Masaba, mun na i b'an to yen, an yɔrɔ be taga jaɲa i ka sira la, an dusu be taga gwɛlɛya fɔɔ an te siran i ɲa? Kɔsegi ka na i ka baarakɛlaw kosɔn, i ka jama kosɔn.

Ezayi 64:7

O n'a ta bɛɛ, ele Masaba le ye an Faa ye. Anw ye bɔgɔmana ye, ele ye dagadilanbaga ye. Anw bɛɛ ye ele bulonɔ ye.

Ezayi 8:17

Ne be Masaba kɔnɔna, min y'a yɛrɛ dogo Yakuba kɔmɔgɔw la. Ne jigi b'ale lo kan.

Yeremi 23:33

«Ni mɔgɔ nunu, walima kira dɔ, walima sarakalasebaga dɔ y'i ɲininga ko: ‹Masaba ka doni ye mun le ye?›, i ka u jaabi ko: Masaba ko: ‹Aw le ye ne Masaba ka doni ye. O la, ne bena aw fili!›

Yeremi 23:39

ne bena aw ɲun i n'a fɔ doni, k'aw fili fɔɔ yɔrɔjan ka bɔ n ɲakɔrɔ! Aw ni dugu nin bɛɛ, ne tun ye min di aw n'aw faaw ma.

Yeremi 33:5

ni Babilɔnikaw ye. Soo nunu bena fa suuw la, ne bena minw halaki dimikojugu fɛ. Ne bena n yɛrɛ dogo dugu nin na a ka juguya bɛɛ kama.

Yeremi 36:7

N'a sɔrɔ u bena Masaba daali, ani u kelen kelen bɛɛ bena faran u ka sirajuguw la, bari Masaba ko a diminin lo kosɔbɛ siya nin kɔrɔ.»

Yeremi 40:2

Kuntigi nin ye Zeremi minɛ k'a fɔ a ye ko: «Masaba i ka Ala tun ye bɔnɛ min latigɛ yɔrɔ nin kama.

Yeremi 8:19

Ne ka mɔgɔw kasikan be bɔra k'u to fɔɔ yɔrɔjan. U ko: «Masaba te *Siyɔn dugu kɔnɔ tugu wa? Dugu masacɛ te yen tugu wa?» Mun na mɔgɔ nunu be ne dusu dimi n'u ka josɔnko ye? Joo minw ye siya wɛrɛw ta ye.

Ezekiyɛli 39:29

Ne tena n yɛrɛ dogo u la tugu, bari ne bena n Nii di Isirayɛlidenw ma. Ne Matigi, Masaba le ko ten.»

Oze ta kitabu 10:4

U be kumafu dama le fɔ, u be kali fu, u be bɛnkolon kɛ ɲɔgɔn fɛ. O la, u ka ɲɔgɔnkiti be cayara i ko baga, forow kɔnɔ.

Oze ta kitabu 9:12

Hali n'u ye deenw lamɔ, yanni o deenw ka kɔrɔbaya, ne bena u faran ɲɔgɔn na. Ni ne y'u bila, o ye bɔnɛ ye u ma!

Mise 3:4

Ni o kɛbagaw nana kule Masaba nɔɔ fɛ, a tena u jaabi. O tuma na, a ben'a yɛrɛ dogo u la. Bari u ye kojugu kɛ.

Jateri 14:42

Aw kana taga, bari Masaba te n'aw ye. N'aw tagara, aw juguw bena se aw kɔrɔ.

Sariya 29:20

Masaba ben'a bɔ Isirayɛli deenw burujuw cɛma ka kojugu lase a ma ka kɛɲɛ ni bɛɛn danga ye minw bɛɛ koo fɔra sariyasɛbɛ nin kɔnɔ.

Sariya 30:18

ne b'aw lasɔmi bii, ko aw bena tunu pewu. Aw tena sigi ka mɛn o jamana nin kɔnɔ aw be ɲini ka Zurudɛn baji tigɛ ka don min kɔnɔ, k'a kɛ aw ta ye.

Sariya 30:19

«Ɔnhɔn, ne b'a fɔ aw ye bii, sankolo ni dugukolo ye ne seerew ye aw kama. Ne ye sii sɔrɔcogo, ni sayako fɔ aw ye, ni dubaw ani danga sɔrɔcogo. Aw ka sii sɔrɔko kɛ waasa aw ka se ka to nii na, aw n'aw kɔmɔgɔw,

Sariya 31:18

Ne bena n yɛrɛ dogo o loon na, bari u ye kojugu kɛ ka joow sɔn.

Sariya 7:21

Aw jaa kana tigɛ u kama bari Masaba aw ka Ala be n'aw ye, see b'a ye, siranyafɛn lo.

Kititigɛbagaw 10:6

O kɔ, Isirayɛlidenw ye kojugu kɛ Masaba ɲakɔrɔ tugu. U ye *Baali ni *Asitarite sɔn yɔrɔ caaman na, ani Sirikaw ka joow, ni Sidɔnkaw, ani mowabuw ni amoniw, ni filisiw taw. U ye Masaba to yen u m'a bato tugu.

Kititigɛbagaw 6:13

Zedeyɔn y'a fɔ a ye ko: «N matigi, ni Masaba be ni anw ye, mun na koo nunu y'an sɔrɔ? An faaw ye kabako minw bɛɛ fɔ an ye, o be min? U tun be to k'a fɔ ko Masaba le ye olu bɔ Ezipiti jamana na. Masaba do y'an bila sisan, k'an don Madiyanw bolo.»