Sariya 31:13 - ALA KA KUMA

¹³ U ka denmisɛn minw t'a lɔn fɔlɔ, olu fana ka kan k'a mɛn k'a lɔn ka siran Masaba aw ka Ala ɲa, k'aw to jamana nin kɔnɔ, aw bena Zurudɛn baji tigɛ ka min minɛ.»

Jula NT of Côte d’Ivoire

¹³ O cogo ra, o ta den minw tun ma nin sariya lɔn, olugu fana bɛna a mɛn; ni o kɛra, aw bɛna Zuridɛn ba tigɛ ka taga don jamana min na k’a kɛ aw ta ye, o bɛna Matigi Ala, aw ta Ala ɲasiran degi wagati bɛɛ ka aw to o jamana ra.»

Sariya 31:13 Iomraidhean Croise

Zanaw 22:6

Siraɲuman don i deen wilitɔkura seen kɔrɔ. Hali n'a kɔrɔbayara, a ten'a bila fewu.

Sarakalasebagaw 23:43

janko aw kɔmɔgɔw k'a lɔn ko ne ye Isirayɛlidenw bɔ Ezipiti jamana na tuma min na, ko ne y'a kɛ u sigira gwataw kɔrɔ. Ne le ye Masaba aw ka Ala ye.»

Hagize 1:12

O tuma na, Salitiyɛli dencɛ Zorobabɛli, ni Yewosadaki dencɛ Zozuwe, sarakalasebagaw kuntigi, ni jama tɔɔ min bɔra jɔnya la ka na, olu bɛɛ sɔnna Masaba u ka Ala ka kuma na. U sɔnna kira Aze ka kuma na, a ye min sɔrɔ Masaba u ka Ala fɛ. Jama siranna Masaba ɲa.

Ɛfɛsikaw 6:4

Wolobagaw, aw fana, aw kana fariya aw deenw ma fɔɔ u be muruti, nga aw k'u kolo k'u ladi, ani k'u kalan ka kɛɲɛ ni Matigi sago ye.

Sariya 11:2

«Aw kɔni be o koow lɔn, n kaan te aw deenw ma, olu m'u ye, u m'u lɔn. Aw ye Masaba aw ka Ala ka ladili sɔrɔ. Min ye a ka boɲa, n'a ka fangatigiya ani a ka setigiya ye,

Sariya 31:12

I bena mɔgɔw bɛɛ lajɛn, cɛɛ fara musow kan, ni denmisɛnw, ani lonan minw bɛɛ siginin be aw ka duguw kɔnɔ, waasa u ka se ka kuma nin mɛn, k'a lɔn ka siran Masaba aw ka Ala ɲa, k'a ka sariya nin kɔnɔnakuma bɛɛ bato.

Sariya 31:14

Masaba y'a fɔ Musa ye ko: «I satuma surunyana. Zozuwe wele, aw ka na ɲɔgɔn fɛ Ɲɔgɔnkunbɛn fanibugu la. N bena n ka ciiw fɔ a ye.» O la, Musa ni Zozuwe tagara Ɲɔgɔnkunbɛn fanibugu la.

Sariya 32:47

Kuma nunu te kuma gwansanw ye, aw nii kisifɛn lo. O ben'a to aw be sijan sɔrɔ jamana nin kɔnɔ aw bena min ta Zurudɛn baji kɔfɛ.»

Sariya 4:10

«Loon min na aw lɔra Masaba aw ka Ala ɲakɔrɔ *Orɛbu kulu kan, aw k'aw hakili to a la. A y'a fɔ ne ye ko ne ka jama lajɛn ale ɲakɔrɔ, ko ale bena kuma u fɛ janko u k'ale boɲako dege, u sii tile bɛɛ la dugukolo kan, ani k'u deenw dege o la.

Sariya 6:7

Aw k'aw deenw kalan o la. K'aw siginin to aw fɛ, walima k'aw to sira kan taama na, n'aw latuma na, n'aw wilituma.