Sariya 31:14 - ALA KA KUMA

¹⁴ Masaba y'a fɔ Musa ye ko: «I satuma surunyana. Zozuwe wele, aw ka na ɲɔgɔn fɛ Ɲɔgɔnkunbɛn fanibugu la. N bena n ka ciiw fɔ a ye.» O la, Musa ni Zozuwe tagara Ɲɔgɔnkunbɛn fanibugu la.

Jula NT of Côte d’Ivoire

¹⁴ Matigi Ala k’a fɔ Musa ye tuun ko: «I sawagati surunyara. Yosuwe wele, aw ye taga Ɲɔgɔnkunbɛn fanibon* kɔnɔ; ne bɛna ne ta ciw fɔ a ye.» Musa ni Yosuwe tagara Ɲɔgɔnkunbɛn fanibon kɔnɔ.

Sariya 31:14 Iomraidhean Croise

Damina 47:29

Yakuba y'a lɔn ko a saya tuma surunyana minkɛ, a y'a deen Yusufu wele k'a fɔ a ye ko: «N'o y'a sɔrɔ ne koo ka di e ye, e k'i ka ɲumanya n'i ka kantigiya yira ne la, k'i bolo don ne woto kɔrɔ k'a yira ko i b'i daa di ko i tena ne suu don Ezipiti jamana na.

Mas fɔlɔ 2:1

Dawuda satuma tun sera, o la, a ye ladili di a dencɛ Solomani ma ko:

Mas 2nan 1:4

O la, Masaba y'a fɔ ko a lara dilan min kan, ko a tena jigi ka bɔ a kan, ko a bena sa, siga t'a la.» O kɔ, Eli y'a ka sira minɛ ka taga.

Mas 2nan 20:1

O waati la, Ezekiyasi banana fɔɔ a tun be ɲini ka sa. Amɔsi dencɛ Ezayi min tun ye kira ye, ale nan'a fɛ k'a fɔ a ye ko: «Masaba ko e k'i ka soo kɔnɔ koɲaw ɲanabɔ, bari i bena sa, i tena kɛnɛya.»

Ayuba 1:6

Loon dɔ, mɛlɛkɛw nana Masaba fɛ, Sutana fana nana don u cɛma.

Ayuba 2:1

Loon dɔ tugu, mɛlɛkɛw nana Masaba ɲakɔrɔ. Sutana fana nana n'u ye Masaba fɛ.

Bɔri 33:11

Masaba tun be kuma ni Musa ye daa ni daa i n'a fɔ mɔgɔ be kuma n'a teri ye cogo min na. O kɔ, Musa tun be kɔsegi ka taga jama sigiyɔrɔ la, nga a dɛmɛbaga, Nun dencɛ kanbelen Zozuwe, ale tun te bɔ fanibugu kɔnɔ.

Bɔri 33:9

Ni Musa donna fanibugu kɔnɔ tuma min na, sankaba be jigi ka lɔ a daa la, Masaba be kuma ni Musa ye.

Bɔri 34:2

I yɛrɛ labɛn sanni dugu ka gwɛ. Ni dugu gwɛra, i ka yɛlɛ Sinayi kulu kan ka lɔ ne ɲakɔrɔ kulu kunna yen.

Waajurikɛbaga 9:5

Bari, mɔgɔ minw be nii na, olu b'a lɔn k'u bena sa. Nga minw sara ka ban, olu te foyi lɔnna tugu. Sara te u tɔgɔ la tugu, u koo te to hakili la tugu.

Ezayi 38:1

O waati la, Ezekiyasi banana fɔɔ a tun be ɲini ka sa. Amɔsi dencɛ Ezayi, min tun ye kira ye, ale tagar'a fɛ k'a fɔ a ye ko: «Masaba ko e k'i ka soo kɔnɔ koɲaw ɲanabɔ, bari i bena sa, i tena kɛnɛya.»

Jateri 27:12

Masaba y'a fɔ Musa ye ko: «Yɛlɛ Abarimu kulu nin kan. Ne ye jamana min di Isirayɛlidenw ma, i k'a filɛ.

Jateri 27:13

I ben'a ye, o kɔ, i fana bena taga i faaw fɛ i n'a fɔ i kɔrɔcɛ Arɔn,

Jateri 27:18

Masaba y'a fɔ Musa ye ko: «Nun dencɛ Zozuwe wele, ne Ala Nii be min fɛ, k'i bolo la a kunna.

Rɔmukaw 12:1

N balimaw, ne b'aw daali Ala ka makari kosɔn ko aw k'aw yɛrɛ kɛ saraka ɲanaman ye, min saniyanin lo, n'a ka di Ala ye: o le bena kɛ aw ka batoli ɲanaman ye.

Sariya 31:13

U ka denmisɛn minw t'a lɔn fɔlɔ, olu fana ka kan k'a mɛn k'a lɔn ka siran Masaba aw ka Ala ɲa, k'aw to jamana nin kɔnɔ, aw bena Zurudɛn baji tigɛ ka min minɛ.»

Sariya 31:2

«Sisan, ne be ni saan kɛmɛ ni mugan ye, ne te se ka kɛ aw ɲamɔgɔ ye tugu. Masaba yɛrɛ y'a fɔ ne ye ko ne tena Zurudɛn baji tigɛ.

Sariya 31:23

Masaba ye kuma nin fɔ Nun dencɛ Zozuwe ye ko: «Barika don i yɛrɛ la, k'i jaa gwɛlɛya, bari e lo bena don ni Isirayɛlidenw ye jamana nin kɔnɔ, ne ye min layidu ta u ye. Ne yɛrɛ bena kɛ n'i ye.»

Sariya 32:50

I bena sa kulu nin kan ka taga i faaw fɛ, i n'a fɔ i balimacɛ Arɔn sara Ɔri kulu kan cogo min, ka ta'a faaw fɛ.

Sariya 34:5

Masaba ka baarakɛla Musa sara yen Mowabu mara la, i ko Masaba tun y'a fɔ cogo min na.

Sariya 4:22

O la, ne bena sa yan yɔrɔ la, ne tena Zurudɛn baji tigɛ. Nga aw kɔni ben'a tigɛ ka don jamanaɲuman nin kɔnɔ k'a kɛ aw ta ye.

Yosuwe 23:14

«Sisan, ne be taga diɲɛ mɔgɔw bɛɛ taayɔrɔ la. Aw ka l'a la kosɔbɛ ko Masaba aw ka Ala tun ye kuma diman minw bɛɛ fɔ aw ye, a bɛɛ kɛra ten, a si ma to yen min ma kɛ.

Yosuwe 24:1

Zozuwe ye Isirayɛli ka deenw kɔmɔgɔw bɛɛ lajɛn Sisɛmu, k'u ka cɛkɔrɔbaw ni ɲamɔgɔw ani kititigɛlaw ni kɛlɛdenw ɲamɔgɔw wele. U nana lɔ Ala ɲakɔrɔ.

Zude 1:24

Ala min be se k'aw tanga aw kana ben, ani k'aw kɛ jalakibaliw ye ka nisɔndiya di aw ma kosɔbɛ a ɲakɔrɔ,

Sam fɔlɔ 10:19

Bii aw banna aw ka Ala la, ale min ye aw kisi aw ka tɔɔrɔw, n'aw ka sigɛn bɛɛ ma. Aw y'a fɔ a ye ko a ka masacɛ di aw ma. Ayiwa, sisan aw ye na Masaba ɲakɔrɔ sokala sokala ani fadenyabolo fadenyabolo.»

Sam fɔlɔ 26:10

O kɔ, Dawuda y'a fɔ tugu ko: «Masaba le ben'a faga, n'a taalon sera, a bena taga, walima a bena taga kɛlɛ kɛ yɔrɔ dɔ la ka sa yen Masaba kosɔn.